11. desember 2023
Vikan framundan
- Í dag birtir Ferðamálastofa tölur yfir fjölda ferðamanna í nóvember.
- Á þriðjudag lýkur verðkönnunarviku Hagstofunnar.
- Á fimmtudag birtir Hagstofan gögn úr tekjuskiptingaruppgjöri heimilageirans á 3. ársfjórðungi.
- Á föstudag birtir Seðlabankinn gögn um greiðslumiðlun í nóvember.
Mynd vikunnar
Íbúðamarkaður hefur tekið við sér í vetur og íbúðaverð hækkað á ný. Þrátt fyrir takmarkað aðgengi að lánsé fjölgaði fyrstu kaupendum um 40% milli annars og þriðja ársfjórðungs og hlutfall þeirra af öllum kaupendum hækkaði úr 26% í 33%. Hlutfallið er nú svipað og í faraldrinum þegar vextir voru hvað lægstir og fjöldi fólks sá sér skyndilega fært að komast inn á markaðinn. Ýmsir þættir kunna að spila inn í, t.d. fjölgaði hlutdeildarlánum á þriðja ársfjórðungi eftir að skilyrði fyrir slíkri lántöku voru útvíkkuð, en lánin eru einmitt ætluð til að aðstoða fyrstu kaupendur inn á markaðinn. Þá kann að vera að umræða um yfirvofandi íbúðaskort og verðhækkanir kyndi undir eftirspurn. Einnig er hugsanlegt að jákvæðari umfjöllun um verðtryggð lán auki vinsældir þeirra, en verðtryggð lántaka hefur færst mjög í aukana á síðustu mánuðum.
Það helsta frá vikunni sem leið
- Seðlabankinn birti fundargerð fundar peningastefnunefndar 20.-21. nóvember. Í fyrsta sinn frá því í mars voru allir nefndarmenn sammála um vaxtaákvörðunina. Ákveðið var að halda vöxtum óbreyttum í ljósi óvissu tengdri jarðhræringum á Reykjanesskaga. Í fundargerðinni kemur fram að í ljósi verri verðbólguhorfa og þó nokkurs krafts í efnahagslífinu hefði líklega verið rétt að hækka vexti enn frekar ef ekki væri fyrir þessa óvissu.
- Fjármálastöðugleikanefnd birti yfirlýsingu þar sem fram kemur að fjármálakerfið sé traust og eiginfjár- og lausafjárstaða bankanna sterk. Vanskil séu lítil og hafi aukist óverulega þrátt fyrir aukna verðbólgu. Ákveðið var að halda gildi sveiflujöfnunaraukans óbreyttu í 2,5%.
- Skráð atvinnuleysi var 3,4% í nóvember samkvæmt mánaðarskýrslu sem Vinnumálastofnun birti á föstudag. Atvinnuleysi jókst úr 3,2% í október. Í fyrra hélst atvinnuleysi óbreytt milli október- og nóvembermánaðar. Því má hugsast að aukningin nú skýrist af lítillega minni spennu á vinnumarkaði í takt við lægri eftirspurnarþrýsting í hagkerfinu.
- Alma íbúðafélag lauk sölu á víxlum, Hagar birtu niðurstöðu víxlaútboðs, Arion banki birti niðurstöðu útboðs almennra skuldabréfa og Kvika banki birti niðurstöðu útboðs víkjandi skuldabréfa. ÍL-sjóður birti niðurstöður tveggja skiptiútboða.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
7. júlí 2025
Hækkandi matvöruverð og húsnæðiskostnaður eru þeir þættir sem eiga stærstan þátt í því að viðhalda verðbólgu á Íslandi um þessar mundir. Verðbólga mældist 4,2% í júní, nokkuð umfram spár. Ef matvara og húsnæði væru ekki hluti af vísitölu neysluverðs hefði verðbólga verið undir markmiði Seðlabankans frá því í ágúst í fyrra. Þættir á borð við sterkari krónu og lækkandi olíuverð hafa líkast til haldið aftur af verðhækkunum á ýmsum vörum upp á síðkastið, en á móti hefur þjónustuverð hækkað.
7. júlí 2025
Hagstofa Íslands spáir 2,2% hagvexti á yfirstandandi ári, samkvæmt hagspá sem birt var á föstudaginn. Hagvaxtarhorfur hafa verið færðar upp frá marsspánni þegar gert var ráð fyrir 1,8% hagvexti á árinu. Hagstofan spáir lítillega auknu atvinnuleysi næstu misserin, en Vinnumálastofnun birtir atvinnuleysistölur fyrir júnímánuð síðar í þessari viku.
1. júlí 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. júní 2025
Verðbólga jókst úr 3,8% og mældist 4,2% í júní. Aukin verðbólga skýrist aðallega af auknum þrýstingi á innfluttum vörum en einnig af hækkandi flugfargjöldum og verðhækkun á þjónustu. Þá jókst velta samkvæmt virðisaukaskattsskýrslum um 1,5% að raunvirði í mars og apríl.
27. júní 2025
Verðbólga mældist 4,2% í júní og jókst úr 3,8% frá því í maí. Verðlag hækkaði umfram spár, en við höfðum spáð 3,9% verðbólgu. Aukin verðbólga skýrist aðallega af auknum verðþrýstingi á innfluttum vörum, einkum fötum, skóm og tómstundarvörum, en einnig af hækkandi flugfargjöldum og verðhækkun á þjónustu.
27. júní 2025
Sumarhúsum á Íslandi hefur fjölgað um 45% á síðustu 20 árum. Viðskipti með sumarhús færðust verulega í aukana á tímum faraldursins. Fyrst eftir faraldurinn hægðist um en nú virðist aftur hafa glaðnað yfir markaðnum.
25. júní 2025
Velta samkvæmt virðisaukaskattsskýrslum jókst um 1,5% að raunvirði í mars og apríl og um 5,2% í janúar og febrúar, samkvæmt nýbirtum gögnum Hagstofunnar. Veltugögnin bera þess merki að hagkerfið standi vaxtastigið vel af sér sem er í takt við aukinn hagvöxt í byrjun árs. Það sem af er ári hefur velta aukist mest í sölu og viðhaldi á bílum en einnig má greina aukin umsvif í helstu útflutningsgreinunum: álframleiðslu, sjávarútvegi og ferðaþjónustu.
23. júní 2025
Færri ferðamenn hafa heimsótt Ísland það sem af er ári en á sama tíma í fyrra. Þrátt fyrir það hefur erlend kortavelta aukist á milli ára og það sama má segja um útflutningstekjur af ferðaþjónustu. Við teljum ýmislegt benda til þess að erlendir ferðamenn hafi verið fleiri síðustu mánuði en talning Ferðamálastofu segir til um.
23. júní 2025
Vísitala íbúðaverðs lækkaði um 0,45% á milli mánaða í maí. Vísitalan lækkaði þar með í fyrsta sinn á þessu ári og ársbreytingin hefur ekki verið jafn lítil frá því í byrjun síðasta árs. Áfram er kraftur í kortaveltu Íslendinga, ekki síst erlendis.
19. júní 2025
Kortavelta jókst um 6,8% á milli ára í maí að raunvirði þar af jókst hún um 21% erlendis. Það sem af er ári hefur kortavelta aukist um 5,5% frá sama tímabili í fyrra, að teknu tilliti til verðlags og gengis. Íslendingar hafa aldrei farið í fleiri utanlandsferðir í maímánuði en nú í ár. Greiðslukortajöfnuður var neikvæður um 4,2 ma.kr. sem er töluvert meiri halli en í maí í fyrra.