22. júlí 2024
Erlendis þá bárust verðbólgutölur frá Bretlandi sem sýndu óbreytta verðbólgu og evrópski Seðlabankinn ákvað að halda vöxtum á evrusvæðinu óbreyttum. Í þessari viku birtir Hagstofan verðbólgutölur fyrir júlímánuð og það verða nokkur uppgjör birt.
Vikan framundan
- Á morgun birtir Össur árshlutauppgjör.
- Á miðvikudag birtir Hagstofan verðbólgutölur, við spáum því að verðbólga aukist lítillega og verði 5,9%. Marel birtir árshlutauppgjör.
- Á fimmtudag birta Arion banki, Íslandsbanki og Play árshlutauppgjör.
Mynd vikunnar
Greiðslukortavelta íslenskra heimila dróst saman um 1,8% milli ára innanland í júní miðað við fast verðlag, erlendis jókst hún um 4,8% miðað við fast gengi. Alls dróst kortavelta íslenskra heimila saman um 0,4% milli ára að raunvirði. Þróunin upp á síðkastið er slík að það mælist samdráttur í kortaveltu innanlands, á sama tíma og kortavelta erlendis hefur ýmist staðið í stað eða aukist. Þetta er merki um að neysla Íslendinga sé í auknum mæli að færast út fyrri landssteinana, til að mynda í gegnum ferðalög, netverslun og þjónustu streymisveita. Rúmlega 20% af kortaveltu heimilanna fer núna fram erlendis.
Það helsta frá vikunni sem leið
- Í síðustu viku birti HMS vísitölu íbúðaverðs, vísitölu leiguverðs og mánaðarskýrslu hagdeildar. Vísitala íbúðaverðs hækkaði um 1,4% á milli mánaða í júní og er árshækkunin nú 9,1%, en svo mikil hefur hún ekki verið síðan í febrúar 2023. Leiguverð hækkaði einnig á milli mánaða í júní, alls um 2,5%, og er árshækkun leiguverðs nú 13%. Mikil velta var á íbúðamarkaði í júní og eru merki um að nokkur spenna sé nú á íbúðamarkaði.
- AGS birti reglubundna úttekt á efnahagslífi landsins. Sjóðurinn er nokkuð bjartsýnn á framvindu næstu árin, hvað verðbólgu- og hagvaxtarþróun varðar. Hann á von á að verðbólga verði komin niður í 5,1% í lok þessa árs og 2,6% í lok næsta árs, en sjóðurinn gerir ekki ráð fyrir vaxtalækkun í ár. Hann spáir 1,2% hagvexti í ár og 2,4% á næsta ári.
- Verðbólga í Bretlandi mældist 2,0% í júní og var óbreytt milli mánaða. Mælingin var aðeins hærri en greinendur áttu von á og styrktist sterlingspundið í kjölfarið. Það sem veldur mestum áhyggjum í mælingunni er að árshækkun þjónustu er enn nokkuð há, eða 5,7%. Þetta dregur úr líkunum á vaxtalækkun í ágúst.
- Evrópski seðlabankinn ákvað að halda vöxtum á evrusvæðinu óbreyttum, sem var í samræmi við væntingar. Seðlabankastjóri vildi ekki útiloka vaxtalækkun í september, en sagði að sú ákvörðun myndi byggjast á þeim gögnum sem berast í millitíðinni. Evran veiktist miðað við Bandaríkjadal í kjölfar ákvörðunarinnar.
- Landsbankinn, Icelandair (fjárfestakynning) og Sjóvá birtu uppgjör fyrir 2. ársfjórðung.
- Lánamál ríkisins luku útboð á ríkisbréfum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
1. apríl 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. mars 2026
Verðbólga jókst úr 5,2% í 5,4% í mars, svo há hefur verðbólga ekki mælst síðan í september 2024. Vísitala launa lækkaði um 0,1% á milli mánaða í febrúar. Í síðustu viku birti Seðlabankinn yfirlýsingu fjármálastöðugleikanefndar ásamt ritinu Fjármálastöðugleiki og fjármálaráðherra lagði fram fjármálaáætlun.
