Vikubyrjun 23. september
Virðisaukaskattsskýrslur í þeim atvinnugreinaflokkum sem tengjast íbúðauppbyggingu benda til þess að byggingariðnaðurinn sé aðeins að róast. Velta í byggingu húsnæðis og þróun byggingarverkefna jókst um 2,5% að raunvirði á fyrri helmingi ársins samanborið við stöðuna fyrir ári síðan en velta í sérhæfðri byggingarstarfsemi jókst um 1,7% milli ára.
23. september 2019
Vikan framundan
- Klukkan 9 í dag birtir Hagstofan launavísitölur fyrir 2. ársfjórðung.
- Á fimmtudag er ferðaþjónusturáðstefna Landsbankans.
- Á föstudaginn birtir Hagstofan vísitölu neysluverðs. Við búumst við 0,1% hækkun milli mánaða.
Mynd vikunnar
Virðisaukaskattsskýrslur í þeim atvinnugreinaflokkum sem tengjast íbúðauppbyggingu benda til þess að byggingariðnaðurinn sé aðeins að róast. Velta í byggingu húsnæðis og þróun byggingarverkefna jókst um 2,5% að raunvirði á fyrr helmingi ársins samanborið við stöðuna fyrir ári síðan en velta í sérhæfðri byggingarstarfsemi jókst um 1,7% milli ára. Til samanburðar jókst veltan í þessum tveimur flokkum um yfir 10% á fyrri helmingi ársins, árlega síðustu fimm ár. Sjá nánar í Hagsjá um fasteignamarkaðinn sem við birtum í síðustu viku.
Það helsta frá vikunni sem leið
- Eftir miklar hækkanir síðustu ár virðist sem fasteignamarkaðurinn sé að leita í jafnvægi.
- Kortanotkun Íslendinga dróst saman milli ára í ágúst.
- RSV birti kortaveltu erlendra ferðamanna án flugsamgangna í ágúst.
- Hagstofan birti leiðréttingu á áður birtir frétt um erlendra kortaveltu.
- Opinn fundur í efnahags- og viðskiptanefnd um störf peningastefnunefndar var haldinn í vikunni.
- Ferðamálastofa birti mánaðarlega skýrslu sína um ferðaþjónustuna í tölum.
- Skeljungur keypti allt hlutafé Baskó.
- Arion banki seldi Íbúðalánasjóði lánasafn og notaði ágóðann til að greiða upp skuldabréf í eigu ÍLS.
- Þrjú útboð voru í vikunni: Kvika banki hélt víxlaútboð, Lánasjóður sveitarfélaga hélt skuldabréfaútboð og Lánamál ríkisins útboð á nýjum flokki ríkisbréfa.
Hagtölur og markaðsupplýsingar
Hagtölur 23. september 2019 (PDF)
Þú gætir einnig haft áhuga á
7. maí 2025
Ætla má að um þriðjungur íslenskra vara sem fluttar eru frá Íslandi til Bandaríkjanna sé undanþeginn þeim tollum sem nú eru í gildi, til dæmis lyf og flestar lækningavörur. Óvissa um framvindu mála í alþjóðaviðskiptum getur samt ein og sér leitt til þess að fyrirtæki halda að sér höndum og ráðast síður í nýjar fjárfestingar. Á síðasta ári fór um 12% af vöruútflutningi Íslands til Bandaríkjanna.
5. maí 2025
Í apríl jókst verðbólga úr 3,8% í 4,2%, nokkuð umfram okkar spá um 4,0% verðbólgu. Velta samkvæmt VSK-skýrslum jókst á milli ára í flestum atvinnugreinum á fyrstu tveimur mánuðum ársins. Á fyrsta ársfjórðungi mældist hagvöxtur á evrusvæðinu en samdráttur í Bandaríkjunum. Í þessari viku er vaxtaákvörðun í Bandaríkjunum og einnig í Bretlandi.
2. maí 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. maí 2025
Ör fólksfjölgun og hækkun húsnæðisverðs hefur aukið eftirspurn eftir leiguíbúðum. Stærstur hluti Airbnb-íbúða er nú leigður út af leigusölum með fleiri en tvær íbúðir í útleigu. Frumvarp um hert skilyrði um skammtímaleigu hefur verið sett í samráðsgátt. Hömlur á skammtímaleigu gætu aukið framboð leiguíbúða og jafnvel söluframboð.
29. apríl 2025
Verðbólga mældist 4,2% í apríl og hækkaði úr 3,8% frá því í mars. Verðbólga var umfram okkar spá, einkum vegna þess að reiknuð húsaleiga og verð á matvörum hækkaði meira en við bjuggumst við.
28. apríl 2025
Alþjóðagjaldeyrissjóðurinn (AGS) birti nýja efnahagsspá um páskana. Hagvaxtarhorfur í heiminum hafa verið færðar niður og AGS telur að spenna í alþjóðaviðskiptum og veruleg óvissa komi til með að draga úr umsvifum í heimshagkerfinu.
28. apríl 2025
Hagstofan birtir verðbólgutölur fyrir aprílmánuð á morgun og við búumst við að verðbólga hækki tímabundið upp í 4%. Í vikunni fáum við fyrstu uppgjör fyrir fyrsta ársfjórðung og fyrsta mat á hagvexti í Bandaríkjunum og á evrusvæðinu á fyrsta ársfjórðungi.
23. apríl 2025
Við teljum horfur á tiltölulega hófstilltum verðhækkunum á íbúðamarkaði næstu árin, 5,9% hækkun á þessu ári, 4,8% hækkun á næsta ári og 6,4% hækkun árið 2027. Til samanburðar hefur íbúðaverð hækkað um 9% á ári að jafnaði frá aldamótum, og að meðaltali um 13% á ári frá árinu 2021.
22. apríl 2025
Leiguverð hefur hækkað um 11,3% á síðustu tólf mánuðum, þó nokkuð meira en íbúðaverð sem hefur hækkað um 8% á sama tímabili. Hækkanir á íbúða- og leigumarkaði eru þó nokkuð umfram almennar verðhækkanir í landinu, en verðbólga mældist 3,8% í mars. Áfram er kraftur í innlendri neyslu, greiðslukortavelta heimila hefur aukist statt og stöðugt síðustu mánuði og var 1,8% meiri í mars síðastliðnum en í mars í fyrra.
16. apríl 2025
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.