Vikubyrjun 22. september 2025
Raunverð íbúða lækkaði á milli ára í ágúst, í fyrsta skipti frá því í byrjun árs 2024. Nafnverð íbúða hefur aðeins hækkað um 2,2% á einu ári og sífellt lengri tíma tekur að selja íbúðir. Leiguvísitalan hækkaði þó í ágúst og hækkandi leiguverð hefur með tímanum áhrif á verðbólgumælingar. Hagstofan birtir vísitölu neysluverðs næsta fimmtudag.
22. september 2025
Vikan framundan
- Á morgun birtir Hagstofan vísitölu launa í ágúst.
- Á miðvikudag birtir Seðlabankinn yfirlýsingu fjármálastöðugleikanefndar og gefur út fjármálastöðugleikaskýrslu.
- Á fimmtudag birtir Hagstofan verðbólgutölur fyrir september. Við gerum ráð fyrir að verðbólga aukist úr 3,8% í 4,1%.
Mynd vikunnar
Áfram virðist rólegt yfir íbúðamarkaði og í ágúst var raunverð íbúða lægra en í ágúst í fyrra. Ein birtingarmynd lækkandi hitastigs á íbúðamarkaði er sífellt lengri sölutími íbúða. Húsnæðis- og mannvirkjastofnun (HMS) reiknar út birgðatíma íbúða, þ.e. þann tíma sem tæki að selja þær íbúðir sem eru í sölu í hverjum mánuði ef salan tæki jafn langan tíma og mánuðinn á undan. Viðmiðið er að sé birgðatími styttri en fjórir mánuðir sé markaðurinn á valdi seljenda en birgðatími lengri en sex mánuðir merki að markaðurinn sé á valdi kaupenda. Samkvæmt HMS var birgðatími nýrra íbúða á höfuðborgarsvæðinu tæplega 17 mánuðir í ágúst, mun lengri en birgðatími eldri íbúða, sem nam tæplega þremur mánuðum. Þannig má segja að markaður með nýjar íbúðir sé á valdi kaupenda en markaður með eldri íbúðir sé á valdi seljenda.
Það helsta frá vikunni sem leið
- Vísitala íbúðaverðs lækkaði um 0,54% á milli mánaða í ágúst. Árshækkun íbúðaverðs nam 2,2% í ágúst og hefur ekki verið minni síðan í september 2023. Íbúðaverðshækkanir á ársgrundvelli eru nú minni en hækkanir á almennu verðlagi, sem þýðir að raunverðið hefur lækkað á milli ára. Árshækkun vísitölu íbúðaverðs umfram VNV án húsnæðis er nú -0,6% en var 7,2% í byrjun árs.
- Greiðslukortavelta heimila heldur áfram að aukast og var 3% meiri í ágúst en í ágúst í fyrra, að teknu tilliti til verðlags og gengis. Eins og síðustu mánuði jókst kortavelta erlendis verulega (um 16,4% á milli ára) en í þetta sinn dróst kortavelta innanlands örlítið saman (um 0,6% á milli ára). Kortavelta erlendra greiðslukorta hér á landi jókst um 2,2% á föstu verðlagi (VNV) á milli ára í ágúst og á föstu gengi jókst kortaveltan um 14,4% (GVT). Erlendum ferðamönnum um Keflavík fjölgaði um 10,6% á milli ára í ágúst. Kortavelta á hvern ferðamenn var því aðeins minni en í fyrra.
- Vísitala leiguverðs hækkaði um 0,32% á milli mánaða í ágúst. Tólf mánaða hækkun vísitölunnar nemur nú 6,7%.
- Verðbólga í Bretlandi hélst óbreytt á milli mánaða í 3,8%. Mælingarnar voru í takt við væntingar.
- Seðlabanki Bandaríkjanna lækkaði vexti um 0,25 prósentustig og stýrivextir standa nú í 4,0-4,25%. Lækkunin var í takt við væntingar. Peningastefnunefnd Englandsbanka hélt vöxtum óbreyttum í 4,0%.
- Hafnarfjarðarkaupstaður lauk sölu á skuldabréfum. Íslandsbanki hélt útboð á sértryggðum skuldabréfum, ásamt skiptiútboði. Lánamál ríkisins lauk sölu á ríkisbréfum og ríkisvíxlum. Lánasjóður sveitarfélaga lauk sölu á skuldabréfum. Ölgerðin Egill Skallagrímsson hélt útboð á víxlum.
