16. júní 2025
Vikan framundan
- Í dag birtir Seðlabankinn tölur um greiðslumiðlun.
- Þriðjudagur er 17. júní, en HMS birtir samt vísitölu íbúðaverðs.
- Á miðvikudag birtir HMS vísitölu leiguverðs, þá er vaxtaákvörðun hjá Seðlabanka Bandaríkjanna og birtar verða verðbólgutölur í Bretlandi.
- Á fimmtudag birtir HMS mánaðarskýrslu og Englandsbanki tilkynnir um vaxtaákvörðun.
Mynd vikunnar: Uppgjör ÍL-sjóðs
Í síðustu viku fór fram uppgjör við eigendur HFF-skuldabréfa vegna slita ÍL-sjóðs. Uppgjörið fór þannig fram að ríkissjóður afhenti kröfuhöfum ríkisskuldabréf, önnur verðbréf (HARP 46 0217, ISB CBI 30, LBANK CBI 28 og LSS150434) sem nú eru í eigu ÍL-sjóðs og reiðufé í evrum og íslenskum krónum í staðinn fyrir HFF-skuldabréfin. Kostnaðurinn sem lendir á ríkissjóði, þ.e. munur á skuldum ÍL-sjóðs sem ríkið tekur yfir og eignum ÍL-sjóðs sem ríkið tekur til sín, eru tæpir 170 ma.kr. Meðal eigna ÍL-sjóðs sem ríkið tekur til sín er skuld ríkisins við ÍL-sjóð frá því á covid-tímanum, skuldabréf húsnæðissjóðs, lánasafn ÍL-sjóðs og skuldabréf Bríetar leigufélags.
Það helsta frá vikunni sem leið
- Um 159 þúsund erlendir ferðamenn fóru um Keflavíkurflugvöll í maí, 1,3% fleiri en í maí í fyrra. Annan mánuðinn í röð fjölgar ferðamönnum á milli ára eftir að hafa fækkað á milli ára fyrstu þrjá mánuði ársins. Frá ársbyrjun hefur ferðamönnum fækkað um 3,9%. Bandaríkjamenn og Bretar eru sem fyrr fjölmennastir. Brottfarir Íslendinga voru 67 þúsund í maí og landsmenn hafa aldrei farið jafnmargar utanlandsferðir í maímánuði. Þær voru 25% fleiri en í maí í fyrra og það sem af er ári hafa Íslendingar farið í 29% fleiri utanlandsferðir en á sama tímabili í fyrra, samkvæmt talningu Ferðamálastofu.
- Skráð atvinnuleysi hjá Vinnumálastofnun var 3,7% í maí. Atvinnuleysi lækkaði úr 3,9% í apríl, en atvinnuleysi lækkar jafnan á vorin. Atvinnuleysi var 0,3 prósentustigum meira nú en í maí í fyrra.
- Hagstofan birti tölur um fjármál hins opinbera á fyrsta ársfjórðungi ásamt því að endurskoða tölur aftur til 2006.
- Við birtum verðbólguspá fyrir júní, en Hagstofan birtir verðbólgutölur föstudaginn 27. júní. Við spáum því að verðbólga aukist lítillega á milli mánaða í júní, eða úr 3,8% í 3,9%.
- Seðlabankinn birti greinargerð til forsætisráðherra vegna þess að verðbólga fór yfir 4,0% efri vikmörk verðbólgumarkmiðs í apríl.
- Seðlabankinn jók reglubundin gjaldeyriskaup úr 6 m. evra á viku í 12 m. evra.
- Verðbólga í Bandaríkjunum hækkaði úr 2,3% í 2,4% í maí og mældist því aðeins undir væntingum.
- Lánshæfismatsfyrirtækið Moody’s staðfesti lánshæfismat Arion banka og Íslandsbanka og tók lánshæfismat Kviku banka til skoðunar. Fly Play tilkynnti að tveir af stærstu hluthöfum Play vildu taka yfir félagið. Amaroq lauk við hlutafjáraukningu. Stjórn Kviku svaraði beiðnum Arion banka og Íslandsbanka um samrunaviðræðum.
