Vikubyrjun 21. júlí 2025
Í júní dró úr árshækkun bæði vísitölu íbúðaverðs og leiguverðs. Ró virðist hafa færst yfir húsnæðismarkaðinn og HMS fjallaði um það í síðustu viku að markaðurinn væri frekar á valdi kaupenda en seljenda. Á fimmtudag birtir Hagstofan verðbólgutölur en við spáum því að verðbólga hjaðni úr 4,2% í 4,0%.
21. júlí 2025
Vikan framundan
- Á miðvikudag birtir Hagstofan vísitölu launa.
- Á fimmtudag birtir Hagstofan verðbólgutölur fyrir júlí. Við spáum að verðbólgan hjaðni úr 4,2% í 4,0%. Sama dag tilkynnir Seðlabanki Evrópu um vaxtaákvörðun.
Mynd vikunnar
Þótt dregið hafi úr árshækkun vísitölu íbúðaverðs er hún enn þó nokkuð umfram hækkun á almennu verðlagi. Frá byrjun árs 2020 hefur raunhækkun vísitölu íbúðaverðs verið rétt yfir 5% á ársgrundvelli. Mest var hækkunin á árunum 2021 og 2022. Raunverðið lækkaði svo um skamma hríð árið 2023 en hóf að hækka aftur 2024. Raunverðshækkunin fór þá hæst í 7,7% í nóvember 2024, en hefur síðan lækkað niður í 1,5%
Það helsta frá vikunni sem leið
- Vísitala íbúðaverðs hækkaði um 0,4% á milli mánaða og árshækkun vísitölunnar fór úr 5,7% niður í 4,7%. Að þessu sinni var það sérbýli á höfuðborgarsvæðinu sem hækkaði mest, eða um 2,3%. Vísitala leiguverðs lækkaði um 0,41% á milli mánaða og árshækkun hennar fór úr 8,8% í 5,8%.
- HMS birti mánaðarskýrslu.
- Í vikunni birti Seðlabankinn talnaefni um greiðslukortaveltu. Greiðslukortavelta íslenskra heimila jókst um 3,1% á milli ára í júní, að teknu tilliti við verðlags og gengis. Staða íslenskra heimila virðist því enn sterk og háir vextir koma ennþá ekki í veg fyrir aukna neyslu. Innanlands dróst veltan þó saman um 0,3% á milli ára eftir að hafa aukist samfellt frá október 2023. Veltan erlendis hélt áfram að aukast, nú um 14,6%. Greiðslukortajöfnuður, þ.e. velta erlendra greiðslukorta hér á landi að frádreginni veltu innlendra greiðslukorta erlendis, var jákvæður um 5,6 ma.kr. sem er aðeins meiri afgangur en í júní í fyrra.
- Hagstofan birti samantekt á tekjum einstaklinga upp úr skattskýrslum fyrir 2024. Meðaltekjur í fyrra voru 830 þúsund krónur á mánuði og jukust um 0,8% að raunvirði.
- Verðbólga í Bandaríkjunum jókst umfram væntingar í júní, eða úr 2,4% í 2,7%. Aukin verðbólga var drifin áfram af hærra matvælaverði og er að einhverju leyti talin afleiðing aukinna tolla á innflutning. Verðbólga í Bretlandi jókst einnig umfram væntingar, eða úr 3,4% í 3,6%. Auk hærra matvælaverðs skýrist aukin verðbólga í Bretlandi af hækkunum á bensíni, flugfargjöldum og lestarmiðum.
- Icelandair (kynning), Landsbankinn, Sjóvá og Skagi birtu uppgjör. Arion banki og Festi birtu afkomuviðvaranir. Samkeppniseftirlitið samþykkti samruna Orkunnar og Samkaupa og fór uppgjörið fram í kjölfar þess.
- Lánamál ríkisins héldu víxlaútboð og útboð á ríkisbréfum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
26. júní 2026
Vísitala neysluverðs hækkaði um 0,94% á milli mánaða og verðbólga hækkar því úr 5,1% í 5,2%. Við spáðum því að verðbólga myndi standa í stað. Hækkun á flugfargjöldum hafði mest áhrif til hækkunar á milli mánaða og skýrir sífellt stærri hluta ársverðbólgunnar. Vísbendingar um kólnun í hagkerfinu og minni eftirspurn verða sífellt skýrari.
22. júní 2026
Í vikunni fáum við verðbólgutölur fyrir júnímánuð, en við spáum því að verðbólga mælist 5,1% og standi í stað á milli mánaða. Í liðinni viku komu nýjar kortaveltutölur frá Seðlabankanum sem sýna að það hægir á vexti neyslunnar, en þó eru ekki merki um snöggkólnun líkt og fyrri gögn, sem nú hafa verið leiðrétt, höfðu bent til.
18. júní 2026
Vísitala íbúðaverðs lækkaði um 0,4% á milli mánaða í maí. Árshækkun vísitölunnar mælist nú 2,2% og er talsvert lægri en hækkanir á almennu verðlagi. Raunverð íbúða hefur því lækkað um 2,4% á milli ára og maí er sjötti mánuðurinn í röð þar sem raunverð lækkar á þann mælikvarða. Velta á íbúðamarkaði hefur jafnframt verið talsvert minni það sem af er ári en á sama tímabili í fyrra.
16. júní 2026
Kortavelta íslenskra heimila stóð nokkurn veginn í stað á milli ára í maí, að teknu tillit til verðlags og gengis. Tölur fyrir apríl voru jafnframt leiðréttar upp á við en þær höfðu sýnt töluverðan samdrátt. Gömlu apríltölurnar voru birtar daginn fyrir ákvörðun peningastefnunefndar og hafa mögulega haft áhrif á ákvörðunina. Uppfærðar tölur benda til þess að áfram hægi á vexti einkaneyslu, en ekki til snöggkólnunar eins og apríltölurnar gáfu til kynna.
15. júní 2026
Erlendum ferðamönnum fjölgaði í maí þrátt fyrir minna flugframboð en utanlandsferðir Íslendinga eru færri. Skráð atvinnuleysi mældist 4,2% í maí.
12. júní 2026
Fjölgun sumarhúsa hér á landi hefur haldist nokkuð stöðug síðasta áratug, en rúmlega helmingur sumarhúsa landsins er staðsettur á Suðurlandi. Kaupsamningum hefur fækkað lítillega frá því í fyrra og verðhækkanir hafa verið hóflegar.
11. júní 2026
Við spáum því að verðbólga standi í stað í júní og mælist aftur 5,1%. Ferðaþjónustutengdir liðir hækka alla jafna í júní og mun verð á flugfargjöldum til útlanda hafa mest áhrif til hækkunar, gangi spáin eftir. Við gerum einnig ráð fyrir hækkun á hótelum og veitingastöðum í júnímælingunni. Við gerum ráð fyrir að verðbólga aukist næstu mánuði og teljum nánast öruggt að forsendur kjarasamninga bresti í ágúst.
8. júní 2026
Á fyrsta ársfjórðungi mældist minni halli á viðskiptum við útlönd en á sama tíma í fyrra. Í síðustu viku birti HMS fasteignamat fyrir 2027, en fasteignamat lækkaði að raunvirði á milli ára.
1. júní 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. júní 2026
Samkvæmt fyrsta mati Hagstofunnar mældist 2,7% hagvöxtur á fyrsta ársfjórðungi. Vísitala neysluverðs hækkaði um 0,07% á milli mánaða og verðbólga lækkaði því úr 5,2% í 5,1%.