Viku­byrj­un 3. apríl 2023

Ríkissjóður verður rekinn með halla til ársins 2028, samkvæmt ríkisfjármálaáætlun sem ríkisstjórnin kynnti á miðvikudaginn í síðustu viku. Stefnt er að því að rétta ríkisreksturinn af örlítið fyrr en var áætlað í síðustu fjármálaáætlun, en ólíklegt má þó telja að aðhaldið dugi til þess að slá á verðbólgu. Skuldahlutfall ríkissjóðs helst stöðugt í 31% til ársins 2028 þegar það lækkar í 30%.
3. apríl 2023

Vikan framundan

  • Á þriðjudag birtir Seðlabankinn Hagvísa.
  • Á miðvikudag birtir Seðlabankinn fundargerð frá síðasta fundi peningastefnunefndar þar sem ákveðið var að hækka stýrivexti um eitt prósentustig.

Mynd vikunnar

Ríkissjóður verður rekinn með halla til ársins 2028, samkvæmt ríkisfjármálaáætlun sem ríkisstjórnin kynnti á miðvikudaginn í síðustu viku. Stefnt er að því að rétta ríkisreksturinn af örlítið fyrr en var áætlað í síðustu fjármálaáætlun. Nú er gert ráð fyrir 0,1 ma. kr. halla árið 2027 en síðast var gert ráð fyrir um 25 ma. kr. halla það ár. Hagfræðideild telur ólíklegt að aðhaldið í fjármálaáætluninni sé nægt til að slá á verðbólgu, a.m.k. ekki á allra næstu mánuðum.

Skuldahlutfall ríkissjóðs helst stöðugt í 31% til ársins 2028 þegar það lækkar í 30%. Vaxtagjöld eru þung byrði á ríkissjóði og það eru ekki síst þau sem skýra hversu hægt er gert ráð fyrir að skuldahlutfallið lækki.

Helsta frá vikunni sem leið

  • Vísitala neysluverðs hækkaði um 0,59% milli mánaða í mars, samkvæmt mælingu Hagstofunnar, og ársverðbólgan fór úr 10,2% í 9,8%. Þetta er í fyrsta sinn síðan í nóvember sem ársverðbólgan hjaðnar. Verðbólgan var minni en við gerðum ráð fyrir, en við höfðum spáð því að hún myndi lækka í 10% í mars. Munurinn á okkar spá og mælingunni skýrist aðallega af því að liðurinn húsgögn og heimilisbúnaður lækkaði um 1,7%, mest sængurfatnaður og handklæði, enda voru tilboðsdagar hjá einhverjum söluaðilum í verðkönnunarvikunni. Lækkunin kann því að vera vegna skammtímaáhrifa sem gætu hæglega gengið til baka.
  • Í febrúar var slegið met í fjölda skráðra gistinótta í febrúarmánuði, samkvæmt tölum Hagstofunnar. Gistinætur voru 575.300 sem er 45% aukning frá fyrra ári og 9,4% aukning frá fyrra metári, 2018. Gistinætur erlendra ferðamanna voru örlítið færri en í febrúar árið 2018 en gistinætur Íslendinga ríflega tvöfalt fleiri en þá. Ferðagleði Íslendinga innanlands jókst mjög í faraldrinum og landsmenn virðast hafa viðhaldið nýjum ferðavenjum. Febrúarmánuður í ár er fyrsti febrúarmánuðurinn eftir að ferðatakmarkanir voru með öllu afnumdar og erlendum ferðamönnum hefur fjölgað hratt á ný.
  • Orkuveita Reykjavíkur lauk útboði á grænum skuldabréfum og Lánamál ríkisins birtu niðurstöður í útboði ríkisvíxla og niðurstöður viðbótarútgáfu ríkisbréfa. Lánamál ríkisins birtu ársfjórðungsáætlun fyrir annan ársfjórðung. Útgerðarfélag Reykjavíkur birti ársreikning.
  • Verðbólga á evrusvæðinu hjaðnaði niður í 6,9%.

Hagtölur og markaðsupplýsingar

Vikubyrjun 3. apríl 2023 (PDF)

Fyrirvari
Innihald og form þessarar greiningar er unnið af starfsfólki Hagfræðideildar Landsbankans hf. (hagfraedideild@landsbankinn.is) og byggist á aðgengilegum opinberum upplýsingum á þeim tíma sem greiningin var unnin. Mat á þeim upplýsingum endurspeglar skoðanir starfsfólks Hagfræðideildar Landsbankans á þeim degi þegar greiningin er dagsett, en þær geta breyst án fyrirvara.

Landsbankinn hf. og starfsfólk hans taka ekki ábyrgð á viðskiptum sem byggð eru á þeim upplýsingum og skoðunum sem hér eru settar fram, enda eru þær ekki veittar sem persónuleg ráðgjöf fyrir einstök viðskipti.

