3. janúar 2022 - Greiningardeild
Vikan framundan
- Á þriðjudag kynnir Ferðamálastofa skýrslu um fjárhags- og rekstrargreiningu íslenskrar ferðaþjónustu fyrir 2020 og 2021.
- Á föstudag birtir Seðlabankinn útreikning á raungengi í desember ásamt tölum um veltu á millibankamarkaði með gjaldeyri.
Mynd vikunnar
Óhætt er að segja að árið 2021 hafi verið mjög gott á hlutabréfamörkuðum víðast hvar í heiminum. Hér á landi var ávöxtun OMXI10 (þ.e. hækkun undirliggjandi hlutabréfa ásamt arðgreiðslum) rétt undir 35%. Í Bandaríkjadölum var ávöxtun OMXI10 aðeins minni, eða um 32%. Þetta er nokkuð betri ávöxtun en í þeim löndum sem við berum okkur helst saman við. Ávöxtun bæði S&P 500 og Nasdaq 100 í Bandaríkjunum var rétt um 30%, en þar voru það örfá mjög stór tæknifyrirtæki sem drógu hækkunina áfram.
Efnahagsmál
- Hagdeild HMS birti greiningu á húsnæðismarkaðnum milli jóla og nýárs. Samkvæmt tölum HMS seldust 44% íbúða yfir ásettu verð í nóvember sem hefur aldrei mælst hærra. Auglýstum eignum er að fækka og voru rétt fyrir jól um fjórðungur af því sem var í lok maí.
- Fjárlög ársins 2022 voru samþykkt rétt fyrir áramót.
- Þjóðskrá birti upplýsingar um veltu á fasteignamarkaði í nóvember.
Fjármálamarkaðir
- Lánamál ríkisins birtu ársáætlun fyrir 2022, ársfjórðungsáætlun fyrir 1. ársfjórðung og stefnu fyrir árin 2022-2026. Heildarútgáfa ríkisbréfa í ár er áætluð 160 ma. kr. Útgáfa umfram gjaldaga er 65 ma. kr. í samanburði við 52 ma. kr. í fyrra. Samkvæmt áætluninni er stefnan að lengja í útgáfu ríkissjóðs, en gefin verður út nýr óverðtryggður flokkur á gjalddaga 2042 og nýr verðtryggður flokkur á gjalddaga 2037.
- Landsbankinn birti útgáfuáætlun fyrir 2022. Áætluð útgáfa sértryggðra bréfa í ár er 34-39 ma. kr.
Hagtölur og markaðsupplýsingar
Þú gætir einnig haft áhuga á
9. jan. 2025
Við spáum því að vísitala neysluverðs lækki um 0,32% á milli mánaða í janúar og að verðbólga hjaðni úr 4,8% í 4,6%. Við búumst við áframhaldandi hjöðnun næstu mánuði og að ársverðbólga verði komin niður í 3,7% í apríl.
6. jan. 2025
Í vikunni birtir Vinnumálastofnun skráð atvinnuleysi í desember og birtar verða tölur um atvinnuleysi í Bandaríkjunum. Einnig fara fram verðmælingar vegna vísitölu neysluverðs, en Hagstofan birtir mælinguna fimmtudaginn 30. janúar.
2. jan. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
19. des. 2024
Vísitala neysluverðs hækkaði um 0,39% á milli mánaða í desember, samkvæmt nýbirtum tölum Hagstofu Íslands. Ársverðbólga stendur því í stað í 4,8%. Við eigum enn von á að verðbólga hjaðni næstu mánuði og verði komin niður í 3,9% í mars.
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.