Áður en þú hefur notkun á kortinu þínu þarf að sækja PIN-númerið í appinu eða netbankanum.

Í Landsbankaappinu smellir þú á PIN hjá viðkomandi korti en í netbankanum ferð þú á Síðan mín, smellir á aðgerðarhnapp hjá viðkomandi korti og velur Sækja PIN.

Kortanúmer, gildistími og öryggisnúmer korta er tilbúið í appinu um leið og kort hefur verið stofnað. Þú getur þá um leið líka flutt það yfir í farsímaveskið (Google Wallet eða Apple Wallet) og hafið notkun á því.

Þú getur safnað Vildarpunktum Icelandair á Gullkortum, Platinum kortum og Premium kortum. Vildarpunktar safnast af allri hefðbundinni verslun og viðskiptum innanlands og eða erlendis eftir tegund korta. Undanskilin er velta sem tengjast flutningi á fjármunum. Auk þess veita samstarfsaðilar Saga Club afslátt í formi punkta. Punktana er m.a. hægt að nota til að kaupa flug hjá Icelandair og fjölmargt annað.

Þegar þú notar kortið þitt í viðskiptum á netinu, krefjast mjög margir söluaðilar þess að notuð sé sterk auðkenning til að tryggja að um réttan korthafa sé að ræða. Nauðsynlegt er að vera með rétt símanúmer skráð hjá bankanum vegna þess að auðkenningarbeiðni er send á skráð símanúmer kortsins og staðfesta þarf greiðslur með rafrænum skilríkjum. Áður en greiðsla er staðfest er mikilvægt að bera saman upphæð og heiti söluaðila í auðkenningarbeiðninni við söluaðilann og upphæðina sem verið er að versla fyrir. Ekki er hægt að nota Auðkennisappið til staðfestingar á netgreiðslum. Hafðu endilega samband við okkur ef þú hefur ekki aðgang að rafrænum skilríkjum - við finnum leið.

Ef handhafi eða fyrirtæki tekur eftir óvenjulegri kortafærslu eða hefur nú þegar greitt með korti fyrir vöru eða þjónustu sem hefur ekki skilað sér er mikilvægt að hafa samband við söluaðila eða tilkynna það sem fyrst.

Ef söluaðili getur ekki lagfært færsluna getur handhafi gert endurkröfu með því að fara inn á endurkröfuvef, skrá sig þar inn með rafrænum skilríkjum og velja kortið sem um ræðir.

Nánar um endurkröfur

Til að fá nýtt kort getur þú haft samband við okkur í síma 410 4000 eða með tölvupósti.

Þú finnur alltaf PIN númer kreditkorta í appinu eða netbankanum.

Í Landsbankaappinu smellir þú á PIN hjá viðkomandi kreditkorti en í netbankanum ferð þú á Síðan mín, smellir á aðgerðarhnapp hjá viðkomandi kreditkorti og velur Sækja PIN.

PIN númer er notað til að staðfesta greiðslur með greiðslukortum bankans og því þarf að varðveita PIN á öruggan hátt. PIN númer þarf ekki að nota fyrir greiðslur undir 7500 kr.

Þú notar lykilorð, fingraskanna eða andlitsskanna til að opna síma eða úrið. Það kemur þá í staðinn fyrir PIN númerið þegar þú greiðir með símanum eða úrinu.

Læst er fyrir frekari notkun greiðslukorts ef vitlaust PIN-númer er stimplað inn þrisvar sinnum í röð.

Til þess að aflæsa PIN-númeri greiðslukortsins þarftu að hafa samband við okkur í síma 410 4000 eða koma við í næsta útibúi.

Þú getur líka aflæst PIN-númeri kreditkorts í hraðbönkum Landsbankans með því að skrá þig inn í hraðbankann með kreditkortinu og réttu PIN-númeri sem þú getur nálgast í Landsbankaappinu. Athugaðu samt að hraðbankinn gleypir kreditkortið ef þú slærð inn rangt PIN.

Úttektartímabil kreditkorta er frá 27. hvers mánaðar til og með 26. næsta mánaðar. Gjalddaginn er 2. hvers mánaðar nema ef sá dagur ber upp á helgidag, þá er gjalddaginn næsta virka dag á eftir.

Já, þú getur veitt öðrum skoðunaraðgang að yfirlitinu þínu í Landsbankaappinu.

Nánar um aðgangsheimildir