Vikubyrjun 13. apríl 2026
Erlendum ferðamönnum fjölgaði um 1,6% á milli ára í mars. Utanlandsferðum Íslendinga hefur fækkað á milli ára alla mánuði ársins. Skráð atvinnuleysi minnkaði um 0,1 prósentustig á milli mánaða og mælist nú 4,8% í mars. Verðbólga í Bandaríkjunum jókst úr 2,4% í 3,3% í mars.
13. apríl 2026
Vikan framundan
- Á fimmtudag birta Íslandsbanki og Ölgerðin uppgjör.
- Á föstudag birtir Seðlabankinn greiðslumiðlun í mars.
Mynd vikunnar
Samkvæmt bráðabirgðatölum Hagstofunnar um vöruviðskipti í mars nam halli á vöruviðskiptum á fyrstu þremur mánuðum ársins aðeins um 47 mö. kr. Til samanburðar var hallinn um 109 ma. kr. á sama tíma í fyrra. Útflutningsverðmæti stóðu í stað á milli ára en innflutningsverðmæti drógust saman um 27% á fyrsta fjórðungi ársins. Minni innflutningsverðmæti má að mestu rekja til minni innflutnings á fólksbílum í byrjun árs en einnig til minni innflutnings á fjárfestingarvörum í janúar og febrúar. Heildar útflutningsverðmæti stóðu í stað á milli ára, nokkur vöxtur mældist í útflutningi sjávarafurða og fiskeldis en á móti var mikill samdráttur í útflutningsverðmætum af áli, lyfjum og lækningavörum.
Það helsta frá vikunni sem leið
- Um 155 þúsund erlendir ferðamenn fóru um Keflavíkurflugvöll í mars, 1,6% fleiri en í mars í fyrra. Á sama tíma fóru tæplega 56 þúsund Íslendingar til útlanda sem er 3,6% fækkun á milli ára. Utanlandsferðum Íslendinga hafa farið fækkandi alla mánuði ársins. Minna flugframboð um Keflavíkurflugvöll virðist hafa lítil áhrif á komu ferðamanna til landsins, en kemur frekar fram sem samdráttur í tengifarþegum og færri utanlandsferðum Íslendinga.
- Skráð atvinnuleysi var 4,8% í mars og minnkar um 0,1 prósentustig á milli mánaða. Skráð atvinnuleysi mælist nú 0,6 prósentustigum hærra en í mars í fyrra. Þrjár hópuppsagnir voru tilkynntar í mars þar sem 90 manns var sagt upp.
- Ríkisstjórnin samþykkti tímabundnar efnahagsaðgerðir til að hemja verðbólgu og bregðast við verðhækkunum á olíu. Þær fela m.a. í sér lækkun á virðisaukaskatti á eldsneyti á dælu úr 24% í 11%. Aðgerðirnar taka gildi 1. maí og lýkur 31. ágúst.
- Seðlabanki Íslands hélt ársfund samhliða birtingu ársskýrslu. Seðlabankastjóri, forsætisráðherra og formaður bankaráðs héldu ræðu.
- Verðbólga í Bandaríkjunum jókst úr 2,4% í 3,3% í mars, eða um 0,9 prósentustig. Hækkunin var að miklu leyti orkudrifin (olía/bensín). Mælingin var í takt við væntingar.
- Arion banki lagði inn beiðni um lækkun á hlutafé. Icelandair birti flutningstölur. Íslandsbanki og Reitir tilkynntu um endurkaupaáætlanir. Útgerðarfélag Reykjavíkur birti samstæðureikning fyrir 2025.
- Arion banki lauk sölu á sértryggðum skuldabréfum ásamt skiptiútboði. Lánasjóður sveitarfélaga, Útgerðarfélag Reykjavíkur og Lánamál ríkisins luku sölu á skuldabréfum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
1. apríl 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. mars 2026
Verðbólga jókst úr 5,2% í 5,4% í mars, svo há hefur verðbólga ekki mælst síðan í september 2024. Vísitala launa lækkaði um 0,1% á milli mánaða í febrúar. Í síðustu viku birti Seðlabankinn yfirlýsingu fjármálastöðugleikanefndar ásamt ritinu Fjármálastöðugleiki og fjármálaráðherra lagði fram fjármálaáætlun.
