15. ágúst 2022 - Greiningardeild
Vikan framundan
- Á þriðjudag birtir Þjóðskrá vísitölu íbúðaverðs fyrir júlí og Seðlabankinn gefur út gögn um greiðslumiðlun.
- Á miðvikudag birtir Seðlabankinn ársfjórðungslega könnun á væntingum markaðsaðila.
- Á fimmtudag birta Eimskip, Kvika banki, Síldarvinnslan og VÍS ársfjórðungsuppgjör.
- Á föstudag lýkur verðmælingum vegna mælingar vísitölu neysluverðs í ágúst, en Hagstofan birtir hana þriðjudaginn 30. ágúst.
Mynd vikunnar
Fjöldi erlendra ferðamanna sem fóru í gegnum Keflavíkurflugvöll í júlí var rúmlega 234 þúsund sem er 1,3% meira en í sama mánuði 2019, síðasta árið fyrir faraldur. Þetta var fyrsti mánuðurinn eftir faraldur sem fjöldi ferðamanna mælist meiri en í sama mánuði fyrir faraldur. Bandaríkjamenn voru flestir erlendra ferðamanna í júlí, eða ríflega þriðjungur. Þetta hlutfall er nokkuð svipað því sem var fyrir faraldur og staðfesting þess að ferðaþjónustan sé að ná vopnum sínum á ný.
Efnahagsmál
- Seðlabankinn birti tölur um raungengi í júlí en vísitala raungengis íslensku krónunnar lækkaði um 0,4% miðað við mánuðinn á undan.
- Icelandair og Play birtu flutningstölur fyrir júlímánuð.
- Ferðamálastofa birti tölur um brottfarir um Keflavíkurflugvöll.
- Samkvæmt tölum Vinnumálastofnunar var skráð atvinnuleysi í júlí 3,2% af áætluðum fjölda fólks á vinnumarkaði og minnkaði úr 3,3% frá júní.
Fjármálamarkaðir
- Lánamál ríkisins birtu markaðsupplýsingar fyrir júlímánuð.
- Skeljungur birti ársfjórðungsuppgjör.
Hagtölur og markaðsupplýsingar
Þú gætir einnig haft áhuga á
5. nóv. 2026
Eftirspurn eftir vinnuafli hefur minnkað, atvinnuleysi hefur aukist og vinnumarkaðurinn sýnir skýr merki kólnunar. Kólnun í hagkerfinu hefur dregið úr hækkunartakti launa og í nýlegri hagspá gerum við ráð fyrir hóflegri launahækkunum næstu árin. Þrátt fyrir það teljum við að kaupmáttur aukist áfram, samhliða minni verðbólgu og meiri uppgangi í atvinnulífinu á síðari hluta spátímans.
4. nóv. 2026
Útflutningsmagn sjávarafurða hefur dregist saman undanfarin ár, en hátt afurðaverð hefur að miklu leyti vegið upp samdráttinn. Í fyrra jukust útflutningsverðmæti sjávarafurða þrátt fyrir að útflutningsmagnið hefði minnkað. Í nýlegri hagspá gerum við ráð fyrir áframhaldandi samdrætti í útflutningi sjávarafurða í ár og á næsta ári. Ef lokaráðgjöf fyrir loðnu verður nær upphafsráðgjöfinni gæti samdráttur þó snúist í vöxt og hagvaxtarhorfur batnað.
2. nóv. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. nóv. 2026
Verðbólga hélst óbreytt í 5,9% í október, í samræmi við væntingar. Mikil hækkun á eldsneyti er áfram helsti drifkraftur verðbólgunnar. Gistinóttum erlendra ferðamanna fjölgaði á milli ára í september.
29. okt. 2026
Vísitala neysluverðs hækkaði um 0,44% á milli mánaða í október og verðbólga mælist áfram 5,9%, í takt við okkar spá. Verðbólga án húsnæðis mælist nú einnig 5,9%. Mikil hækkun á eldsneyti er áfram helsti drifkraftur verðbólgunnar.
26. okt. 2026
Íbúðaverð hækkaði um rúmlega 1% og leiguverð lækkaði um tæplega 1% á milli mánaða í september. Í næstu viku birtir Hagstofan verðbólgumælingu októbermánaðar og ýmis félög birta uppgjör.
21. okt. 2026
Framboð íbúða hefur aukist og dregið hefur úr eftirspurn. Við gerum ráð fyrir að íbúðamarkaður verði rólegur og að verðhækkanir verða hóflegar á næstu misserum. Raunverð íbúða hefur lækkað ellefu mánuði í röð miðað við vísitölu neysluverðs án húsnæðis. Við gerum ráð fyrir samdrætti í íbúðafjárfestingu í ár og á næsta ári.
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.