- Norðurþing og Hafnarfjarðarkaupstaður birtu uppgjör.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
13. okt. 2025
Peningastefnunefnd hélt vöxtum óbreyttum í síðustu viku, eins og við var búist. Þó mátti greina aukna bjartsýni í yfirlýsingu nefndarinnar. Skráð atvinnuleysi var 3,5% í september og jókst um 0,1 prósentustig á milli mánaða. Brottförum erlendra ferðamanna um Keflavíkurflugvöll fjölgaði um 0,5% í september og utanlandsferðum Íslendinga fjölgaði um 14%.
6. okt. 2025
Fall Fly Play hf. var stærsta fréttin í síðustu viku. Um 400 manns misstu vinnuna og má búast við að atvinnuleysi aukist um um það bil 0,2 prósentustig þess vegna. Við búumst ekki við verulegum þjóðhagslegum áhrifum af falli Play. Peningastefnunefnd kemur saman á miðvikudaginn og við búumst við að stýrivöxtum verði áfram haldið í 7,50%.
2. okt. 2025
Við spáum því að peningastefnunefnd haldi stýrivöxtum óbreyttum í næstu viku. Verðbólga hefur haldist á þröngu bili í kringum 4% frá því í febrúar og horfur eru á nær óbreyttri verðbólgu á næstu mánuðum. Áfram má greina skýr merki um þenslu í hagkerfinu og nær óhugsandi að peningastefnunefnd telji tímabært að halda vaxtalækkunarferlinu áfram.
1. okt. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
29. sept. 2025
Verðbólga mældist í takt við væntingar í september og fór úr 3,8% í 4,1%, samkvæmt vísitölu neysluverðs, sem Hagstofan birti í síðustu viku. Aukin verðbólga var fyrirséð og mælingin ber þess ekki merki að verðbólguþrýstingur í hagkerfinu hafi aukist. Kaupmáttur launa er 3,8% meiri en í ágúst í fyrra.
25. sept. 2025
Vísitala neysluverðs hækkaði um 0,11% á milli mánaða í september og verðbólga jókst úr 3,8% í 4,1%. Hækkunin skýrist að langmestu leyti af því að lækkunaráhrif gjaldfrjálsra skólamáltíða duttu nú úr 12 mánaða taktinum. Fátt í septembermælingunni kom á óvart en við spáðum 0,07% hækkun á vísitölunni og 4,1% verðbólgu. Við gerum ráð fyrir að verðbólga verði áfram á þessu bili út árið og verði 4,0% í árslok.
23. sept. 2025
Greiðslukortavelta heimila heldur áfram að aukast samhliða aukinni einkaneyslu. Það sama má segja um utanlandsferðir Íslendinga en það sem af er ári hafa Íslendingar farið í rúmlega 20% fleiri utanlandsferðir en á sama tímabili í fyrra. Auk þess að fara meira til útlanda virðast landsmenn kaupa þó nokkuð fleiri bíla en í fyrra. Á fyrstu átta mánuðum þessa árs voru nýskráðir bílar um 28% fleiri en á sama tíma í fyrra.
15. sept. 2025
Ferðamönnum hélt áfram að fjölga af krafti í ágúst og Íslendingar slógu enn eitt metið í fjölda utanlandsferða. Atvinnuleysi hélst óbreytt á milli mánaða í 3,4% og er lítillega meira en á sama tíma í fyrra. Í þessari viku birtir HMS nýjustu gögn um íbúðamarkað og við fylgjumst með vaxtaákvörðunum í Bandaríkjunum og Bretlandi.
11. sept. 2025
Við spáum því að verðbólga aukist í september og mælist 4,1%. Aukin verðbólga skýrist aðallega af því að í september í fyrra voru máltíðir í grunnskólum gerðar ókeypis og lækkunaráhrifin af því detta nú út úr ársverðbólgunni. Verðhækkun á mjólkurafurðum leiðir til meiri hækkunar á matvöruverði en síðustu mánuði. Ró yfir húsnæðismarkaðnum heldur aftur af hækkunum á reiknaðri húsaleigu en útsölulok hafa áhrif til hækkunar í mánuðinum, gangi spáin eftir.
8. sept. 2025
Í þessari viku ber hæst útgáfu á tölum um fjölda ferðamanna í ágúst og skráð atvinnuleysi. Í síðustu viku birti Seðlabankinn fundargerð peningastefnunefndar þar sem fram kom að allir nefndarmenn hefðu verið sammála um að halda vöxtum óbreyttum í ágúst. Þá birti Seðlabankinn einnig tölur um greiðslujöfnuð við útlönd sem gáfu til kynna mun meiri halla á viðskiptum við útlönd á öðrum fjórðungi þessa árs en þess síðasta.