Vikubyrjun 20. apríl
Alls voru 38.600 einstaklingar á atvinnuleysisskrá í lok mars, þar af 14.200 á almennum atvinnuleysisbótum og 24.400 í minnkuðu starfshlutfalli. Samtals reiknast atvinnuleysi í mars 9,2%, þar af 5,7% vegna almennra umsókna og 3,5% vegna minnkaðs starfshlutfalls Vinnumálastofnun býst við að atvinnuleysi fari upp í 16,9% í apríl en lækki síðan í maí.
20. apríl 2020
Vikan framundan
- Í dag birtir Marel uppgjör fyrir 1. ársfjórðungi.
- Á þriðjudag birtir Þjóðskrá vísitölu íbúðaverðs.
- Á miðvikudag birtir Hagstofan launavístölu fyrir mars og Ferðamálastofa mánaðarlega skýrslu sína Ferðaþjónustan í tölum.
Myndir vikunnar
Alls voru 38.600 einstaklingar á atvinnuleysisskrá í lok mars, þar af 14.200 á almennum atvinnuleysisbótum og 24.400 í minnkuðu starfshlutfalli. Samtals reiknast atvinnuleysi í mars 9,2%, þar af 5,7% vegna almennra umsókna og 3,5% vegna minnkaðs starfshlutfalls. Vinnumálastofnun býst við að atvinnuleysi fari upp í 16,9% í apríl en lækki síðan í maí. Gangi það eftir verður þetta hæsta skráða atvinnuleysi sem mælst hefur hér á landi, en atvinnuleysi fór hæst í 9,3% snemma árs 2010. Þetta er þó ekki að öllu leyti sambærilegt þar sem stór hluti þess fólks sem skráð er atvinnulaust nú heldur enn starfi sínu og ekki er fyrirliggjandi að það verði raunverulega atvinnulaust.
Það helsta frá vikunni sem leið
- Skráð atvinnuleysi var 9,2% í mars.
- Útbreiðsla Covid-19 virðist hafa töluverð áhrif á neysluvenjur Íslendinga.
- Alþjóðagjaldeyrissjóðurinn (AGS) birti efnahagsspá fyrir þetta og næsta ár.
- Þjóðskrá birti talnaefni um veltu á fasteignamarkaði á höfuðborgarsvæðinu og utan þess.
- Icelandair tilkynnti til kauphallarinnar að félagið er að undirbúa hlutafjárútboð.
- Hagstofan birti tölur um fiskafla í mars og útflutningsverðmæti sjávarafurða fram að páskum.
- Lánamál ríkisins birtu Markaðsupplýsingar í apríl.
- Lánasjóður sveitarfélaga lauk skuldabréfaútboði og Lánamál ríkisins luku útboði ríkisbréfa.
Hagtölur og markaðsupplýsingar
Þú gætir einnig haft áhuga á
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.