Ef kortinu er stolið eða það týnist er mikilvægt að frysta það strax í appinu eða hafa samband við þjónustuver okkar í síma 410 4000. Einnig er hægt að hringja í Valitor í síma 525 2000.

Ef þú átt veltureikning getur forráðamaður eða viðskiptavinur, ef þú ert 13 ára eða eldri, haft samband við Þjónustuver eða pantað tíma. Við stofnum kortið þá með rafrænum hætti. Kort stofnast alltaf um leið í appinu. Þar má einnig finna allar kortaupplýsingar og flytja þær á öruggan hátt yfir í Apple Pay eða kortaappið og hefja notkun á því. Svo kemur kortið með pósti innan fárra daga.

Ef þig vantar veltureikning þarftu að byrja á að fá þér rafræn skilríki. Allir geta fengið rafræn skilríki virkjuð á einfaldan og fljótlegan hátt með því að panta tíma í næsta útibúi.

Það er hægt að staðfesta forsjá einstaklinga undir 18 ára á mitt.audkenni.is ef viðskiptavinur yngri en 18 ára vill mæta sjálfur til að virkja rafrænu skilríkin sín án þess að forráðamaður komi með.

Þegar rafrænu skilríkin eru klár er einfalt að stofna reikning um leið og skilríkin eru virkjuð og þá stofnast kortið um leið. Einnig má ganga frá því á nokkrum mínútum hér á vefnum. Mælum með að ná í appið í leiðinni til að fylgjast með stöðu kortsins.

Þú finnur alltaf PIN númer debetkorta í appinu eða netbankanum.
Í Landsbankaappinu smellir þú á PIN hjá þeim reikningi sem debetkortið tengist en í netbankanum ferð þú á Síðan mín, smellir á aðgerðarhnapp hjá reikningnum og velur Sækja PIN.
PIN númer er notað til að staðfesta greiðslur með greiðslukortum bankans og því þarf að varðveita PIN á öruggan hátt. PIN númer þarf ekki að nota fyrir greiðslur undir 7.500 kr.
Þú notar lykilorð, fingraskanna eða andlitsskanna til að opna síma eða úrið. Það kemur þá í staðinn fyrir PIN númerið þegar þú greiðir með símanum eða úrinu.

Læst er fyrir frekari notkun debetkortsins ef stimplað er inn vitlaust PIN númer þrisvar sinnum í röð.

Til þess að aflæsa PIN númeri greiðslukortsins gerist þörf á að hafa samband við okkur í síma 410 4000 eða með heimsókn í útibú sem er þér næst.

Ef handhafi eða fyrirtæki tekur eftir óvenjulegri kortafærslu eða hefur nú þegar greitt með korti fyrir vöru eða þjónustu sem hefur ekki skilað sér er mikilvægt að hafa samband við söluaðila eða tilkynna það sem fyrst.

Ef söluaðili getur ekki lagfært færsluna getur handhafi gert endurkröfu með því að fara inn á endurkröfuvef, skrá sig þar inn með rafrænum skilríkjum og velja kortið sem um ræðir.

Nánar um endurkröfur

Til að fá nýtt kort getur þú haft samband við okkur í síma 410 4000 eða með tölvupósti.