Að veita öðrum aðgangsheimild felur í sér að þú veitir viðkomandi umboð til þess að sjá eða framkvæma aðgerðir fyrir þína hönd. Viðkomandi getur fengið heimild til að sjá upplýsingar um reikninginn þinn, kortin þín, ógreiddar kröfur, rafræn skjöl eða verðbréf. Viðkomandi getur líka fengið heimild til að greiða af reikningnum þínum og kaupa og selja verðbréf fyrir þína hönd.

Þú skalt ekki veita öðrum aðgangsheimild nema þú þekkir og treystir viðkomandi vel. Ástæðan er sú að ef þú veitir öðrum aðgangsheimild ert þú að veita viðkomandi heimild til þess að skoða upplýsingar um þig og, ef viðkomandi fær millifærsluheimild, að heimila viðkomandi að greiða af þínum reikningi. Það er því mikilvægt að þú íhugir vandlega hvort þú þurfir og viljir veita öðrum aðgangsheimild áður en þú gerir það.

Þú getur afturkallað aðgangsheimildina hvenær sem er með auðveldum hætti. Jafnframt getur sá sem þú hefur veitt aðgangsheimild fellt hana niður.

Ef þú ert í hjónabandi eða skráðri sambúð getur þú veitt maka þínum skoðunarheimild með einföldu samþykki í Landsbankaappinu en ef þú vilt veita maka þínum millifærsluheimild þurfið þið að skrifa undir umboð með fullgildri rafrænni undirskrift.

Ef þú vilt veita öðrum en maka þínum aðgangsheimild þarft þú og umboðsmaður að undirrita umboð með fullgildri rafrænni undirritun.

Þú veitir aðgangsheimildir á síðu viðkomandi þjónustuþáttar (bankareikningar, ógreiddar kröfur, rafræn skjöl, upplýsingar um kort og verðbréf) í appinu. Þar finnur þú aðgerðahnapp (merktur þremur punktum) sem opnar valmynd þar sem þú getur hafið ferlið.

Þú getur afturkallað aðgangsheimildir í appinu.

Farðu á þann bankareikning eða þjónustuþátt sem þú vilt afturkalla heimild fyrir, opnaðu aðgerðalistann með því að smella á táknið með punktunum þremur og veldu „Afturkalla heimild“.

Ef þú hefur veitt maka þínum skoðunarheimild á bankareikning nægir að renna til hnappnum við nafn makans og afturkalla þannig heimildina.

Samantekt yfir allar aðgangsheimildir sem þú hefur veitt og fengið frá öðrum má finna undir Stillingar -> Aðgangsheimildir í appinu. Þar getur þú einnig afturkallað heimildir.

Þú getur veitt hverjum sem er aðgangsheimild, svo lengi sem viðkomandi er fjárráða. Það er því mikilvægt að þú íhugir vandlega hvort þú þurfir og viljir veita öðrum aðgangsheimild að fjármálum þínum. Það getur verið mjög hentugt að veita maka aðgangsheimild ef markmiðið er að hafa sameiginlega yfirsýn yfir heimilisbókhaldið, að fá umboð ef amma og afi þurfa hjálp við fjármálin og að veita öðrum umboð ef þú býrð erlendis og þarft aðstoð með fjármálin þín á Íslandi.

Áður en þú veitir einhverjum aðgang er mikilvægt að þú kynnir þér vel hvað felst í því að veita aðgangsheimild og vitir hvað umboðshafi fær heimild til að sjá og gera.

Þau sem fá skoðunaraðgang að reikningi geta séð sömu upplýsingar um reikninginn og þú, svo sem stöðu og færslur, en geta ekki framkvæmt neinar aðgerðir. Þú getur líka gefið öðrum heimild til að skoða ógreiddar kröfur, rafræn skjöl og upplýsingar um kort. 

Þau sem fá millifærsluheimild fá líka skoðunaraðgang. Þau sem fá viðskiptaheimild að verðbréfum geta keypt og selt verðbréf fyrir þína hönd og fá samhliða skoðunaraðgang.

Já, þau sem eru með millifærsluheimild geta fengið debetkort tengt við reikninginn. Til að sækja um debetkortið þarf reikningeigandi að hafa samband við okkur í síma 410 4000 eða á landsbankinn@landsbankinn.is.

Þú getur afturkallað aðgangsheimildir í appinu.

Farðu á þann bankareikning eða þjónustuþátt sem þú vilt afturkalla heimild fyrir, opnaðu aðgerðalistann með því að smella á táknið með punktunum þremur og veldu „Afturkalla heimild“.

Ef þú hefur veitt maka þínum skoðunarheimild á bankareikning nægir að renna til hnappnum við nafn makans og afturkalla þannig heimildina.

Samantekt yfir allar aðgangsheimildir sem þú hefur veitt og fengið frá öðrum má finna undir Stillingar -> Aðgangsheimildir í appinu. Þar getur þú einnig afturkallað heimildir.

Til að veita aðrar heimildir en þær sem eru aðgengilegar í sjálfsafgreiðslu getur þú haft samband við okkur. Við hjálpum þér gjarnan að útbúa umboð. 

Í umboðinu þarf að koma skýrt fram hvað umboðshafinn má gera. Viðkomandi þarf að samþykkja Almenna viðskiptaskilmála Landsbankans og staðfesta að hafa kynnt sér persónuverndarstefnu bankans áður en umboðið verður virkt. 

Hafðu samband