Vikubyrjun 25. ágúst 2025
Seðlabanki Íslands hélt stýrivöxtum óbreyttum í 7,50% í síðustu viku og allir nefndarmenn studdu ákvörðunina. Vísitala íbúðaverðs hefur hækkað um 4,2% á síðasta árinu, en í janúar var árshækkunin 10,4%. Í vikunni birtir Hagstofan verðbólgutölur fyrir ágústmánuð og þjóðhagsreikninga fyrir annan ársfjórðung.
25. ágúst 2025
Vikan framundan
- Í dag birtir Sýn uppgjör.
- Á morgun birtir Eimskip uppgjör.
- Á miðvikudag birtir Hagstofan vöru- og þjónustuviðskipti fyrir annan ársfjórðung. Hagstofan birtir einnig veltu skv. VSK- skýrslum fyrir maí og júní. Sama dag birtir Iceland Seafood uppgjör.
- Á fimmtudag birtir Hagstofan vísitölu neysluverðs í ágúst og gistinætur í júlí. Þá birta Brim, Hampiðjan og Síldarvinnslan uppgjör.
- Á föstudag birtir Hagstofan þjóðhagsreikninga fyrir annan ársfjórðung og Ísfélagið birtir uppgjör.
Mynd vikunnar
Seðlabankinn býst nú við þó nokkuð meiri verðbólgu á seinni hluta ársins en áður var gert ráð fyrir. Verðbólguspá sem bankinn gaf út í ritinu Peningamálum í síðustu viku er 0,4-0,5 prósentustigum hærri en sú sem var birt í Peningamálum í maí. Búist er við að verðbólga aukist nokkuð á næstu mánuðum, aðallega vegna einskiptisliða sem drógu snarlega úr verðbólgu síðasta haust, og verði að meðaltali 4,2% á þriðja ársfjórðungi og 4,5% á þeim fjórða. Með spána til hliðsjónar ákvað peningastefnunefnd bankans að halda stýrivöxtum óbreyttum í síðustu viku, eftir fimm vaxtalækkanir í röð. Gangi spáin eftir má ætla að útséð sé um frekari vaxtalækkanir á árinu.
Það helsta frá vikunni sem leið
- Seðlabanki Íslands hélt stýrivöxtum óbreyttum á miðvikudaginn. Meginvextir bankans, vextir á sjö daga bundnum innlánum, eru því enn 7,50%. Ákvörðunin var í samræmi við væntingar og okkar spá. Samstaða var í nefndinni og allir nefndarmenn studdu ákvörðunina. Samhliða vaxtaákvörðuninni birti Seðlabankinn Peningamál.
- Vísitala íbúðaverðs hækkaði um 0,27% á milli mánaða í júlí. Hækkunin var drifin áfram af sérbýli á landsbyggðinni og fjölbýli á höfuðborgarsvæðinu. [SJ1] Áfram dregur úr árshækkun vísitölunnar en hún lækkaði úr 4,7% í júní niður í 4,2% í júlí. Vísitala leiguverðs hækkaði um 1,38% á milli mánaða í júlí. Árshækkun leiguvísitölunnar hefur ekki mælst minni frá því í lok árs 2021, en nú í júlí mældist hún 5,1%.
- HMS birti mánaðarskýrslu um fasteignamarkaðinn í júlí.
- Vísitala launa lækkaði um tæplega 0,2% á milli mánaða í júlí. Ársbreyting vísitölunnar er nú 7,6% og hefur ekki verið minni á þessu ári. Kaupmáttur launa er 3,5% meiri en á sama tíma í fyrra.
- Verðbólga í Bretlandi jókst umfram væntingar, úr 3,6% í 3,8% á milli mánaða í júlí.
- Oculis, Síminn, Heimar, Landsvirkjun, Landsnet, Kaldalón, Lánasjóður sveitarfélaga, Rarik og Reitir birtu uppgjör.
