8. júní 2026
Vikan framundan
- Á miðvikudag birtir Ferðamálastofa brottfarir um Keflavíkurflugvöll og það verða birtar verðbólgutölur í Bandaríkjunum.
- Á fimmtudag birtir Vinnumálastofnun skráð atvinnuleysi. Sama dag er vaxtaákvörðun hjá Seðlabanka Evrópu.
Mynd vikunnar
Umræða hefur myndast um sveiflur í gengi krónunnar í kjölfar skýrslu um valkosti Íslands í gjaldmiðlamálum. Undirliggjandi tímabil skiptir höfuðmáli þegar svara á spurningunni hvort sveiflur í gengi íslensku krónunnar séu miklar eða ekki í samanburði við aðra gjaldmiðla. Sveiflur í gengi íslensku krónunnar á móti evru voru mun meiri en þeirrar sænsku eða norsku á árunum 2000 til 2011. Frá árinu 2012, eftir að breytingar urðu á umgjörð peningastefnu og fleiri stoðir bættust við útflutning landsins, birtist aftur á móti önnur mynd. Á þessu tímabili hefur íslenska krónan ekki sveiflast mikið meira en sænska eða norska krónan.
Það helsta frá vikunni sem leið
- Á fyrsta ársfjórðungi mældist 32,1 ma.kr. halli á viðskiptum við útlönd, sem er talsvert betri niðurstaða en á fyrsta ársfjórðungi síðasta árs, þegar halli mældist rúmlega 70 ma.kr. Halli á vöruskiptajöfnuði minnkaði á milli ára og afgangur af þjónustujöfnuði jókst. Nú mældist halli á frumþáttatekjum en á sama tíma í fyrra mældist afgangur.
- Fjöldi starfandi hélst óbreyttur á milli ára í apríl.
- Seðlabankinn birti fundargerð peningastefnunefndar og yfirlýsingu fjármálastöðugleikanefndar.
- HMS kynnti fasteignamat fyrir 2027.
- Verðbólga á evrusvæðinu hækkaði úr 3,0% í 3,2% í maí, í samræmi við væntingar. Verðbólga á evrusvæðinu hefur nú verið yfir verðbólgumarkmiði þrjá mánuði í röð og hefur ekki mælst hærri síðan í september 2023.
- Atvinnuleysi í Bandaríkjunum hélst óbreytt á milli mánaða í maí. Störfum fjölgaði um 172 þúsund í mánuðinum.
- Orkuveita Reykjavíkur og Landsvirkjun birtu uppgjör. Stjórn Brims samþykkti kaup á Lýsi. Alvotech lagði inn umsókn um markaðsleyfi í Bandaríkjunum fyrir hliðstæður við Simponi, Simponi Aria og Eylea.
- Alma íbúðafélag lauk stækkun á áður útgefnum skuldabréfaflokki. Arion banki hélt útboð á sértryggðum skuldabréfum ásamt skiptiútboði. Íslandsbanki gaf út græn skuldabréf í norskum og sænskum krónum. Ívera hélt útboð á tveimur nýjum skuldabréfaflokkum. Lánamál ríkisins lauk sölu á ríkisbréfum. Rarik lauk sölu á nýjum grænum skuldabréfaflokki.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
1. júní 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. júní 2026
Samkvæmt fyrsta mati Hagstofunnar mældist 2,7% hagvöxtur á fyrsta ársfjórðungi. Vísitala neysluverðs hækkaði um 0,07% á milli mánaða og verðbólga lækkaði því úr 5,2% í 5,1%.
29. maí 2026
Landsframleiðsla jókst um 2,7% á milli ára að raunvirði á fyrsta fjórðungi ársins. Mest var framlag utanríkisviðskipta til hagvaxtar sem skýrist að mestu af auknum umsvifum gagnavera. Einkaneysla jókst einnig á fjórðungnum þó hægt hafi á vexti hennar.
28. maí 2026
Vísitala neysluverðs hækkaði um 0,07% á milli mánaða og verðbólga lækkar því úr 5,2% í 5,1%. Við höfðum spáð því að verðbólga myndi lækka í 4,9%. Hækkun á flugfargjöldum hafði mest áhrif til hækkunar á ársverðbólgu í mánuðinum en lækkun á virðisaukaskatti á eldsneyti hafði mest áhrif til lækkunar. Án lækkunarinnar á virðisaukaskatti hefði verðbólga mælst 5,5%. Athygli vekur að verð á mat og drykk lækkaði á milli mánaða, annan mánuðinn í röð.
27. maí 2026
Þrátt fyrir minna flugframboð um Keflavíkurflugvöll hafa jafn margir erlendir ferðamenn farið um flugvöllinn fyrstu fjóra mánuði ársins í ár og í fyrra. Á móti fara færri tengifarþegar um flugvöllinn og utanlandsferðir Íslendinga hafa dregist verulega saman. Þó sumarið líti ágætlega út er meiri óvissa um haustið.
26. maí 2026
Peningastefnunefnd hækkaði vexti bankans um 0,25 prósentustig í síðustu viku, líkt og við höfðum spáð. Nú í vikunni koma verðbólgutölur og þjóðhagsreikningar.
20. maí 2026
Peningastefnunefnd hækkaði stýrivexti um 0,25 prósentustig annað skiptið í röð og segist tilbúin til að hækka vexti enn frekar. Efnahagshorfur hafa þó versnað verulega að mati bankans, en verðbólguspá var hækkuð í nýútgefnum Peningamálum og hagvaxtaspá lækkuð auk þess sem gert er ráð fyrir auknu atvinnuleysi. Kólnunin í hagkerfinu mun þó gera það að verkum að hættan á aukinni verðbólgu fram á við er minni.
19. maí 2026
Kortavelta íslenskra heimila dróst verulega saman á milli ára í apríl, eða um alls 5,8% að teknu tilliti til verðlags og gengis. Svo mikill samdráttur hefur ekki mælst síðan í febrúar 2021. Peningastefnunefnd fundar í dag vegna vaxtaákvörðunar á morgun, en við gerum áfram ráð fyrir 0,25 prósentustiga hækkun vaxta.
18. maí 2026
Í vikunni fram undan er vaxtaákvörðun hjá Seðlabanka Íslands og við spáum 0,25 prósentustiga hækkun. Fjöldi ferðamanna á fyrstu fjórum mánuðum ársins var svipaður og á sama tímabil í fyrra samkvæmt tölum sem birtust í síðustu viku. Utanlandsferðum Íslendinga hefur aftur á móti fækkað töluvert. Atvinnuleysi heldur áfram að aukast á milli ára.
13. maí 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga er enn yfir markmiði og verðbólguvæntingar hafa reynst þrálátar. Að okkar mati mun það ráða mestu um að nefndin haldi áfram vaxtahækkunarferlinu sem hófst í mars.