Vikubyrjun 18. ágúst 2025
Við búumst við að peningastefnunefnd Seðlabankans haldi stýrivöxtum óbreyttum á miðvikudag. Auk vaxtaákvörðunarinnar fáum við vísitölu íbúðaverðs í vikunni og nokkur uppgjör. Metfjöldi erlendra ferðamanna fór frá landinu í júlí, atvinnuleysi var óbreytt á milli mánaða og áfram var nokkur kraftur í greiðslukortaveltu heimila.
18. ágúst 2025
Vikan framundan
- Á þriðjudag birtir HMS vísitölu íbúðaverðs fyrir júlí. Oculis og Síminn birta uppgjör.
- Á miðvikudag tilkynnir Seðlabanki Íslands um vaxtaákvörðun. Við búumst við óbreyttum vöxtum. Samhliða vaxtaákvörðuninni verða birt Peningamál. HMS birtir vísitölu leiguverðs.
- Á fimmtudag birta Heimar, Kaldalón og Reitir uppgjör. HMS birtir mánaðarskýrslu.
- Á föstudag birtir Hagstofan vísitölu launa.
Mynd vikunnar
Í síðustu viku fór fram könnun á væntingum markaðsaðila á skuldabréfamarkaði, en Seðlabankinn sendir út slíka könnun fjórum sinnum á ári. Óhætt er að segja að sýn markaðsaðila á framvindu verðbólgu og stýrivaxta hafi breyst nokkuð frá síðustu könnun. Í maíkönnuninni gerðu flestir ráð fyrir að verðbólga myndi hjaðna út árið, en nú í ágústkönnuninni er meirihlutinn þeirrar skoðunar að verðbólga aukist á árinu. Í stað þess að gera ráð fyrir 0,75 prósentustiga lækkun stýrivaxta á síðari helmingi ársins er nú ekki gert ráð fyrir frekari vaxtalækkun í ár. Það vekur athygli að um 85% svarenda álíta taumhald peningastefnu hæfilegt eða of þétt en búast samt við að stýrivöxtum verði haldið óbreyttum samhliða aukinni verðbólgu.
Það helsta frá vikunni sem leið
- Við spáum því að verðbólga verði óbreytt í 4,0% í ágúst, en Hagstofan birtir verðbólgutölur fimmtudaginn 28. ágúst. Við gerum ráð fyrir að verðbólga haldist rétt yfir 4% út árið.
- Um 302 þúsund erlendir ferðamenn fóru um Keflavíkurflugvöll í júlí. Ferðirnar hafa aldrei áður verið fleiri en 300 þúsund í einum mánuði. Í júlí fjölgaði ferðamönnum um 9,1% á milli ára og kemur það í kjölfar þess að þeim fjölgaði um 10,1% á milli ára í júní. Frá ársbyrjun hefur ferðamönnum nú fjölgað um 1,4%.
- Alls var greiðslukortavelta landsmanna um 129 ma.kr. í júlí og jókst um 6,5% á milli ára, að teknu tilliti til verðlags og gengis. Sem fyrr jókst kortavelta erlendis mun meira en kortavelta innanlands.
- Skráð atvinnuleysi hélst óbreytt í 3,4% á milli mánaða í júlí. Fjórða mánuðinn í röð var atvinnuleysi um 0,3% meira en í sama mánuði í fyrra.
- Verðbólga í Bandaríkjunum hélst óbreytt í 2,7% á milli mánaða. Verðbólga reyndist minni en búist var við og því eru nú taldar lítillega meiri líkur á vaxtalækkun í september.
- Alvotech, Amaroq, Eik, Kvika, Nova og SKEL fjárfestingafélag birtu uppgjör. Íslandsbanki tilkynnti um endurkaupaáætlun.
- Landsbankinn hélt útboð sértryggðra skuldbréfa ásamt skiptiútboði. Lánamál ríkisins tilkynntu um niðurstöðu viðbótarútgáfu. Útgerðafélag Reykjavíkur lauk sölu á nýjum skuldabréfaflokki.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
29. sept. 2025
Verðbólga mældist í takt við væntingar í september og fór úr 3,8% í 4,1%, samkvæmt vísitölu neysluverðs, sem Hagstofan birti í síðustu viku. Aukin verðbólga var fyrirséð og mælingin ber þess ekki merki að verðbólguþrýstingur í hagkerfinu hafi aukist. Kaupmáttur launa er 3,8% meiri en í ágúst í fyrra.
