13. febrúar 2023
Vikan framundan
- Í dag birta Reitir ársuppgjör.
- Á þriðjudaginn birta Eimskip og Síminn ársuppgjör.
- Á miðvikudag birta Kvika banki, SKEL fjárfestingarfélag og Sýn ársuppgjör.
- Á fimmtudag birtir Seðlabankinn tölur um veltu greiðslukorta.
- Í vikunni fara síðan fram verðmælingar vegna vísitölu neysluverðs.
Mynd vikunnar
Á tímabilinu sem vextir voru hvað lægstir frá miðju ári 2020 til miðs árs 2022 voru flest ný íbúðalán óverðtryggð á meðan það var nettó uppgreiðsla á verðtryggðum íbúðalánum. Samhliða hækkandi vöxtum fóru heimilin í auknum mæli að taka verðtryggð lán og er algengasta form nýrrar lántöku nú verðtryggt lán frá banka, samkvæmt nýjustu gögnum sem ná til desembermánaðar í fyrra. Hjá lífeyrissjóðum er algengara að tekin séu óverðtryggð lán. Alls má sjá talsverðan samdrátt í nýjum útlánum miðað við fyrri mánuði sem er til marks um kólnandi íbúðamarkað.
Helsta frá vikunni sem leið
- Peningastefnunefnd hækkaði vexti um 0,5 prósentustig og eru meginvextir bankans, innlánsvextir á 7 daga bundnum innlánum, því komnir upp í 6,5%. Meginvextir bankans hafa ekki verið hærri síðan í ágúst 2010. Í yfirlýsingu nefndarinnar er talsvert harðari tónn en við síðustu ákvarðanir. Nú er tekið fram að peningastefnunefnd telji líklegt að auka þurfi aðhaldið enn frekar á næstunni til þess að verðbólga hjaðni í átt að markmiði innan ásættanlegs tíma. Ákvörðunin var í samræmi við væntingar okkar. Samhliða ákvörðuninni birti SÍ Peningamál með uppfærðri verðbólgu- og þjóðhagsspá.
- 121 þúsund erlendir farþegar fóru um Leifsstöð í janúar, sem eru álíka margir og í janúar 2020 en 13% færri en í janúar 2018. Bretar og Bandaríkjamenn voru langfjölmennustu hóparnir. Íslendingar slógu janúarmet í ferðalögum með 41.500 brottförum frá Keflavíkurflugvelli. Áður voru brottfarirnar flestar í janúar 2019, 40.600, og í janúar 2018 voru þær 39.000.
- Skráð atvinnuleysi var 3,7% í janúar samanborið við 3,4% í desember. Þessi aukning skýrist frekar af árstíðarbundnum áhrifum en auknum slaka á vinnumarkaði, en skráð atvinnuleysi er að jafnaði mest í janúar og febrúar áður en það lækkar aftur með sumrinu. Atvinnuleysið hefur verið stöðugt síðustu mánuði. Það er lítið og fer tæpast mikið lægra í bili og er því vísbending um þá framleiðsluspennu sem ríkir í þjóðarbúinu.
- Uppgjörstímabil stendur nú yfir, en Arion banki, Festi (fjárfestakynning), Íslandsbanki, Marel (fjárfestakynning), Reginn og Sjóvá birtu ársuppgjör.
- Icelandair og Play birtu flutningstölur fyrir janúar.
- Á skuldabréfamarkaði hélt Reykjavíkurborg útboð, Lánamál ríkisins birtu Markaðsupplýsingar og Íslandsbanki gaf út útgáfuáætlun fyrir 2023..
Hagtölur og markaðsupplýsingar
Þú gætir einnig haft áhuga á
1. des. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. des. 2025
Óhætt er að segja að verðbólgumælingin í síðustu viku hafi komið á óvart. Verðbólga mældist 3,7% í nóvember og hefur ekki mælst minni í fimm ár. Hagstofan áætlar að landsframleiðsla hafi aukist um 1,2% á þriðja ársfjórðungi. Gistinóttum fjölgaði alls um 1,8% á milli ára í október.
28. nóv. 2025
Landsframleiðsla jókst um 1,2% á þriðja ársfjórðungi og um 1,5% á fyrstu níu mánuðum ársins. Hagvöxtur á þriðja ársfjórðungi var drifinn áfram af innlendri eftirspurn og þjóðarútgjöld jukust um heil 4,7%. Áfram er kraftur í einkaneyslu og fjárfestingu, en auknar birgðir hafa einnig sitt að segja. Innflutningur vegur þungt á móti og framlag utanríkisviðskipta er neikvætt, líkt og á síðustu fjórðungum.
27. nóv. 2025
Verðbólga hjaðnaði úr 4,3% í 3,7% í nóvember og hefur ekki verið minni frá því í desember 2020. Áhrif af afsláttardögum í nóvember komu mun skýrar fram í mælingu Hagstofunnar nú en síðustu ár og flugfargjöld til útlanda lækkuðu mun meira en við bjuggumst við.
24. nóv. 2025
Seðlabankinn lækkaði vexti í síðustu viku með það fyrir augum að stemma stigu við því aukna peningalega aðhaldi sem hefur hlotist af breyttu lánaframboði í kjölfar vaxtadómsins. Auk þess spáir Seðlabankinn nú auknum slaka í hagkerfinu, minni hagvexti og minni verðbólgu en í síðustu spá. Hagstofan birtir verðbólgumælingu nóvembermánaðar á fimmtudaginn og þjóðhagsreikninga fyrir þriðja ársfjórðung á föstudaginn.
21. nóv. 2025
Brottfarir erlendra ferðamanna frá Keflavíkurflugvelli voru 6,2% færri í október en í sama mánuði í fyrra og erlend kortavelta dróst þó nokkuð saman. Líklega hefur fall Play sett mark sitt á mánuðinn. Ef horft er yfir árið í heild hefur gangurinn í ferðaþjónustu verið mun meiri á þessu ári en því síðasta.
17. nóv. 2025
Skráð atvinnuleysi var 3,9% í október, 0,5 prósentustigum meira en í sama mánuði í fyrra. Brottförum erlendra ferðamanna um Keflavíkurflugvöll fækkaði um 6,2% í október en utanlandsferðum Íslendinga fjölgaði um 3%. Peningastefnunefnd kemur saman á miðvikudaginn og við búumst við að stýrivöxtum verði haldið óbreyttum.
14. nóv. 2025
Við spáum því að peningastefnunefnd haldi stýrivöxtum óbreyttum í næstu viku. Verðbólga jókst umfram væntingar í október og verðbólgumælingin bar þess merki að undirliggjandi verðþrýstingur hefði aukist. Í ljósi breytts lánaframboðs og óviðbúinna áfalla í útflutningsgeirunum má líkast til búast við mildari tón frá peningastefnunefnd.
13. nóv. 2025
Við spáum því að verðbólga standi óbreytt á milli mánaða og mælist 4,3% í nóvember. Flugfargjöld til útlanda verða til lækkunar á vísitölunni, en reiknuð húsaleiga og matarkarfan verða til hækkunar. Við búumst við aukinni verðbólgu á næstu mánuðum.
10. nóv. 2025
Raungengi krónunnar er mjög hátt í sögulegu samhengi en hefur gefið lítillega eftir á allra síðustu dögum. Horfur í álútflutningi eru dræmar eftir bilun hjá Norðuráli og aflaheimildir gefa fyrirheit um samdrátt í útflutningi sjávarafurða. Ferðaþjónusta hefur vaxið umfram væntingar það sem af er ári og telja má horfur á vexti í nýjustu útflutningsstoðum Íslands. Velta samkvæmt VSK-skýrslum hefur þróast með svipuðum hætti í útflutningsgeiranum og í innlenda hagkerfinu, en ávöxtun hlutabréfa félaga í kauphöllinni með tekjur í erlendri mynt er mun lakari en fyrirtækja með tekjur í íslenskum krónum.