Verðbólga mældist 5,2% í júní, en við spáðum því að verðbólga myndi haldast óbreytt í 5,1%. Munurinn skýrist að langmestu leyti af því að flugfargjöld til útlanda hækkuðu töluvert meira en við gerðum ráð fyrir, en flugfargjöld til útlanda eru nú 28% hærri en á sama tíma í fyrra. Vísbendingar um kólnun í hagkerfinu og minni eftirspurn verða þrátt fyrir þetta æ meira áberandi í verðbólgutölum. Framlag flestra liða til ársverðbólgu hefur dregist nokkuð saman frá ársbyrjun en mikil hækkun á eldsneyti og flugfargjöldum veldur því að verðbólga dregst ekki meira saman og virðist nokkuð föst í kringum 5,2%.
Helsti óvissuþátturinn í verðbólguþróun fram á við er þróun olíuverðs en jákvæð tíðindi bárust um miðjan síðasta mánuð þegar deiluaðilar við Persaflóa undirrituðu viljayfirlýsingu um að stöðva átök og hefja frekari samningaviðræður. Við það lækkaði heimsmarkaðsverð á olíu (Brent) tímabundið niður fyrir 72 USD/fatið, en hæst fór það í um 120 USD/fatið eftir að átökin brutust út.
Peningastefnunefnd Seðlabankans kemur saman í næsta mánuði til þess að ákveða vexti. Þá hefur nefndin eina verðbólgumælingu til viðbótar í höndunum, júlímælinguna. Síðasta ákvörðun var kynnt daginn eftir að gögn birtust sem sýndu mikinn samdrátt í kortaveltu og hefur það eflaust spilað inn í ákvörðunina um að hækka vexti um 0,25 prósentustig en ekki 0,5. Í síðasta mánuði kom svo leiðrétting á umræddum gögnum sem benda nú til minni samdráttar. Það er því að hægja á neysluvexti landsmanna, sem eru góðar fréttir fyrir verðbólguna, en þó ekki jafn hratt og kortagögnin gáfu fyrst til kynna.
Lesa fréttabréfið í heild:
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
