29. júní 2026
Vikan framundan
- Á þriðjudaginn birtir Hagstofan gistinætur í maí. Hagar birta uppgjör.
- Á miðvikudag verða birtar verðbólgutölur á evrusvæðinu.
- Á fimmtudag verða birtar atvinnuleysistölur í Bandaríkjunum.
Mynd vikunnar
Í síðustu viku birti Hagstofan veltu út frá VSK-skýrslum fyrir VSK-tímabilið mars-apríl. Veltan jókst á milli ára að raunvirði í sjávarútvegi vegna loðnu og fiskeldis og í hugverkaiðnaði vegna starfsemi sem tengist gagnaverum. Velta dróst saman í ferðaþjónustu, aðallega vegna minni veltu í farþegaflutningum í flugi, m.a. vegna þess að Play hætti starfsemi síðasta haust og í framleiðslu málma vegna bilunar hjá Norðuráli. Innanlands var verulegur samdráttur í sölu bifreiða, en mjög mikið var selt rétt fyrir áramót vegna breytinga á opinberum gjöldum um áramót. Aukning var í bæði heildverslun og smásöluverslun sem bendir til að einkaneysla hafi enn verið sterk á tímabilinu. Samdráttur í byggingarstarfsemi og mannvirkjagerð skýrist af minni veltu í þróun byggingarverkefna.
Það helsta frá vikunni sem leið
- Verðbólga mældist 5,2% í júní og hækkaði úr 5,1%. Talan var aðeins hærri en við áttum von á, en við spáðum að verðbólgan myndi standa í stað á milli mánaða. Flugfargjöld til útlanda skýra muninn á spá okkar og mælingu Hagstofunnar. Þau skýra einnig áfram stærstan hluta hækkunar á milli mánaða í júní og eru nú um 28% hærri en í fyrra. Þó eru vísbendingar um kólnun í hagkerfinu og minni eftirspurn verður æ meira áberandi í verðbólgutölum. Framlag flestra liða til ársverðbólgu hefur dregist nokkuð saman frá ársbyrjun en mikil hækkun á eldsneyti og flugfargjöldum veldur því að verðbólga dregst ekki meira saman og virðist nokkuð föst í kringum 5,2%.
- Launavísitala hækkaði um 0,3% á milli mánaða í maí. Ársbreyting vísitölunnar mælist nú 5,9%.
- Hagstofan birti niðurstöður úr mánaðarlegri vinnumarkaðsrannsókn fyrir maí en í henni mældist árstíðarleiðrétt atvinnuleysi 5,6%. Það er óbreytt á milli mánaða en jókst um 3,8 prósentustig á milli ára.
- SA birti niðurstöður úr könnun um stöðu og horfur í efnahagslífinu meðal stjórnenda 400 stærstu fyrirtækja landsins sem fór fram fyrr í mánuðinum.
- Seðlabankinn birti samantekt úr ársreikningum lífeyrissjóða og Hagvísa.
- Bera birti uppgjör.
- Íslandsbanki, Reitir og Reykjavíkurborg luku sölu á skuldabréfum. Lánamál ríkisins lauk viðbótarútgáfu.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
31. ágúst 2026
Landsframleiðsla dróst saman um 1,1% á milli ára á öðrum ársfjórðungi. Samdráttur í vöruútflutningi, sér í lagi áli og sjávarafurðum skýrir samdráttinn að mestu. Minni vöxtur var í einkaneyslu. Fjárfesting, önnur en atvinnuvega, dróst saman.
31. ágúst 2026
Verðbólga mældist 5,6% í ágúst. Samkvæmt VSK-skýrslum jókst velta í helstu útflutningsgreinum í maí og júní, að ferðaþjónustu undanskilinni. Mörg félög í kauphöllinni birtu uppgjör í síðustu viku. Í dag birtir Hagstofan þjóðhagsreikninga fyrir annan ársfjórðung.
27. ágúst 2026
Vísitala neysluverðs hækkaði um 0,20% á milli mánaða í ágúst og verðbólga hækkar því úr 5,3% í 5,6%. Við spáðum 5,5% verðbólgu í ágúst. Áhrif sólmyrkvans á verðmælingar í mánuðinum voru hóflegri en við höfðum spáð. Verðhækkanir í mánuðinum voru því á breiðari grunni en við gerðum ráð fyrir í spánni. Það er óheppileg þróun, haldi hún áfram.
26. ágúst 2026
Velta í flestum útflutningsreinum jókst í maí og júní að ferðaþjónustu undanskilinni, samkvæmt nýjum VSK-skýrslum. Aukna veltu útflutningsgreina má að miklu leyti rekja til hagfelldrar þróunar á heimsmarkaðsverði frekar en meiri framleiðslu. Á sama tíma sjást merki um kólnun í innlenda hagkerfinu, einkum í greinum sem reiða sig meira á innlenda eftirspurn.
24. ágúst 2026
Peningastefnunefnd hækkaði vexti um 0,25 prósentustig í síðustu viku, eins og við spáðum. Á fimmtudag birtir Hagstofan verðbólgutölur fyrir ágúst, en við spáum því að verðbólga hækki í 5,5%.
21. ágúst 2026
Vísitala íbúðaverðs hækkaði um 0,09% á milli mánaða í júlí. Árshækkun vísitölunnar mælist nú 1,6%, hefur ekki mælst lægri í þrjú ár og er töluvert minni en hækkun á almennu verðlagi. Raunverð íbúða hefur lækkað um 3% á milli ára. Umsvif á íbúðamarkaði hafa einnig dregist saman og velta það sem af er ári hefur verið töluvert minni en á sama tímabili í fyrra.
19. ágúst 2026
Peningastefnunefnd hækkaði meginvexti um 0,25 prósentustig þriðja fundinn í röð og standa þeir nú í 8%. Hægt hefur á efnahagsumsvifum og vísbendingar eru um að undirliggjandi verðbólga sé tekin að hjaðna að mati nefndarinnar. Tónninn var því mun mildari en á síðustu tveimur fundum.
18. ágúst 2026
Kortavelta Íslendinga, að teknu tillit til verðlags og gengis, jókst lítillega í júlí. Íslendingar eyddu þó minna innanlands en í fyrra en kortavelta erlendis jókst. Aldrei hefur hærra hlutfall af kortaveltu Íslendinga farið fram erlendis.
17. ágúst 2026
Á miðvikudag tilkynnir Seðlabankinn um vaxtaákvörðun og við spáum því að stýrivextir verði hækkaðir um 0,25 prósentustig. Um 3,1% færri ferðamenn komu til landsins í júlí en í sama mánuði í fyrra. Utanlandsferðum Íslendinga fjölgaði aftur á móti á milli ára í fyrsta sinn á árinu. Skráð atvinnuleysi mældist 4,0% í júlí.
13. ágúst 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga hefur reynst þrálát og verðbólguhorfur versnað. Á sama tíma hefur hagkerfið sýnt merki um kólnun, en þau eru að okkar mati ekki nægilega skýr til að koma í veg fyrir vaxtahækkun.