- Lánamál ríkisins héldu víxlaútboð og útboð á ríkisbréfum. Landsbankinn lauk sölu á skuldabréfum í sænskum krónum og í norskum krónum. Reykjavíkurborg og Íslandsbanki luku sölu á skuldabréfum. Þá héldu Hagar víxlaútboð.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
9. mars 2026
Verulegur halli mældist á viðskiptum við útlönd í fyrra. Erlend staða þjóðarbúsins versnaði á síðasta ári, en er engu að síðar mjög sterk. Krónan veiktist á móti evru í fyrra, en styrktist á móti bandaríkjadal. Sterk staða útflutningsgreina gæti stutt við krónuna á þessu ári þó órói á alþjóðasviðinu auki óvissuna.
9. mars 2026
Talsvert minni halli var á viðskiptum við útlönd á fyrsta ársfjórðungi ársins en á sama fjórðungi árið áður. Í vikunni fáum við ferðamannatölur og skráð atvinnuleysi.
6. mars 2026
Atvinnuleysi mjakast upp, störfum er hætt að fjölga og minni eftirspurn er eftir vinnuafli en áður. Aukið atvinnuleysi síðustu mánuði má þó nánast eingöngu rekja til erlends vinnuafls. Atvinnuleysi hefur lítið breyst meðal Íslendinga og er lítið í alþjóðlegum samanburði. Þrátt fyrir kólnun á vinnumarkaði hefur kaupmáttur launa aukist og einkaneysla haldist sterk, en það hefur stutt við eftirspurn og viðhaldið verðbólguþrýstingi.
2. mars 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. mars 2026
Samkvæmt bráðabirgðatölum Hagstofunnar var hagvöxtur á síðasta ári 1,3%, en 0,6% samdráttur mældist á fjórða ársfjórðungi. Verðbólga hélst óbreytt á milli mánaða í febrúar og mælist 5,2%. Velta skv. VSK-skýrslum dróst saman á tímabilinu nóv-des í öllum þremur stóru útflutningsgeirunum.
27. feb. 2026
Landsframleiðsla jókst um 1,3% á milli ára að raunvirði í fyrra, en dróst saman um 0,6% á fjórða ársfjórðungi. Einkaneysla var mjög sterk bæði á árinu í heild og á fjórða ársfjórðungi. Fjármunamyndun og innflutningur litaðist af uppbyggingu á gagnaverum, sem var þó nokkur á fyrri hluta árs, en minnkaði á þriðja ársfjórðungi og var lítil á þeim fjórða.
26. feb. 2026
Verðbólga stóð í stað í febrúar og mælist áfram 5,2%. Vísitala neysluverðs hækkaði töluvert meira í febrúar en við spáðum. Mesta frávik frá okkar spá er vegna flugfargjalda til útlanda sem hækkuðu töluvert, en flestir liðir hækkuðu aðeins meira en við spáðum. Reiknuð húsaleiga hækkaði þó minna og Hagstofan leiðrétti verðmælingar á eldsneyti í janúar sem kemur til lækkunar nú, en hefði átt að þýða minni verðbólga í janúar.
24. feb. 2026
Hækkun vísitölu íbúðaverðs á milli mánaða í janúar hefur ekki verið meiri síðan í byrjun árs 2024. Á síðustu mánuðum hefur þó dregið talsvert úr verðhækkunum á íbúðamarkaði og raunverð hefur lækkað á milli ára þrjá mánuði í röð. Við gerum ráð fyrir raunverðslækkunum á milli ára á allra næstu mánuðum, þó nafnverðslækkanir séu ólíklegri.
23. feb. 2026
Greiðslukortavelta heimilanna jókst alls um 5,4% á milli ára í janúar. Mánaðarbreyting vísitölu íbúðaverðs hefur ekki verið jafn mikil síðan í febrúar 2024, en hækkunin í janúar var drifin áfram af verðhækkunum á sérbýli. Vísitala leiguverðs lækkaði annan mánuðinn í röð.
16. feb. 2026
Erlendum ferðamönnum fækkaði um 1,8% á milli ára í janúar. Skráð atvinnuleysi hækkaði um 0,7 prósentustig frá fyrra ári og mælist nú 4,2%. Lausum störfum í Bandaríkjunum fjölgaði umfram væntingar.