Hátt­vísi skipt­ir máli

Háttvísiverðlaun Landsbankans og KSÍ eru ný verðlaun sem standa mótshöldurum knattspyrnumóta yngri flokka til boða í sumar. Með verðlaununum viljum við verðlauna háttvísi og heiðarlega framkomu allra sem að mótum koma. Á þetta fyrst og fremst við leikmenn, en ekki síður þjálfara, foreldra, áhorfendur og aðra aðstandendur.
18. júní 2020 - Landsbankinn

Háttvísi í íþróttum er jafn mikilvæg og þjálfun, dugnaður og hæfileikar. Það fylgir því mikil gleði að standa sig vel og gera sitt besta. Reglur eru settar svo hæfileikar og dugnaður eigi greiða leið að sigri á sanngjarnan hátt. Þegar allir sýna háttvísi og spila eftir reglum verður íþróttin betri og skemmtilegri.

Það er ánægjulegra að vinna heiðarlega

Þegar maður sigrar er gott að vita að það hafi verið verðskuldað og þegar maður sigrar ekki er mikilvægt að vita að maður hafi gert sitt allra besta. Keppnisskap í íþróttum er líka nauðsynlegt en má ekki skemma fyrir - íþróttir eiga að veita ánægju og ef keppnisskapið verður of mikið er gott að reyna að finna leiðir til að ná jafnvægi aftur. Það er aldrei góð tilfinning að vinna ef maður veit að það gerðist með svindli eða ruddaskap.

Nokkur góð ráð til að sýna háttvísi

Það eru ýmsar leiðir til að sýna háttvísi. Mikilvægast er að fylgja reglunum sem leikið er eftir og að sýna öllum, samherjum, mótherjum, þjálfurum og dómurum, sömu kurteisi og sanngirni og þú vilt að aðrir sýni þér. Hér eru nokkur ráð sem vert er að hafa í huga innan sem utan vallar.

1) Þökkum dómara fyrir vel unnin störf Starf dómarans er vandasamt, hann reynir að fylgjast með öllu sem gerist á vellinum og þarf alltaf að gæta þess að vera hlutlaus. Þess vegna er góð regla að þakka dómaranum fyrir að leik loknum.

2) Sýnum kurteisi – innan vallar sem utan Kurteisi er mikilvæg allsstaðar, líka inni á vellinum, þótt stundum færist hiti í leikinn. Dómarar taka oft frekar mark á þeim sem sýna kurteisi þegar þeir tala og þegar við sýnum mótherjum kurteisi þá er líklegra að þeir sýni okkur virðingu á móti.

3) Berum virðingu fyrir störfum þjálfara og dómara Þjálfarar og dómarar hafa sitt hlutverk og gera yfirleitt sitt besta. Við þurfum ekki alltaf að vera sammála þeim en þegar dómarar og þjálfarar taka sínar ákvarðanir verður að virða þær. Munum að það þýðir ekki að deila við dómarann.

4) Sýnum samherjum og mótherjum sömu virðingu Mótherjar okkar eru alveg eins og við, bara í öðru liði. Þau hafa lagt mikið á sig áður en þau komu inn á völlinn og vilja sigra alveg eins og aðrir. Fyrir þeim erum við mótherjar og þau samherjar. Það er mikilvægt að hafa þetta í huga inni á vellinum. Og hver veit, kannski ganga þau til liðs við þitt lið seinna!

5) Virðum skráðar og óskráðar reglur leiksins Reglur leiksins tryggja að hann fari fram á sanngjarnan hátt og eru til að skera úr um vafaatriði. Svo eru óskráðar reglur sem gilda til dæmis um það hvernig maður kemur fram þegar eitthvað óvænt kemur upp á. Það skiptir máli að fara eftir leikreglunum þótt stundum geti verið freistandi að brjóta þær. Ef enginn færi eftir reglunum yrði íþróttin fljótt mjög leiðinleg.

6) Þökkum mótherjum fyrir góða keppni Það gerist margt í heilum fótboltaleik. Þegar leiknum er lokið er mikilvægt að muna að hann er búinn og þakka mótherjunum með handabandi fyrir góðan leik. Þannig sýnum við þeim virðingu og fáum virðingu til baka.

7) Það er markmið okkar að vinna leikinn á heiðarlegan hátt Það er frábær sigurtilfinning sem fylgir því að hafa unnið leik heiðarlega á þinni eigin getu og hæfileikum. Þess vegna er mikilvægt að hafa alltaf í huga frá því að leikurinn hefst og þar til hann endar að vinna hann með því að sýna háttvísi allan tímann!

Greinin var fyrst birt hér á Umræðunni í júní 2019.