Bent skal á að Landsbankinn hf. getur á hverjum tíma haft beinna eða óbeinna hagsmuna að gæta, ýmist sjálfur, dótturfélög hans eða fyrir hönd viðskiptavina, s.s. sem fjárfestir, lánardrottinn eða þjónustuaðili. Greiningar eru engu að síður unnar sjálfstætt af Hagfræðideild Landsbankans og innan Landsbankans eru í gildi reglur um aðskilnað starfssviða sem eru aðgengilegar á vef bankans.
Þú gætir einnig haft áhuga á
Bananar í verslun
28. feb. 2024
Verðbólga 6,6% og hjaðnar mun minna en búist var við
Vísitala neysluverðs hækkaði um 1,33% milli mánaða í febrúar og við það hjaðnaði ársverðbólga lítillega, úr 6,7% í 6,6%. Janúarútsölur gengu hraðar til baka en oft áður og gjaldskrárhækkanir fyrir sorphirðu, holræsi og kalt vatn höfðu meiri áhrif til hækkunar en við höfðum spáð. Reiknuð húsaleiga hækkaði minna en við gerðum ráð fyrir, en flugfargjöld til útlanda hækkuðu þvert á spá okkar um lækkun á milli mánaða.
Vöruhótel
26. feb. 2024
Vikubyrjun 26. febrúar 2024
Á árunum 2010 til 2019 var samfelldur afgangur af vöru- og þjónustuviðskiptum við útlönd. Nokkur halli var árin 2020 og 2021 á meðan heimsfaraldurinn geisaði, en síðan hafa utanríkisviðskipti verið nokkurn veginn í jafnvægi.
Gata í Reykjavík
22. feb. 2024
Vísitala íbúðaverðs hækkar áfram örlítið milli mánaða
Vísitala íbúðaverðs hækkaði um 0,4% á milli mánaða í janúar. Sérbýli hækkaði um 0,1% og fjölbýli um 0,4%. Raunverð íbúða er nokkurn veginn það sama og fyrir einu ári. Undirrituðum kaupsamningum á höfuðborgarsvæðinu fjölgaði á milli ára síðustu fjóra mánuði eftir að hafa fækkað sífellt frá miðju ári 2021.
Bátur
19. feb. 2024
Vikubyrjun 19. febrúar 2024
Nokkur breyting hefur orðið á samsetningu vinnumarkaðarins hér á landi frá árinu 1991. Stjórnendum, sérfræðingum, sérmenntuðu starfsfólki, þjónustu- og verslunarfólki hefur fjölgað verulega á sama tíma og skrifstofufólki, bændum og fiskveiðifólki hefur fækkað.
Peningaseðlar
15. feb. 2024
Spáum áframhaldandi hjöðnun í febrúar: Úr 6,7% í 6,1%
Við spáum því að vísitala neysluverðs hækki um 0,89% milli mánaða í febrúar og að ársverðbólga hjaðni úr 6,7% í 6,1%. Útsölulok munu hafa mest áhrif til hækkunar á milli mánaða í febrúar, samkvæmt spánni. Þá koma gjaldskrárhækkanir á sorphirðu, fráveitu og köldu vatni inn í mælingar nú í febrúar. Lægri flugfargjöld til útlanda vega þyngst á móti hækkunum, gangi spáin eftir.
Flugvél
12. feb. 2024
Ferðamenn dvelja skemur og eyða færri krónum
Um 131 þúsund erlendir ferðamenn fóru um Keflavíkurflugvöll í janúar. Þeir voru fleiri en í janúar í fyrra en færri en árin fyrir faraldur. Fjórði ársfjórðungur síðasta árs var sá fjölmennasti frá upphafi.
Smiður
12. feb. 2024
Vikubyrjun 12. febrúar 2024
Á fjórða ársfjórðungi síðasta árs voru fleiri atvinnulausir á Íslandi en sem nam lausum störfum. Því var öfugt farið um mitt ár 2022 þegar spennan á vinnumarkaði var sem mest og fyrirtæki kepptust um starfsfólk. Þessi viðsnúningur er eitt merki þess að tekið sé að draga út spennu á vinnumarkaði, ekki síst vegna aukins peningalegs aðhalds.
Hús í Reykjavík
9. feb. 2024
Meirihluti útistandandi íbúðalána nú verðtryggður
Hátt vaxtastig hefur breytt samsetningu íbúðalána til heimila. Meirihluti útistandandi íbúðalána heimila er nú verðtryggður, en heimili hafa frá byrjun síðasta árs í auknum mæli fært sig úr óverðtryggðum lánum yfir í verðtryggð. Hrein ný íbúðalán banka og lífeyrissjóða hafa aukist frá miðju síðasta ári en drógust nú saman milli mánaða í desember.
5. feb. 2024
Mánaðaryfirlit yfir sértryggð skuldabréf - janúar 2024
Meðfylgjandi er mánaðarlegt yfirlit sértryggðra skuldabréfa.
Mynt 100 kr.
5. feb. 2024
Vikubyrjun 5. febrúar 2024
Verðbólga hefur hjaðnað síðustu mánuði, en auk þess hefur hlutfall undirliða sem hafa hækkað um meira en 10% á undanförnum 12 mánuðum fækkað.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur