2. júní 2025
Vikan framundan
- Á morgun verða birtar verðbólgutölur á evrusvæðinu.
- Á miðvikudag birtir Seðlabankinn fundargerð peningastefnunefndar vegna síðustu vaxtaákvörðunar.
- Á fimmtudag birtir Seðlabankinn greiðslujöfnuð við útlönd, erlenda stöðu þjóðarbúsins og erlendar skuldir á fyrsta ársfjórðungi. Þá tilkynnir Seðlabanki Evrópu um vaxtaákvörðun.
- Á föstudaginn verða birtar atvinnuleysistölur í Bandaríkjunum.
Mynd vikunnar: Landsframleiðsla á mann jókst um 1,2% á fyrsta fjórðungi
Landsframleiðsla í heild jókst um 2,6% á milli ára á fyrsta fjórðungi þessa árs. Á sama tíma fjölgaði landsmönnum um 1,4% og landsframleiðsla á mann jókst því um 1,2%. Hagvöxtur á mann segir til um hversu mikið er framleitt í hagkerfinu að meðaltali fyrir hvern landsmann. Hagvöxtur á mann gefur mun skýrari mynd af þróun lífskjara heldur en hagvöxtur í heild. Viðsnúningurinn í hagkerfinu í kjölfar faraldursins var nógu kröftugur til þess að skila sér í bæði hagvexti í heild og hagvexti á mann. Undir lok árs 2023 hægði skarpt á hagkerfinu á sama tíma og landsmönnum hélt áfram að fjölga. Landsframleiðsla á mann tók því að dragast saman mun meira en heildarlandsframleiðslan. Árið 2024 varð 0,7% samdráttur í hagkerfinu, þrátt fyrir að landsmönnum hafi fjölgað um 1,8% á milli ára. Samdráttur á mann nam því 2,5%.
Það helsta frá vikunni sem leið
- Hagstofan áætlar að hagvöxtur hafi verið 2,6% á fyrsta fjórðungi ársins. Hagvöxturinn skýrist fyrst og fremst af 18% aukningu í fjárfestingu, einkum vegna atvinnuvegafjárfestingar tengdri uppbyggingu gagnavera. Einkaneysla jókst um 2,3% á milli ára. Þrátt fyrir að útflutningur hafi aukist um 4,4% var framlag utanríkisviðskipta neikvætt um 2,1%, enda jókst innflutningur um 13,5%. Heildarendurskoðun á þjóðhagsreikningum aftur í tímann leiddi í ljós 0,7% samdrátt árið 2024, en áður taldi Hagstofan að hagkerfið hefði vaxið um 0,5% í fyrra.
- Verðbólga mældist 3,8% í maí og er aftur komin niður fyrir efri vikmörk verðbólgumarkmiðs SÍ, eftir að hafa mælst 4,2% í apríl. Flugfargjöld til útlanda lækkuðu verulega, póst- og símaþjónusta hækkaði óvænt í verði og framlag innfluttra vara minnkaði, sérstaklega bíla, húsgagna og heimilisbúnaðar. Við spáum því að verðbólga fari lægst í 3,6% í júlí, en hækki síðan aftur upp í 3,8% í ágúst.
- Halli á vöru- og þjónustujöfnuði nam 65,5 milljörðum króna á fyrsta fjórðungi, samkvæmt bráðabirgðatölum Hagstofu Íslands. Hallinn var talsvert meiri en á sama tímabili í fyrra þegar hann nam 36,1 milljarði. Þjónustujöfnuður var jákvæður um 19,7 milljarða en vöruviðskiptajöfnuður neikvæður um 85,3 milljarða.
- Gistinóttum á öllum tegundum skráðra gististaða fjölgaði um 11,6% á milli ára í apríl, þar af um 11,3% á hótelum. Hagstofan vinnur enn að endurskoðun á flokkun gistinótta eftir þjóðerni og birtir því ekki skiptingu á milli Íslendinga og erlendra ferðamanna að sinni.
- Hagar, Orkuveita Reykjavíkur, Iceland Seafood, Brim, Ísfélagið og Hampiðjan birtu uppgjör.
- Kaldalón, Útgerðarfélag Reykjavíkur og Síminn héldu útgáfu á víxlum. Ríkissjóður keypti eigin skuldabréf í evrum, Arion banki gaf út græn skuldabréf í norskum og sænskum krónum og víkjandi skuldabréf í íslenskum krónum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
12. mars 2026
Við spáum því að í næstu viku muni peningastefnunefnd Seðlabanka Íslands hækka vexti um 0,25 prósentustig. Verðbólga hefur aukist meira en spár gerðu ráð fyrir og verðbólguvæntingar hafa einnig aukist. Ólga hefur aukist á alþjóðlegum mörkuðum vegnastríðsátaka í Mið-Austurlöndum sem eykur verðbólguþrýsting.
