Vikubyrjun 11. mars 2024
Stóru útflutningsgreinarnar þrjár, ferðaþjónusta (600 ma. kr.), ál og álafurðir (320 ma. kr.) og sjávarafurðir (350 ma. kr.), stóðu undir 70% af heildarútflutningsverðmæti síðasta árs. Verðmæti annars útflutnings var um 580 ma. kr. og skilaði því meira verðmæti en sjávarafurðir eða ál og álafurðir.
11. mars 2024
Vikan framundan
- Í dag birtir Ferðamálastofa tölur um fjölda brottfara um Leifsstöð í febrúar.
- Á þriðjudag verða birtar verðbólgutölur í Bandaríkjunum.
- Á miðvikudag birtir Seðlabankinn yfirlýsingu fjármálastöðugleikanefndar ásamt fyrra fjármálastöðugleikariti ársins.
- Á föstudag birti Seðlabankinn greiðslumiðlun í febrúar.
- Í vikunni fara fram verðmælingar fyrir marsmælingu vísitölu neysluverðs.
Mynd vikunnar
Ísland flutti út vörur og þjónustu fyrir um það bil 1.860 ma. kr. í fyrra. Stóru útflutningsgreinarnar þrjár, ferðaþjónusta (600 ma. kr.), ál og álafurðir (320 ma. kr.) og sjávarafurðir (350 ma. kr.), stóðu undir 70% af útflutningsverðmæti síðasta árs. Verðmæti þess sem flokkað er undir annan útflutning var um 580 ma. kr., meira en verðmæti áls og álafurða eða sjávarafurða. Í öðrum útflutningi felast ýmsar vörur og margs konar þjónusta. Verðmæti lyf og lækningatæki jukust mest á milli ára, úr 25 mö. kr. í 52 ma. kr.
Það helsta frá vikunni sem leið
- Efling, SGS og Samiðn skrifuðu undir fjögurra ára kjarasamning við SA. Samningurinn gildir fyrir u.þ.b. 80.000 manns, ef miðað er við meðalfjölda þeirra sem greiða í félögin á ári, um 37% þeirra sem starfa á íslenskum vinnumarkaði. Í samningum felast launahækkanir í bilinu 3,25-3,5% á ári næstu fjögur ár með lágmarkskrónutöluhækkun. Erfitt er að segja til um það nákvæmlega hverjar launahækkanir launafólks í félögunum gætu orðið, verði samningurinn samþykktur. Hafa ber í huga að launafólk með laun undir 730.000 fær prósentuhækkun umfram 3,25% á þessu ári, þar sem lágmarkskrónutöluhækkun er 23.750 kr.
- Ólíklegt er að forsvarsmenn félaganna hefðu fallist á samninginn ef ekki hefði verið fyrir aðgerðaáætlun sem stjórnvöld kynntu samdægurs þar sem boðuð eru stóraukin fjárframlög til vinnandi fólks í lægri tekjuhópum, ekki síst fjölskyldufólks. Markmiðið með aðgerðapakkanum er að koma á sátt á vinnumarkaði svo unnt sé að ná niður verðbólgu og vöxtum. Til þess að halda aftur af launakröfum er launafólki í lægri tekjuhópum, sérstaklega fjölskyldufólki, tryggð kjarabót í gegnum tilfærslukerfin. Aðgerðapakkinn felur í sér 80 milljarða útgjaldaaukningu, 20 milljarða á ári í fjögur ár, og ekki hefur komið fram með hvaða hætti útgjöldin verða fjármögnuð. Verði aðgerðirnar fjármagnaðar með lántöku þarf að greiða fyrir þær síðar, svo sem með því að halda aftur af útgjöldum eða auka tekjur.
- Alls var 41,4 ma. kr. afgangur af viðskiptum við útlönd í fyrra. Eins og við var búist var mikill halli á vöruskiptajöfnuði, mikill afgangur af þjónustujöfnuði, smá afgangur af frumþáttatekjum og smá halli á rekstrarframlögum. Við eigum von á að viðskipti við útlönd verði nokkurn veginn í jafnvægi 2024-2026. Áfram verður halli á vöruskiptajöfnuði og rekstrarframlögum, en afgangur af þjónustujöfnuði og frumþáttatekjum vegur upp hallann, gangi spá okkar eftir. Erlend staða þjóðarbúsins batnaði nokkuð í fyrra, en í lok árs voru erlendar eignir þjóðarbúsins um 1.600 ma. kr. umfram erlendar skuldir.
- Skráð atvinnuleysi var 3,9% í febrúar sem er 0,2 prósentustigum meira en fyrir ári síðan.
- Icelandair og Play birtu flutningstölur fyrir febrúar.
