Gistinóttum fjölgaði á Norðurlandi í mars
Gistinætur á heilsárshótelum voru tæplega 49 þúsund í mars borið saman við 175 þúsund á sama tímabili í fyrra. Gistinóttum fækkaði því um 72% milli ára. Þetta er nokkuð minni fækkun gistinátta en verið hefur en samdrátturinn nam á bilinu 88-90% í janúar og febrúar.
30. apríl 2021 - Greiningardeild
Minni samdráttur nú skýrist af því að áhrif alþjóðlegra ferðatakmarkana vegna faraldursins tóku gildi um miðjan mars í fyrra og var seinni helmingur mánaðarins því sambærilegur við mars í ár. Erlendum ferðmönnum fækkaði um 22% á fyrri helmingi marsmánaðar í fyrra en þeim fækkaði hins vegar um 82% á seinni helmingi þess mánaðar.
Þróunin á Norðurlandi sker sig vel frá hinum svæðunum það sem af er ári
Verulega mismunandi þróun var í fjölgun gistinótta nú í mars eftir landsvæðum. Þannig fjölgaði gistinóttum um rúmlega 9% á Norðurlandi en það var eina landsvæðið þar sem fjölgun mældist milli ára. Minnst fækkaði gistinóttum á Vesturlandi og Vestfjörðum, um 48%. Mesta fækkunin var á höfuðborgarsvæðinu, eða 84%, en síðan komu Austurland með 75% og Suðurland með 68%. Það sem af er ári hefur þróunin á Norðurlandi skorið sig vel frá hinum svæðunum. Þannig mældist einungis 35% fækkun í janúar og 17% fækkun í febrúar. Á öðrum svæðum lá fækkunin á bilinu 73-94% í janúar og febrúar.
Lesa Hagsjána í heild
Þú gætir einnig haft áhuga á
18. sept. 2026
Kortavelta Íslendinga, að teknu tilliti til verðlags og gengis, dróst saman í ágúst og samdrátturinn hefur ekki mælst meiri síðan á síðari hluta árs 2023. Innanlands eyddu Íslendingar minna en á sama tíma í fyrra og vöxturinn í neyslu erlendis var minni en á síðustu mánuðum.
17. sept. 2026
Við spáum því að vísitala neysluverðs hækki um 0,23% í september og að ársverðbólga aukist úr 5,6% í 5,8%. Eldsneytisverð hækkaði skarpt um mánaðamótin þegar tímabundin lækkun virðisaukaskatts féll úr gildi. Á móti kemur að flugfargjöld til útlanda lækka í takt við árstíðasveiflu. Hærri komugjöld á heilsugæslu og gjöld vegna skimunar munu svo einnig hafa áhrif í mánuðinum.
14. sept. 2026
Fjöldi erlendra ferðamanna sem komu til landsins í ágúst stóð nánast í stað á milli ára, en utanlandsferðum Íslendinga fækkaði um 10% á sama tíma. Í síðustu viku birti fjármálaráðherra fjárlagafrumvarp fyrir næsta ár. Í vikunni fáum við vísitölu íbúðaverðs og gögn um kortaveltu í ágúst.
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.
7. sept. 2026
Hagkerfið dróst saman um 1,1% á milli ára á öðrum ársfjórðungi. Samkvæmt fundargerð peningastefnunefndar ræddi nefndin að hækka vexti um 0,25 prósentustig eða halda þeim óbreyttum á fundi sínum í ágúst.
1. sept. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. ágúst 2026
Landsframleiðsla dróst saman um 1,1% á milli ára á öðrum ársfjórðungi. Samdráttur í vöruútflutningi, sér í lagi áli og sjávarafurðum skýrir samdráttinn að mestu. Minni vöxtur var í einkaneyslu. Fjárfesting, önnur en atvinnuvega, dróst saman.
31. ágúst 2026
Verðbólga mældist 5,6% í ágúst. Samkvæmt VSK-skýrslum jókst velta í helstu útflutningsgreinum í maí og júní, að ferðaþjónustu undanskilinni. Mörg félög í kauphöllinni birtu uppgjör í síðustu viku. Í dag birtir Hagstofan þjóðhagsreikninga fyrir annan ársfjórðung.
27. ágúst 2026
Vísitala neysluverðs hækkaði um 0,20% á milli mánaða í ágúst og verðbólga hækkar því úr 5,3% í 5,6%. Við spáðum 5,5% verðbólgu í ágúst. Áhrif sólmyrkvans á verðmælingar í mánuðinum voru hóflegri en við höfðum spáð. Verðhækkanir í mánuðinum voru því á breiðari grunni en við gerðum ráð fyrir í spánni. Það er óheppileg þróun, haldi hún áfram.
26. ágúst 2026
Velta í flestum útflutningsreinum jókst í maí og júní að ferðaþjónustu undanskilinni, samkvæmt nýjum VSK-skýrslum. Aukna veltu útflutningsgreina má að miklu leyti rekja til hagfelldrar þróunar á heimsmarkaðsverði frekar en meiri framleiðslu. Á sama tíma sjást merki um kólnun í innlenda hagkerfinu, einkum í greinum sem reiða sig meira á innlenda eftirspurn.