12. mars 2026
Við spáum því að vísitala neysluverðs hækki um 0,55% á milli mánaða í mars. Gangi spáin eftir mun verðbólga hækka úr 5,2% í 5,4%. Hærra eldsneytisverð, sem rekja má til átakanna í Mið-Austurlöndum, skýrir að stærstum hluta þá hækkun verðbólgu á milli mánaða sem við spáum. Óljóst er hversu lengi átökin munu standa yfir og hversu langvinn áhrifin á verðbólgu hér á landi verða. Mikið er undir verðbólgumælingum næstu mánaða en forsendur í kjarasamingum á almennum vinnumarkaði byggja á að verðbólga mælist undir 4,7% í ágúst, eða að hún mælist að meðaltali undir 4,4% sex mánuði þar á undan. Auknar líkur eru á því að þær forsendur haldi ekki.
9. mars 2026
Verulegur halli mældist á viðskiptum við útlönd í fyrra. Erlend staða þjóðarbúsins versnaði á síðasta ári, en er engu að síðar mjög sterk. Krónan veiktist á móti evru í fyrra, en styrktist á móti bandaríkjadal. Sterk staða útflutningsgreina gæti stutt við krónuna á þessu ári þó órói á alþjóðasviðinu auki óvissuna.
9. mars 2026
Talsvert minni halli var á viðskiptum við útlönd á fyrsta ársfjórðungi ársins en á sama fjórðungi árið áður. Í vikunni fáum við ferðamannatölur og skráð atvinnuleysi.
6. mars 2026
Atvinnuleysi mjakast upp, störfum er hætt að fjölga og minni eftirspurn er eftir vinnuafli en áður. Aukið atvinnuleysi síðustu mánuði má þó nánast eingöngu rekja til erlends vinnuafls. Atvinnuleysi hefur lítið breyst meðal Íslendinga og er lítið í alþjóðlegum samanburði. Þrátt fyrir kólnun á vinnumarkaði hefur kaupmáttur launa aukist og einkaneysla haldist sterk, en það hefur stutt við eftirspurn og viðhaldið verðbólguþrýstingi.
2. mars 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. mars 2026
Samkvæmt bráðabirgðatölum Hagstofunnar var hagvöxtur á síðasta ári 1,3%, en 0,6% samdráttur mældist á fjórða ársfjórðungi. Verðbólga hélst óbreytt á milli mánaða í febrúar og mælist 5,2%. Velta skv. VSK-skýrslum dróst saman á tímabilinu nóv-des í öllum þremur stóru útflutningsgeirunum.
27. feb. 2026
Landsframleiðsla jókst um 1,3% á milli ára að raunvirði í fyrra, en dróst saman um 0,6% á fjórða ársfjórðungi. Einkaneysla var mjög sterk bæði á árinu í heild og á fjórða ársfjórðungi. Fjármunamyndun og innflutningur litaðist af uppbyggingu á gagnaverum, sem var þó nokkur á fyrri hluta árs, en minnkaði á þriðja ársfjórðungi og var lítil á þeim fjórða.
26. feb. 2026
Verðbólga stóð í stað í febrúar og mælist áfram 5,2%. Vísitala neysluverðs hækkaði töluvert meira í febrúar en við spáðum. Mesta frávik frá okkar spá er vegna flugfargjalda til útlanda sem hækkuðu töluvert, en flestir liðir hækkuðu aðeins meira en við spáðum. Reiknuð húsaleiga hækkaði þó minna og Hagstofan leiðrétti verðmælingar á eldsneyti í janúar sem kemur til lækkunar nú, en hefði átt að þýða minni verðbólga í janúar.
24. feb. 2026
Hækkun vísitölu íbúðaverðs á milli mánaða í janúar hefur ekki verið meiri síðan í byrjun árs 2024. Á síðustu mánuðum hefur þó dregið talsvert úr verðhækkunum á íbúðamarkaði og raunverð hefur lækkað á milli ára þrjá mánuði í röð. Við gerum ráð fyrir raunverðslækkunum á milli ára á allra næstu mánuðum, þó nafnverðslækkanir séu ólíklegri.