8. febrúar 2021 - Greiningardeild
Vikan framundan
- Í vikunni fara fram verðmælingar vegna febrúargildis vísitölu neysluverðs.
- Í dag birtir Icelandair uppgjör.
- Á miðvikudag birta Arion banki, Íslandsbanki og Reginn uppgjör. Þennan dag birtir Ferðamálastofa talningu á fjölda ferðamanna um Leifsstöð í janúar og Vinnumálastofnun skráð atvinnuleysi í janúar.
- Á fimmtudag birta Landsbankinn og Sjóvá uppgjör.
Mynd vikunnar
Nýlega seldi ríkissjóður skuldabréf að fjárhæð 750 milljónir evra. Skuldabréfið er vaxtalaust, en var selt rétt undir nafnvirði. Ávöxtunarkrafan var 0,117%. Bréfið er á gjalddaga í apríl 2028. Til samanburðar eru sambærileg þýsk ríkisskuldabréf, á gjalddaga sitt hvoru megin við þetta bréf, með ávöxtunarkröfunni -0,72% (á gjalddaga í nóvember 2027) og -0,64% (á gjalddaga í ágúst 2029). Þetta samsvarar því að íslenska ríkið sé að borga 0,81 prósentustigi hærri vexti fyrir að fá lánað í evrum en þýska ríkið. Þetta eru mun betri kjör en síðasta útgáfa ríkissjóðs í maí 2020 þegar hann gaf út 500 milljóna evru skuldabréf á ávöxtunarkröfunni 0,667%, sem samsvar 1,29 prósentustigi í álag á sambærilegt þýskt ríkisskuldabréf.
Það helsta frá vikunni sem leið
- Peningastefnunefnd hélt vöxtum óbreyttum í vikunni.
- Samhliða vaxtaákvörðuninni birti Seðlabankinn febrúarhefti Peningamála.
- Marel og Skeljungur birtu uppgjör.
- Seðlabankinn sendi forsætisráðherra greinargerð vegna þess að fór í janúar yfir fráviksmörk verðbólgumarkmiðsins.
- Það var frekar rólegt á millibankamarkaði með gjaldeyri í janúar.
- Verð íslenskra sjávarafurða lækkaði lítillega á síðasta ári.
- Niðurstöður síðustu ára benda til þess að langt sé á milli hugmynda og yfirlýsinga um opinberar fjárfestingar sem koma fram á útboðsþingi Samtaka iðnaðarins og þess að koma þeim í framkvæmd.
- Ekki var mikil breyting á slaka á vinnumarkaði.
- Ferðamálastofa birti talnaefni um heildarfjölda erlendra ferðamanna á síðasta ári.
- Hagstofan birti bráðabirgðatölur um vöruviðskipti í janúar, vinnumarkaðinn á 4F og tilraunatölfræði um staðgreiðsluskyldar greiðslur.
Kvika banki gaf út skuldabréf í evrum, Lykill stækkaði skuldabréfaflokkinn LYKILL 23 11 og Lánamál ríkisins luku útboði ríkisbréfa.
Hagtölur og markaðsupplýsingar
Hagtölur 8. febrúar 2021 (PDF)
Innlendar markaðsupplýsingar 8. febrúar 2021 (PDF)
Þú gætir einnig haft áhuga á
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.
7. sept. 2026
Hagkerfið dróst saman um 1,1% á milli ára á öðrum ársfjórðungi. Samkvæmt fundargerð peningastefnunefndar ræddi nefndin að hækka vexti um 0,25 prósentustig eða halda þeim óbreyttum á fundi sínum í ágúst.
1. sept. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. ágúst 2026
Landsframleiðsla dróst saman um 1,1% á milli ára á öðrum ársfjórðungi. Samdráttur í vöruútflutningi, sér í lagi áli og sjávarafurðum skýrir samdráttinn að mestu. Minni vöxtur var í einkaneyslu. Fjárfesting, önnur en atvinnuvega, dróst saman.
31. ágúst 2026
Verðbólga mældist 5,6% í ágúst. Samkvæmt VSK-skýrslum jókst velta í helstu útflutningsgreinum í maí og júní, að ferðaþjónustu undanskilinni. Mörg félög í kauphöllinni birtu uppgjör í síðustu viku. Í dag birtir Hagstofan þjóðhagsreikninga fyrir annan ársfjórðung.
27. ágúst 2026
Vísitala neysluverðs hækkaði um 0,20% á milli mánaða í ágúst og verðbólga hækkar því úr 5,3% í 5,6%. Við spáðum 5,5% verðbólgu í ágúst. Áhrif sólmyrkvans á verðmælingar í mánuðinum voru hóflegri en við höfðum spáð. Verðhækkanir í mánuðinum voru því á breiðari grunni en við gerðum ráð fyrir í spánni. Það er óheppileg þróun, haldi hún áfram.
26. ágúst 2026
Velta í flestum útflutningsreinum jókst í maí og júní að ferðaþjónustu undanskilinni, samkvæmt nýjum VSK-skýrslum. Aukna veltu útflutningsgreina má að miklu leyti rekja til hagfelldrar þróunar á heimsmarkaðsverði frekar en meiri framleiðslu. Á sama tíma sjást merki um kólnun í innlenda hagkerfinu, einkum í greinum sem reiða sig meira á innlenda eftirspurn.
24. ágúst 2026
Peningastefnunefnd hækkaði vexti um 0,25 prósentustig í síðustu viku, eins og við spáðum. Á fimmtudag birtir Hagstofan verðbólgutölur fyrir ágúst, en við spáum því að verðbólga hækki í 5,5%.
21. ágúst 2026
Vísitala íbúðaverðs hækkaði um 0,09% á milli mánaða í júlí. Árshækkun vísitölunnar mælist nú 1,6%, hefur ekki mælst lægri í þrjú ár og er töluvert minni en hækkun á almennu verðlagi. Raunverð íbúða hefur lækkað um 3% á milli ára. Umsvif á íbúðamarkaði hafa einnig dregist saman og velta það sem af er ári hefur verið töluvert minni en á sama tímabili í fyrra.
19. ágúst 2026
Peningastefnunefnd hækkaði meginvexti um 0,25 prósentustig þriðja fundinn í röð og standa þeir nú í 8%. Hægt hefur á efnahagsumsvifum og vísbendingar eru um að undirliggjandi verðbólga sé tekin að hjaðna að mati nefndarinnar. Tónninn var því mun mildari en á síðustu tveimur fundum.