- Á skuldabréfamarkaði lauk Landsbankinn sölu á grænu skuldabréfum í evrum, Íslandsbanki lauk útboði á almennu skuldabréfi í íslenskum krónum, Arion banki lauk útboði á sértryggðum skuldabréfum, Reykjavíkurborg lauk útboði á skuldabréfum og Alma lauk sölu á víxlum.
- Á hlutabréfamarkaði birtu Hampiðjan, Kaldalón (fjárfestakynning) og Síldarvinnslan uppgjör.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
29. maí 2026
Landsframleiðsla jókst um 2,7% á milli ára að raunvirði á fyrsta fjórðungi ársins. Mest var framlag utanríkisviðskipta til hagvaxtar sem skýrist að mestu af auknum umsvifum gagnavera. Einkaneysla jókst einnig á fjórðungnum þó hægt hafi á vexti hennar.
28. maí 2026
Vísitala neysluverðs hækkaði um 0,07% á milli mánaða og verðbólga lækkar því úr 5,2% í 5,1%. Við höfðum spáð því að verðbólga myndi lækka í 4,9%. Hækkun á flugfargjöldum hafði mest áhrif til hækkunar á ársverðbólgu í mánuðinum en lækkun á virðisaukaskatti á eldsneyti hafði mest áhrif til lækkunar. Án lækkunarinnar á virðisaukaskatti hefði verðbólga mælst 5,5%. Athygli vekur að verð á mat og drykk lækkaði á milli mánaða, annan mánuðinn í röð.
27. maí 2026
Þrátt fyrir minna flugframboð um Keflavíkurflugvöll hafa jafn margir erlendir ferðamenn farið um flugvöllinn fyrstu fjóra mánuði ársins í ár og í fyrra. Á móti fara færri tengifarþegar um flugvöllinn og utanlandsferðir Íslendinga hafa dregist verulega saman. Þó sumarið líti ágætlega út er meiri óvissa um haustið.
26. maí 2026
Peningastefnunefnd hækkaði vexti bankans um 0,25 prósentustig í síðustu viku, líkt og við höfðum spáð. Nú í vikunni koma verðbólgutölur og þjóðhagsreikningar.
20. maí 2026
Peningastefnunefnd hækkaði stýrivexti um 0,25 prósentustig annað skiptið í röð og segist tilbúin til að hækka vexti enn frekar. Efnahagshorfur hafa þó versnað verulega að mati bankans, en verðbólguspá var hækkuð í nýútgefnum Peningamálum og hagvaxtaspá lækkuð auk þess sem gert er ráð fyrir auknu atvinnuleysi. Kólnunin í hagkerfinu mun þó gera það að verkum að hættan á aukinni verðbólgu fram á við er minni.
19. maí 2026
Kortavelta íslenskra heimila dróst verulega saman á milli ára í apríl, eða um alls 5,8% að teknu tilliti til verðlags og gengis. Svo mikill samdráttur hefur ekki mælst síðan í febrúar 2021. Peningastefnunefnd fundar í dag vegna vaxtaákvörðunar á morgun, en við gerum áfram ráð fyrir 0,25 prósentustiga hækkun vaxta.
18. maí 2026
Í vikunni fram undan er vaxtaákvörðun hjá Seðlabanka Íslands og við spáum 0,25 prósentustiga hækkun. Fjöldi ferðamanna á fyrstu fjórum mánuðum ársins var svipaður og á sama tímabil í fyrra samkvæmt tölum sem birtust í síðustu viku. Utanlandsferðum Íslendinga hefur aftur á móti fækkað töluvert. Atvinnuleysi heldur áfram að aukast á milli ára.
13. maí 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga er enn yfir markmiði og verðbólguvæntingar hafa reynst þrálátar. Að okkar mati mun það ráða mestu um að nefndin haldi áfram vaxtahækkunarferlinu sem hófst í mars.
12. maí 2026
Við spáum því að vísitala neysluverðs lækki um 0,13% á milli mánaða í maí. Gangi spáin eftir mun verðbólga lækka úr 5,2% í 4,9%. Lægra eldsneytisverð vegna lækkunar á virðisaukaskatti og lækkun flugfargjalda hafa mest áhrif til lækkunar á milli mánaða samkvæmt spánni. Við spáum að verðbólga mælist 4,9% í ágúst og kjarasamningar því mögulega í húfi.
11. maí 2026
Starfandi samkvæmt skrám fækkaði á milli ára. Frjósemi á Íslandi síðastliðin tvö ár hefur ekki mælst minni síðan mælingar hófust. Í þessari viku fáum við m.a. ferðamannatölur og atvinnuleysi ásamt uppgjörum frá félögum.