21. september 2026
Vikan framundan
- Á morgun birtir Hagstofan vísitölu launa í ágúst.
- Á miðvikudag birtir Seðlabankinn Fjármálastöðugleika ásamt yfirlýsingu fjármálastöðugleikanefndar.
Mynd vikunnar
Samkvæmt talningu HMS sem fór fram fyrr í mánuðinum á fullbúnum íbúðum, eru nú um 1.850 íbúðir sem hafa klárast en ekki verið teknar í notkun. Þetta kemur fram í nýrri mánaðarskýrslu HMS. Til samanburðar voru um 600 fullbúnar íbúðir sem höfðu ekki verið teknar í notkun í september talningu HMS fyrir tveimur árum. Á fyrstu átta mánuðum ársins voru að meðaltali seldar ríflega 100 nýjar fullbúnar íbúðir á mánuði, þannig að með þessum söluhraða má ætla að það tæki rúmlega 17 mánuði að selja þennan lager.
Það helsta frá vikunni sem leið
- Vísitala íbúðaverðs hækkaði þriðja mánuðinn í röð um 0,09% á milli mánaða. Ársbreyting vísitölunnar mælist nú 2,3%. Vísitala leiguverðs lækkaði um 0,15% á milli mánaða í ágúst, ársbreyting vísitölunnar er nú 4,2%.
- Greiðslukortavelta heimilanna dróst saman um 1,2% á milli ára, að teknu tilliti til verðlags og gengis. Þetta er mesti samdráttur síðan í október 2023. Kortavelta Íslendinga erlendis jókst um 3,8%, sem er minnsti vöxtur síðan í apríl 2024 en kortavelta Íslendinga innanlands dróst saman um 2,6%.
- Í síðust viku fóru fram verðmælingar fyrir vísitölu neysluverðs í september. Við spáum að vísitalan hækki um 0,23% á milli mánaða og að verðbólga hækki úr 5,6% í 5,8%.
- Seðlabanki Bandaríkjanna hækkaði vexti um 0,25 prósentustig, vextir bankans hækka því úr 3,5-3,75% upp í 3,75-4%. Þetta er í fyrsta skipti í þrjú ár þar sem vextir bankans eru hækkaðir, en ákvörðunin var í takt við væntingar.
- Verðbólga í Bretlandi hækkaði úr 2,9% í 3,1% í ágúst. Peningastefnunefnd Englandsbanka hélt vöxtum óbreyttum, en þrír af níu nefndarmenn vildu hækka vexti um 0,25 prósentustig. Bæði verðbólgutalan og vaxtaákvörðunin var í samræmi við væntingar.
- Lánamál ríkisins lauk sölu á ríkisvíxlum og ríkisbréfum. Alma íbúðafélag, Brim og Lánasjóður sveitarfélaga seldu skuldabréf. Festi seldi víxla. Íslandsbanki seldi skuldabréf í íslenskum krónum sem telja til eiginfjárþáttar 2.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
18. sept. 2026
Kortavelta Íslendinga, að teknu tilliti til verðlags og gengis, dróst saman í ágúst og samdrátturinn hefur ekki mælst meiri síðan á síðari hluta árs 2023. Innanlands eyddu Íslendingar minna en á sama tíma í fyrra og vöxturinn í neyslu erlendis var minni en á síðustu mánuðum.
17. sept. 2026
Við spáum því að vísitala neysluverðs hækki um 0,23% í september og að ársverðbólga aukist úr 5,6% í 5,8%. Eldsneytisverð hækkaði skarpt um mánaðamótin þegar tímabundin lækkun virðisaukaskatts féll úr gildi. Á móti kemur að flugfargjöld til útlanda lækka í takt við árstíðasveiflu. Hærri komugjöld á heilsugæslu og gjöld vegna skimunar munu svo einnig hafa áhrif í mánuðinum.
14. sept. 2026
Fjöldi erlendra ferðamanna sem komu til landsins í ágúst stóð nánast í stað á milli ára, en utanlandsferðum Íslendinga fækkaði um 10% á sama tíma. Í síðustu viku birti fjármálaráðherra fjárlagafrumvarp fyrir næsta ár. Í vikunni fáum við vísitölu íbúðaverðs og gögn um kortaveltu í ágúst.
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.
7. sept. 2026
Hagkerfið dróst saman um 1,1% á milli ára á öðrum ársfjórðungi. Samkvæmt fundargerð peningastefnunefndar ræddi nefndin að hækka vexti um 0,25 prósentustig eða halda þeim óbreyttum á fundi sínum í ágúst.
1. sept. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. ágúst 2026
Landsframleiðsla dróst saman um 1,1% á milli ára á öðrum ársfjórðungi. Samdráttur í vöruútflutningi, sér í lagi áli og sjávarafurðum skýrir samdráttinn að mestu. Minni vöxtur var í einkaneyslu. Fjárfesting, önnur en atvinnuvega, dróst saman.
31. ágúst 2026
Verðbólga mældist 5,6% í ágúst. Samkvæmt VSK-skýrslum jókst velta í helstu útflutningsgreinum í maí og júní, að ferðaþjónustu undanskilinni. Mörg félög í kauphöllinni birtu uppgjör í síðustu viku. Í dag birtir Hagstofan þjóðhagsreikninga fyrir annan ársfjórðung.
27. ágúst 2026
Vísitala neysluverðs hækkaði um 0,20% á milli mánaða í ágúst og verðbólga hækkar því úr 5,3% í 5,6%. Við spáðum 5,5% verðbólgu í ágúst. Áhrif sólmyrkvans á verðmælingar í mánuðinum voru hóflegri en við höfðum spáð. Verðhækkanir í mánuðinum voru því á breiðari grunni en við gerðum ráð fyrir í spánni. Það er óheppileg þróun, haldi hún áfram.
26. ágúst 2026
Velta í flestum útflutningsreinum jókst í maí og júní að ferðaþjónustu undanskilinni, samkvæmt nýjum VSK-skýrslum. Aukna veltu útflutningsgreina má að miklu leyti rekja til hagfelldrar þróunar á heimsmarkaðsverði frekar en meiri framleiðslu. Á sama tíma sjást merki um kólnun í innlenda hagkerfinu, einkum í greinum sem reiða sig meira á innlenda eftirspurn.