Vikubyrjun 30. maí 2022

Leiguverð hefur þróast með afar rólegum hætti frá því faraldurinn skall á, ólíkt kaupverði íbúða. Í apríl mældist þó 2,1% hækkun á leiguverði milli mánaða sem er mesta hækkunin síðan í júní 2020.

30. maí 2022 - Greiningardeild

Vikan framundan

Í dag birtir Hagstofan vísitölu neysluverðs.

Á þriðjudaginn birtir Hagstofan þjóðhagsreikninga fyrir fyrsta ársfjórðung og fjölda greiddra gistinótta í apríl.

Á miðvikudag birtir Seðlabankinn greiðslujöfnuð fyrir fyrsta ársfjórðung og erlenda stöðu þjóðarbúsins.

Á fimmtudaginn birtist samantekt á niðurstöðum úr könnun Ferðamálastofu og Hagstofu Íslands meðal erlendra ferðamanna árið 2021. Inntak skýrslunnar eru tölfræðilegar upplýsingar sem gefa mynd af atferli og viðhorfum ferðamanna á Íslandi.

Mynd vikunnar

Líkt og tíðrætt hefur verið virðist ekkert lát á hækkunum íbúðaverðs um þessar mundir og er íbúðaverð meðal annars orðin meginorsök aukinnar verðbólgu. Staðan er þó önnur á leigumarkaði þar sem verðhækkanir hafa verið mun hóflegri. Til lengri tíma litið fylgjast þessar stærðir þó yfirleitt að og er því ekki ólíklegt að annað hvort hægi á hækkunum íbúðaverðs eða leiguverð taki við sér til þess að jafnvægi náist að nýju. Frá því í janúar 2020 hefur leiguverð eingöngu hækkað um 6,5% á meðan kaupverð fjölbýlis hefur hækkað um 38,1% á sama tíma, samkvæmt gögnum frá Þjóðskrá.

Efnahagsmál

Launavísitalan hækkaði um 1,6% milli mars og apríl samkvæmt tölum Hagstofu Íslands. Síðustu 12 mánuði hefur launavísitalan hækkað um 8,5% sem er mun meiri árshækkun en verið hefur síðustu mánuði.

Almennu útboði á hlutabréfum Ölgerðarinnar lauk í lok síðustu viku.

Hagstofan birti tölur um vöru- og þjónustuviðskipti á fyrsta ársfjórðungi og niðurstöður úr vinnumarkaðsrannsókn en hlutfall atvinnulausra var 2,5% í apríl.

Fjármálamarkaðir

Brim, PLAY og Síldarvinnslan birtu árshlutauppgjör fyrir fyrsta ársfjórðung.

Lánshæfismatsfyrirtækið S&P Global Ratings (S&P) hefur hækkað lánshæfismat sértryggðra skuldabréfa Arion banka og Landsbankans úr A- í A, hækkunin kemur í kjölfar tilkynningar S&P um að umgjörð skilameðferðar á Íslandi sé metin fullnægjandi.

Hagtölur og markaðsupplýsingar

Vikubyrjun 30. maí 2022 (PDF)

Þú gætir einnig haft áhuga á

19. okt. 2026

Vikubyrjun 19. október 2026

Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.

19. okt. 2026

Hagspá til 2029: Hægur vöxtur en batnandi horfur

Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.

15. okt. 2026

Spáum 5,9% verðbólgu í október

Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.

12. okt. 2026

Vikubyrjun 12. október 2026

Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.

7. okt. 2026

Óbreyttir vextir og sami tónn

Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.

5. okt. 2026

Vikubyrjun 5. október 2026

Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.

1. okt. 2026

Mánaðamót 1. október 2026

Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.

30. sept. 2026

Spáum óbreyttum vöxtum í næstu viku

Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.

29. sept. 2026

Verðbólga eykst í 5,9% - hækkun á eldsneytisverði hefur mest áhrif

Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.

28. sept. 2026

Vikubyrjun 28. september 2026

Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.