Þú gætir einnig haft áhuga á
Sjálfbærnidagur 2023
8. sept. 2023
Sjálfbærnidagur 2023 – upptökur
Sjálfbærnidagur Landsbankans var haldinn í Grósku 7. september 2023. Á fundinum beindum við sjónunum að því sem íslensk fyrirtæki hafa verið að gera til að auka sjálfbærni í sínum rekstri og hvernig gera megi enn betur.
Myndlistarsýning
17. ágúst 2023
Hringrás – innsýn í listasafn Landsbankans
Sýningin Hringrás er úrval verka úr listasafni Landsbankans. Á sýningunni er kannað hvernig áhrif og innblástur þróast með mismunandi miðlum og í meðförum ólíkra kynslóða listafólks. Verkin endurspegla áherslu á ákveðnar listrænar hreyfingar, abstraktlist og geómetríska abstraksjón, hlutbundna og hlutlæga list, grafíska list (bæði ætimyndir og teikningar) og súrrealisma. Hringrás veitir innsýn í fjölbreytileika og breidd listasafns Landsbankans, þvert á framsetningarmáta og samhengi. 
Ungmenni úr Hinsegin félagsmiðstöðinni
10. ágúst 2023
„Baráttan er ekki búin fyrr en …“
Hinsegin félagsmiðstöðin verður með einn stærsta vagninn í Gleðigöngunni en hann er 14 metra langur og rúmar meira en 100 krakka. Þótt vagninn verði litríkur og glæsilegur er undirtónninn samt alvarlegur.
13. júní 2023
Líffræðilegur fjölbreytileiki lykillinn að farsæld – líka í fjármálum
Fjölbreytileiki lífríkis er ein sterkasta vörn okkar gegn frekari hlýnun, fyrst og fremst vegna þess að hin ýmsu vistkerfi binda kolefni. Vinna þarf samtímis að lausn á loftslagsvandanum og verndun fjölbreytileika lífríkisins.
24. maí 2023
Er fyrrverandi að fylgjast með fjármálunum þínum?
Viðskiptavinir Landsbankans, eins og annarra fjármálafyrirtækja, hafa lengi getað veitt öðrum aðgang að fjármálunum sínum. Algengt dæmi um þetta er þegar hjón eða fólk í sambúð veitir hvort öðru aðgang að reikningum hvors annars. Þannig fá þau betri yfirsýn yfir fjármálin, geta millifært, greitt reikninga og svo framvegis.
Hildur Kristín Stefánsdóttir
11. maí 2023
Tónlist fyrir Söngvakeppnina og bankann í sömu viku
Vörumerki Landsbankans fór í fínstillingu fyrr í vor sem fól meðal annars í sér að uppfæra hljóðheim bankans. Til að leysa það verkefni fengum við til liðs við okkur pródúserinn og tónlistarkonuna Hildi Kristínu Stefánsdóttur. 
Krani með stiga
21. mars 2023
Byggingamarkaður - Mikil umsvif komin til að vera
Landsbankinn hefur um árabil verið leiðandi þegar kemur að fjármögnun nýbygginga fyrir byggingaraðila. Árið 2022 var bankinn með 50% hlutdeild í fjármögnun nýrra íbúða hér á landi. Mestu umsvifin á þeim markaði felast í fjármögnun íbúðarhúsnæðis til sölu á almennum markaði og þar á eftir fjármögnun íbúðarhúsnæðis fyrir félagasamtök eða leigumarkað.
Námsfólk fyrir utan Stúdentakjallarann
7. mars 2023
Mikið framfaraskref fyrir styrktarsjóði og almannaheillafélög
Mikilvægar breytingar á lögum sem varða skattlagningu almannaheillafélaga voru gerðar undir lok árs 2021 sem létta mjög skattbyrði þeirra og gera einstaklingum og fyrirtækjum einnig kleift að draga frá tiltekna fjárhæð eða hlutfall framlaga frá skattskyldum tekjum. Fyrir Háskólasjóð hf. Eimskipafélags Íslands þýðir þessi lagabreyting að um 160 milljónir króna sem áður voru greiddar sem fjármagnstekjuskattur munu nýtast í beina styrki til doktorsnema. Það munar um minna!
Fólk með hund úti í náttúrunni
28. feb. 2023
Kröfur til upplýsinga um sjálfbærni aukast hratt
Sífellt fleiri íslensk fyrirtæki birta nú upplýsingar um hvaða áhrif starfsemi þeirra hefur á sjálfbæra þróun.
8. feb. 2023
Sterk auðkenning er öflugri vörn gegn fjársvikum
Þótt almennt hafi gengið ágætlega að verjast fjársvikum á netinu hérlendis er ljóst að meira þarf til ef duga skal. Ástandið er eins, hvert sem litið er í heiminum: Fjársvikarar herja í auknum mæli á viðskiptavini banka og fólk sem notar greiðslukort á netinu. Aðferðirnar verða sífellt þróaðri og klækjabrögðin lymskulegri.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur