Vikubyrjun 11. nóvember 2024
Skráð atvinnuleysi hækkaði lítillega á milli ára í október og halli á vöruskiptajöfnuði jókst aðeins. Hagstofan birti þjóðhagsspá og bæði Seðlabanki Bandaríkjanna og Englandsbanki lækkuðu vexti. Í vikunni fáum við gögn um fjölda ferðamanna um Keflavíkurflugvöll, niðurstöður úr væntingakönnun markaðsaðila og tölur um veltu greiðslukorta. Uppgjörstímabilið í Kauphöllinni heldur áfram.
11. nóvember 2024
Vikan framundan
- Í dag birtir Ferðamálastofa brottfarir frá Keflavíkurflugvelli og Reitir birta uppgjör.
- Á miðvikudag birtir Seðlabankinn niðurstöður út væntingakönnun markaðsaðila og Alvotech birtir uppgjör.
- Á fimmtudag birta Sýn og Amaroq uppgjör.
- Á föstudag birtir Seðlabankinn tölur um veltu greiðslukorta í október.
- Í vikunni fara fram verðmælingar vegna vísitölu neysluverðs, en Hagstofan birtir hana fimmtudaginn 28. nóvember.
Mynd vikunnar
Einstaklingar sem fluttu til Íslands á síðasta ári voru 6.790 fleiri en þeir sem fluttu frá Íslandi og var nettó aðflutningur örlítið minni en árið áður. Flestir sem fluttu til landsins settust að á höfuðborgarsvæðinu, en flutningsjöfnuður var jákvæður í öllum landshlutum. Þegar horft er til flutninga á milli landshluta innanlands sést að þó nokkuð fleiri fluttu frá höfuðborgarsvæðinu og Suðurnesjum heldur en settust þar að. Svipaða þróun má sjá á Vestfjörðum, Norðurlandi vestra og Austurlandi. Það voru þó fleiri sem settust að á Suður- og Vesturlandi og Norðurlandi eystra heldur en fluttu þaðan. Flestir sem flytja á milli landshluta innanlands virðast því setjast að á Suðurlandi og íbúum í Árborg, Ölfusi og Hveragerðisbæ hefur fjölgað um 9% á síðustu tveimur árum.
Það helsta frá vikunni sem leið
- Skráð atvinnuleysi var 3,4% í október og jókst úr 3,2% í september. Atvinnuleysi er nú 0,2 prósentustigum meira en á sama tíma í fyrra og hefur verið á bilinu 0,2 til 0,4 prósentustigum meira en fyrir ári síðan, samfellt síðan í febrúar.
- Hagstofan birti þjóðhagsspá. Rétt eins og við gerir Hagstofan ráð fyrir að hagkerfið standi í stað á milli ára í ár en síðan tekur við rétt yfir 2% hagvöxtur næstu þrjú ár.
- Samkvæmt bráðabirgðatölum var tæplega 50 ma.kr. halli á vöruviðskiptum við útlönd í október. Hallinn jókst lítillega á milli ára, en þrátt fyrir það hægir verulega á vexti vöruskiptahallans.
- Seðlabanki Bandaríkjanna og Englandsbanki lækkuð vexti um 0,25 prósentustig. Allir tólf nefndarmenn peningastefnunefndar Seðlabanka Bandaríkjanna studdu ákvörðunina. Sjö af átta nefndarmönnum peningastefnunefndar Englandsbanka studdu tillögu um 0,25 prósentustiga lækkun, en einn nefndarmaður greiddi atkvæði með óbreyttum vöxtum.
- Fjármála- og efnahagsráðuneytið kynnti breytingatillögur við fjáralagfrumvarp næsta árs þar sem gert er ráð fyrir því að hallinn verði 1,2% af VLF í stað 0,8%, miðað við heildarjöfnuð.
- Eimskip, Heimar, Kvika banki og Oculis birtu uppgjör.
- Icelandair og Play birtu flutningstölur.
- Garðabær hélt útboð á skuldabréfum, Ölgerðin hélt víxlaútboð, Landsbankinn hélt útboð á sértryggðum skuldabréfum ásamt skiptiútboði, Íslandsbanki hélt útboð á grænum skuldabréfum, Lánamál ríkisins hélt útboð ríkisbréfa og Útgerðafélag Reykjavíkur hélt skuldabréfaútboð.
- Í síðustu viku birtum við hagsjár um íbúðabyggingu, ferðaþjónustu á 3. ársfjórðungi, sértryggð skuldabréf, stöðuna á vinnumarkaði og vöruviðskipti við útlönd.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
30. maí 2025
2,6% hagvöxtur mældist á fyrsta ársfjórðungi þessa árs, samkvæmt fyrsta mati Hagstofunnar sem var birt í morgun. Samkvæmt endurskoðuðum þjóðhagsreikningum mældist 0,7% samdráttur á síðasta ári en ekki 0,5% hagvöxtur eins og áður var áætlað.