26. mars 2026
Vísitala neysluverðs hækkaði um 0,55% eins og við spáðum og mælist nú 5,4%. Svo mikil hefur verðbólga ekki mælst síðan í september 2024. Hækkun á verðbólgu á milli mánaða skýrist að langmestu leyti af hækkun á eldsneytisverði sem rekja má til átakanna við Persaflóa.
23. mars 2026
Peningastefnunefnd hækkaði vexti um 0,25 prósentustig í síðustu viku. Mun harðari tónn var í yfirlýsingu nefndarinnar en við síðustu ákvörðun í febrúar. Heildarkortavelta heimilanna jókst um 1,5% á milli ára, en kortavelta innanlands dróst saman. Vísitala íbúðaverðs hækkaði lítillega eftir mikla hækkun í janúar.
16. mars 2026
Við spáum því að peningastefnunefnd hækki vexti á miðvikudaginn. Verðbólguhorfur hafa versnað upp á síðkastið sem sést meðal annars í niðurstöðum úr könnun á verðbólguvæntingum heimila og fyrirtækja sem Seðlabankinn birti í síðustu viku. Við hækkuðum einnig verðbólguspá okkar í síðustu viku.
12. mars 2026
Við spáum því að í næstu viku muni peningastefnunefnd Seðlabanka Íslands hækka vexti um 0,25 prósentustig. Verðbólga hefur aukist meira en spár gerðu ráð fyrir og verðbólguvæntingar hafa einnig aukist. Ólga hefur aukist á alþjóðlegum mörkuðum vegnastríðsátaka í Mið-Austurlöndum sem eykur verðbólguþrýsting.
12. mars 2026
Við spáum því að vísitala neysluverðs hækki um 0,55% á milli mánaða í mars. Gangi spáin eftir mun verðbólga hækka úr 5,2% í 5,4%. Hærra eldsneytisverð, sem rekja má til átakanna í Mið-Austurlöndum, skýrir að stærstum hluta þá hækkun verðbólgu á milli mánaða sem við spáum. Óljóst er hversu lengi átökin munu standa yfir og hversu langvinn áhrifin á verðbólgu hér á landi verða. Mikið er undir verðbólgumælingum næstu mánaða en forsendur í kjarasamingum á almennum vinnumarkaði byggja á að verðbólga mælist undir 4,7% í ágúst, eða að hún mælist að meðaltali undir 4,4% sex mánuði þar á undan. Auknar líkur eru á því að þær forsendur haldi ekki.
9. mars 2026
Verulegur halli mældist á viðskiptum við útlönd í fyrra. Erlend staða þjóðarbúsins versnaði á síðasta ári, en er engu að síðar mjög sterk. Krónan veiktist á móti evru í fyrra, en styrktist á móti bandaríkjadal. Sterk staða útflutningsgreina gæti stutt við krónuna á þessu ári þó órói á alþjóðasviðinu auki óvissuna.
9. mars 2026
Talsvert minni halli var á viðskiptum við útlönd á fyrsta ársfjórðungi ársins en á sama fjórðungi árið áður. Í vikunni fáum við ferðamannatölur og skráð atvinnuleysi.
6. mars 2026
Atvinnuleysi mjakast upp, störfum er hætt að fjölga og minni eftirspurn er eftir vinnuafli en áður. Aukið atvinnuleysi síðustu mánuði má þó nánast eingöngu rekja til erlends vinnuafls. Atvinnuleysi hefur lítið breyst meðal Íslendinga og er lítið í alþjóðlegum samanburði. Þrátt fyrir kólnun á vinnumarkaði hefur kaupmáttur launa aukist og einkaneysla haldist sterk, en það hefur stutt við eftirspurn og viðhaldið verðbólguþrýstingi.