26. mars 2026
Vísitala neysluverðs hækkaði um 0,55% eins og við spáðum og mælist nú 5,4%. Svo mikil hefur verðbólga ekki mælst síðan í september 2024. Hækkun á verðbólgu á milli mánaða skýrist að langmestu leyti af hækkun á eldsneytisverði sem rekja má til átakanna við Persaflóa.
23. mars 2026
Peningastefnunefnd hækkaði vexti um 0,25 prósentustig í síðustu viku. Mun harðari tónn var í yfirlýsingu nefndarinnar en við síðustu ákvörðun í febrúar. Heildarkortavelta heimilanna jókst um 1,5% á milli ára, en kortavelta innanlands dróst saman. Vísitala íbúðaverðs hækkaði lítillega eftir mikla hækkun í janúar.
16. mars 2026
Við spáum því að peningastefnunefnd hækki vexti á miðvikudaginn. Verðbólguhorfur hafa versnað upp á síðkastið sem sést meðal annars í niðurstöðum úr könnun á verðbólguvæntingum heimila og fyrirtækja sem Seðlabankinn birti í síðustu viku. Við hækkuðum einnig verðbólguspá okkar í síðustu viku.
12. mars 2026
Við spáum því að í næstu viku muni peningastefnunefnd Seðlabanka Íslands hækka vexti um 0,25 prósentustig. Verðbólga hefur aukist meira en spár gerðu ráð fyrir og verðbólguvæntingar hafa einnig aukist. Ólga hefur aukist á alþjóðlegum mörkuðum vegnastríðsátaka í Mið-Austurlöndum sem eykur verðbólguþrýsting.
12. mars 2026
Við spáum því að vísitala neysluverðs hækki um 0,55% á milli mánaða í mars. Gangi spáin eftir mun verðbólga hækka úr 5,2% í 5,4%. Hærra eldsneytisverð, sem rekja má til átakanna í Mið-Austurlöndum, skýrir að stærstum hluta þá hækkun verðbólgu á milli mánaða sem við spáum. Óljóst er hversu lengi átökin munu standa yfir og hversu langvinn áhrifin á verðbólgu hér á landi verða. Mikið er undir verðbólgumælingum næstu mánaða en forsendur í kjarasamingum á almennum vinnumarkaði byggja á að verðbólga mælist undir 4,7% í ágúst, eða að hún mælist að meðaltali undir 4,4% sex mánuði þar á undan. Auknar líkur eru á því að þær forsendur haldi ekki.
9. mars 2026
Verulegur halli mældist á viðskiptum við útlönd í fyrra. Erlend staða þjóðarbúsins versnaði á síðasta ári, en er engu að síðar mjög sterk. Krónan veiktist á móti evru í fyrra, en styrktist á móti bandaríkjadal. Sterk staða útflutningsgreina gæti stutt við krónuna á þessu ári þó órói á alþjóðasviðinu auki óvissuna.
9. mars 2026
Talsvert minni halli var á viðskiptum við útlönd á fyrsta ársfjórðungi ársins en á sama fjórðungi árið áður. Í vikunni fáum við ferðamannatölur og skráð atvinnuleysi.
6. mars 2026
Atvinnuleysi mjakast upp, störfum er hætt að fjölga og minni eftirspurn er eftir vinnuafli en áður. Aukið atvinnuleysi síðustu mánuði má þó nánast eingöngu rekja til erlends vinnuafls. Atvinnuleysi hefur lítið breyst meðal Íslendinga og er lítið í alþjóðlegum samanburði. Þrátt fyrir kólnun á vinnumarkaði hefur kaupmáttur launa aukist og einkaneysla haldist sterk, en það hefur stutt við eftirspurn og viðhaldið verðbólguþrýstingi.