28. maí 2025
Verðbólga mældist 3,8% í maí og hjaðnar úr 4,2% frá því í apríl. Verðbólga var örlítið undir okkar spá, einkum vegna þess að flugfargjöld til útlanda lækkuðu nokkuð á milli mánaða. Við eigum von á að verðbólga fari lægst í 3,6% í júlí, en hækki síðan aftur upp í 3,8% í ágúst.
27. maí 2025
Á síðustu mánuðum hefur smám saman hægt á hækkunartakti launa eftir ríflegar launahækkanir síðustu ár. Launahækkanir eru þó enn langt umfram verðbólgu og gera má ráð fyrir að kaupmáttur haldi áfram að aukast næstu misseri. Óvissa um launaþróun minnkaði eftir að langtímakjarasamningar náðust á stærstum hluta vinnumarkaðar, en líkt og í kjarasamningum síðustu ára eru hækkanir mismiklar eftir hópum.
26. maí 2025
Peningastefnunefnd Seðlabanka Íslands lækkaði vexti um 0,25 prósentur í síðustu viku. HMS birti vísitölu íbúðaverðs, en árshækkun vísitölunnar lækkaði úr 8,0% í 7,6%. Í þessari viku birtir Hagstofan verðbólgumælingu fyrir maí, en við spáum því að verðbólgan hjaðni úr 4,2% í 3,9%.
22. maí 2025
Vísitala íbúðaverðs hækkaði um 0,45% á milli mánaða í apríl. Árshækkun vísitölu íbúðaverðs hefur lækkað síðustu þrjá mánuði og mælist nú 7,6%. Raunverð íbúða er töluvert hærra núna en fyrir ári síðan. Undirrituðum kaupsamningum hefur fækkað á milli ára síðustu þrjá mánuði, eftir að hafa fjölgað sífellt frá september 2023, ef frá er talinn desember síðastliðinn.
19. maí 2025
Kortavelta Íslendinga jókst verulega í apríl, sérstaklega erlendis þar sem hún var 32,8% meiri en í apríl í fyrra að raunvirði. Íslendingar hafa aldrei farið í jafnmargar utanlandsferðir í einum mánuði og í apríl síðastliðnum. Nýlegar vísbendingar um aukinn eftirspurnarþrýsting draga enn frekar úr líkum á vaxtalækkun á miðvikudaginn, en við spáum því að vöxtum verði haldið óbreyttum fram í ágúst.
16. maí 2025
Kortavelta jókst um 9,4% á milli ára í apríl að raunvirði og erlendis jókst hún um 32,8%. Íslendingar hafa aldrei farið í fleiri utanlandsferðir í einum mánuði en í apríl síðastliðnum, samkvæmt gögnum Ferðamálastofu. Nýbirtar kortaveltutölur renna enn frekari stoðum undir spá um að stýrivöxtum verði haldið óbreyttum í næstu viku. Neysla landsmanna hefur haldið dampi þrátt fyrir hátt vaxtastig og við teljum horfur á að einkaneysla aukist smám saman á næstu árum.
15. maí 2025
Við spáum því að verðbólga lækki úr 4,2% í 3,9% í maí. Horfur eru á að verðbólga hjaðni lítillega í sumar en aukist aftur með haustinu þegar einskiptisliðir vegna skólagjalda og skólamáltíða detta úr 12 mánaða taktinum. Við gerum ráð fyrir 4,0% verðbólgu í árslok.
15. maí 2025
Við spáum því að peningastefnunefnd geri hlé á vaxtalækkunarferlinu og haldi stýrivöxtum óbreyttum í næstu viku. Verðbólga jókst umfram væntingar í apríl og verðbólguvæntingar hafa haldist tiltölulega stöðugar. Þá virðist hagkerfið þola vaxtastigið vel, kortavelta hefur aukist sífellt síðustu mánuði og enn er þó nokkur velta á íbúðamarkaði. Peningalegt taumhald losnaði með aukinni verðbólgu í apríl og við teljum ólíklegt að peningastefnunefnd þyki tímabært að lækka raunstýrivexti enn frekar.
12. maí 2025
Brottfarir um Keflavíkurflugvöll hafa aldrei verið jafnmargar í aprílmánuði eins og í apríl síðastliðnum og erlendir ferðamenn voru 6,5% fleiri en í apríl í fyrra. Skráð atvinnuleysi var 3,9% í apríl og minnkaði um 0,3 prósentustig frá því í mars. Seðlabanki Bandaríkjanna hélt stýrivöxtum óbreyttum en Englandsbanki lækkaði stýrivexti um 0,25 prósentustig. Báðar ákvarðanir voru í takt við væntingar.