- Heimar, Landsbankinn og Lánasjóður sveitarfélaga héldu skuldabréfaútboð. Lánamál ríkisins tilkynntu um niðurstöðu viðbótarútgáfu.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
28. júlí 2025
Verðbólga hjaðnaði úr 4,2% í 4,0% í júlí. Við teljum ekki horfur á að verðbólga fari aftur niður fyrir efri vikmörk verðbólgumarkmiðs Seðlabanka Íslands í ár, heldur haldist á bilinu 4,0% til 4,3% út árið.
25. júlí 2025
Nú er liðið rúmt ár síðan Hagstofan tók upp nýja aðferð við að mæla reiknaða húsaleigu, sem er sá hluti vísitölu neysluverðs sem metur kostnað fólks við að búa í eigin húsnæði.
24. júlí 2025
Vísitala neysluverðs hækkaði um 0,32% á milli mánaða og verðbólgan hjaðnaði úr 4,2% í 4,0%. Þetta var í samræmi við væntingar, en við spáðum 0,26% aukningu VNV á milli mánaða og 4,0% verðbólgu. Við teljum að verðbólga komist ekki undir 4,0% efri vikmörk verðbólgumarkmiðs Seðlabankans í ár.
21. júlí 2025
Í júní dró úr árshækkun bæði vísitölu íbúðaverðs og leiguverðs. Ró virðist hafa færst yfir húsnæðismarkaðinn og HMS fjallaði um það í síðustu viku að markaðurinn væri frekar á valdi kaupenda en seljenda. Á fimmtudag birtir Hagstofan verðbólgutölur en við spáum því að verðbólga hjaðni úr 4,2% í 4,0%.
14. júlí 2025
Erlendum ferðamönnum fjölgaði um 10,1% á milli ára í júní, en það sem af er ári hafa þeir verið álíka margir og á sama tíma í fyrra. Atvinnuleysi jókst um 0,3 prósentustig á milli ára í júní, sem er svipuð aukning og hefur verið síðustu mánuði. Við birtum verðbólguspá í vikunni og teljum að verðbólga hjaðni úr 4,2% í 4,0%. Í þessari viku birtir HMS vísitölu íbúðaverðs, vísitölu leiguverðs og mánaðarskýrslu.
10. júlí 2025
Við spáum því að verðbólga minnki lítillega í júlí og mælist 4,0%. Eins og almennt í júlímánuði má búast við að sumarútsölur og breytingar á flugfargjöldum hafi mest áhrif á vísitölu neysluverðs. Við teljum ekki horfur á að verðbólga þokist nær verðbólgumarkmiði á árinu og spáum 4,2% verðbólgu í lok árs.
9. júlí 2025
Íbúðaverð á Íslandi hefur hækkað langtum meira en laun og almennt verðlag frá aldamótum. Greiðslubyrði af meðalláni hélst tiltölulega stöðug til ársins 2021 þegar hún tók að hækka skarpt, sérstaklega greiðslubyrði af óverðtryggðum lánum.
7. júlí 2025
Hækkandi matvöruverð og húsnæðiskostnaður eru þeir þættir sem eiga stærstan þátt í því að viðhalda verðbólgu á Íslandi um þessar mundir. Verðbólga mældist 4,2% í júní, nokkuð umfram spár. Ef matvara og húsnæði væru ekki hluti af vísitölu neysluverðs hefði verðbólga verið undir markmiði Seðlabankans frá því í ágúst í fyrra. Þættir á borð við sterkari krónu og lækkandi olíuverð hafa líkast til haldið aftur af verðhækkunum á ýmsum vörum upp á síðkastið, en á móti hefur þjónustuverð hækkað.
7. júlí 2025
Hagstofa Íslands spáir 2,2% hagvexti á yfirstandandi ári, samkvæmt hagspá sem birt var á föstudaginn. Hagvaxtarhorfur hafa verið færðar upp frá marsspánni þegar gert var ráð fyrir 1,8% hagvexti á árinu. Hagstofan spáir lítillega auknu atvinnuleysi næstu misserin, en Vinnumálastofnun birtir atvinnuleysistölur fyrir júnímánuð síðar í þessari viku.
1. júlí 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.