25. sept. 2025
Vísitala neysluverðs hækkaði um 0,11% á milli mánaða í september og verðbólga jókst úr 3,8% í 4,1%. Hækkunin skýrist að langmestu leyti af því að lækkunaráhrif gjaldfrjálsra skólamáltíða duttu nú úr 12 mánaða taktinum. Fátt í septembermælingunni kom á óvart en við spáðum 0,07% hækkun á vísitölunni og 4,1% verðbólgu. Við gerum ráð fyrir að verðbólga verði áfram á þessu bili út árið og verði 4,0% í árslok.
23. sept. 2025
Greiðslukortavelta heimila heldur áfram að aukast samhliða aukinni einkaneyslu. Það sama má segja um utanlandsferðir Íslendinga en það sem af er ári hafa Íslendingar farið í rúmlega 20% fleiri utanlandsferðir en á sama tímabili í fyrra. Auk þess að fara meira til útlanda virðast landsmenn kaupa þó nokkuð fleiri bíla en í fyrra. Á fyrstu átta mánuðum þessa árs voru nýskráðir bílar um 28% fleiri en á sama tíma í fyrra.
22. sept. 2025
Raunverð íbúða lækkaði á milli ára í ágúst, í fyrsta skipti frá því í byrjun árs 2024. Nafnverð íbúða hefur aðeins hækkað um 2,2% á einu ári og sífellt lengri tíma tekur að selja íbúðir. Leiguvísitalan hækkaði þó í ágúst og hækkandi leiguverð hefur með tímanum áhrif á verðbólgumælingar. Hagstofan birtir vísitölu neysluverðs næsta fimmtudag.
15. sept. 2025
Ferðamönnum hélt áfram að fjölga af krafti í ágúst og Íslendingar slógu enn eitt metið í fjölda utanlandsferða. Atvinnuleysi hélst óbreytt á milli mánaða í 3,4% og er lítillega meira en á sama tíma í fyrra. Í þessari viku birtir HMS nýjustu gögn um íbúðamarkað og við fylgjumst með vaxtaákvörðunum í Bandaríkjunum og Bretlandi.
11. sept. 2025
Við spáum því að verðbólga aukist í september og mælist 4,1%. Aukin verðbólga skýrist aðallega af því að í september í fyrra voru máltíðir í grunnskólum gerðar ókeypis og lækkunaráhrifin af því detta nú út úr ársverðbólgunni. Verðhækkun á mjólkurafurðum leiðir til meiri hækkunar á matvöruverði en síðustu mánuði. Ró yfir húsnæðismarkaðnum heldur aftur af hækkunum á reiknaðri húsaleigu en útsölulok hafa áhrif til hækkunar í mánuðinum, gangi spáin eftir.
8. sept. 2025
Í þessari viku ber hæst útgáfu á tölum um fjölda ferðamanna í ágúst og skráð atvinnuleysi. Í síðustu viku birti Seðlabankinn fundargerð peningastefnunefndar þar sem fram kom að allir nefndarmenn hefðu verið sammála um að halda vöxtum óbreyttum í ágúst. Þá birti Seðlabankinn einnig tölur um greiðslujöfnuð við útlönd sem gáfu til kynna mun meiri halla á viðskiptum við útlönd á öðrum fjórðungi þessa árs en þess síðasta.
1. sept. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. sept. 2025
Verðbólga hjaðnaði óvænt úr 4,0% í 3,8% í ágúst. Hagstofan áætlar að hagkerfið hafi dregist saman um 1,9% á öðrum ársfjórðungi. Gistinóttum fjölgaði alls um 16,5% á milli ára í júlí. Í vikunni birtir Seðlabankinn viðskiptajöfnuð við útlönd og fundargerð peningastefnunefndar.
28. ágúst 2025
Vísitala neysluverðs lækkaði um 0,15% á milli mánaða í ágúst og verðbólga hjaðnaði úr 4,0% í 3,8%. Hjöðnun á milli mánaða kemur ánægjulega á óvart en við spáðum 0,07% hækkun á vísitölunni og óbreyttri verðbólgu. Við gerum nú ráð fyrir að verðbólga verði 3,8% í árslok, að stærstum hluta vegna lægri mælingar nú en við spáðum áður.