Vikubyrjun 14. júlí 2025
Erlendum ferðamönnum fjölgaði um 10,1% á milli ára í júní, en það sem af er ári hafa þeir verið álíka margir og á sama tíma í fyrra. Atvinnuleysi jókst um 0,3 prósentustig á milli ára í júní, sem er svipuð aukning og hefur verið síðustu mánuði. Við birtum verðbólguspá í vikunni og teljum að verðbólga hjaðni úr 4,2% í 4,0%. Í þessari viku birtir HMS vísitölu íbúðaverðs, vísitölu leiguverðs og mánaðarskýrslu.
14. júlí 2025
Vikan framundan
- Á þriðjudag birtir HMS vísitölu íbúðaverðs,
- Á miðvikudag birtir Seðlabankinn gögn um greiðslumiðlun og HMS birtir vísitölu leiguverðs.
- Á fimmtudag birtur HMS mánaðarskýrslu. Icelandair, Landsbankinn, Sjóvá og Skagi birta uppgjör.
Mynd vikunnar
Stjórnendur tæplega 20% fyrirtækja telja vöntun á starfsfólki á íslenskum vinnumarkaði, samkvæmt ársfjórðungslegri könnun Gallup meðal 400 stærstu fyrirtækja. Hlutfallið hefur lækkað smám saman frá árinu 2022 þegar eftirspurn í hagkerfinu var að aukast hratt eftir heimsfaraldurinn. Þá töldu stjórnendur rúmlega helmings fyrirtækja að framboð af vinnuafli væri of lítið. Atvinnuleysi minnkaði hratt eftir faraldurinn og hefur aukist hóflega á síðustu mánuðum.
Það helsta frá vikunni sem leið
- Alls fóru 234 þúsund erlendir farþegar um Keflavíkurflugvöll í júní, 10,1% fleiri en í júní í fyrra. Þriðja mánuðinn í röð fjölgar erlendum ferðamönnum á milli ára. Á fyrstu sex mánuðum ársins voru erlendir ferðamenn 0,8% færri en á sama tímabili í fyrra. Brottfarir Íslendinga um Keflavíkurflugvöll voru 72 þúsund og fjölgaði um 10,4% á milli ára. Júní er sjöundi mánuðurinn í röð sem utanlandsferðum Íslendinga fjölgar á milli ára, en síðast mældist fækkun á milli ára í nóvember í fyrra.
- Í síðustu viku fóru fram verðmælingar fyrir vísitölu neysluverðs. Við spáum því að vísitala neysluverðs hækki um 0,26% á milli mánaða í júlí og að ársverðbólga hjaðni úr 4,2% í 4,0%. Að vanda má búast við að árstíðabundnar hækkanir á flugfargjöldum til útlanda og sumarútsölur á fötum og skóm hafi mest áhrif á vísitöluna í júlí. Við teljum ekki horfur á að verðbólga þokist nær verðbólgumarkmiði á árinu og spáum 4,2% verðbólgu í lok árs.
- Skráð atvinnuleysi mældist 3,4% í júní. Atvinnuleysi minnkaði um 0,3 prósentustig á milli mánaða, en atvinnuleysi minnkar yfirleitt á milli mánaða í júní. Atvinnuleysi var 0,3 prósentustigum meira en í júní í fyrra, en atvinnuleysi hefur verið að aukast um 0,2-0,4 prósentustig á milli ára samfellt síðan í janúar í fyrra.
- Raungengi miðað við hlutfallslegt verðlag hækkaði um 2,9% á milli mánaða í júní og er 8,2% hærra en í júní í fyrra. Það hefur ekki verið hærra síðan í apríl 2018.
- Seðlabankinn sendi greinargerð til ríkisstjórnar vegna þess að verðbólga fór aftur upp fyrir fráviksmörk í júní.
- Icelandair og Play birtu flutningstölur. Alvotech keypti alla starfsemi Ivers-Lee Grou. Hætt var við áform um yfirtöku BBL 212 ehf. á Play hf. og í staðinn gaf Play út breytanlegt skuldabréf. Skagi birti afkomuviðvörun.
- Lánamál ríkisins birtu Markaðsupplýsingar og niðurstöður úr viðbótarútgáfu. Alma íbúðafélag stækkaði skuldabréfaflokkinn AL210926.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
29. apríl 2026
Vísitala neysluverðs hækkaði um 0,81% og lækkar verðbólga við það úr 5,4% í 5,2%. Við höfðum spáð því að verðbólga myndi hækka í 5,5%. Mestu munaði að flugfargjöld hækkuðu nokkuð minna í apríl en við höfðum spáð. Eldsneytisverð hefur áfram mest áhrif til hækkunar á milli mánaða. Mælingin eykur líkur á því að Seðlabankinn taki minna hækkunarskref í maí.
27. apríl 2026
Hátt vaxtastig, ströng lánþegaskilyrði og breytt lánaframboð hafa dregið úr verðhækkunum á íbúðamarkaði. Raunverð íbúða hefur nú lækkað nokkra mánuði í röð og við gerum ráð fyrir að sú þróun haldi áfram. Framboð íbúða til sölu hefur aukist hratt og birgðatími hefur lengst, sérstaklega á nýjum íbúðum.
27. apríl 2026
Árshækkun vísitölu íbúðaverðs mældist 2,6% og vísitölu leiguverðs 6,3% í mars. Velta skv. VSK-skýrslum dróst saman að raunvirði á milli ára á VSK-tímabilinu jan-feb. Á miðvikudag birtir Hagstofan aprílmælingu vísitölu neysluverðs. Við spáum því að verðbólga hækki úr 5,4% í 5,5%.
22. apríl 2026
Velta samkvæmt virðisaukaskattsskýrslum dróst saman um 5% að raunvirði í janúar og febrúar, samkvæmt nýbirtum gögnum Hagstofunnar. Þá sýna nýleg gögn um fjölda starfandi að verulega hefur dregið úr fjölgun starfa sem stóð í stað á milli ára í febrúar.
20. apríl 2026
Kortavelta jókst um 0,8% á milli ára í mars að raunvirði. Eins og síðustu mánuði jókst kortavelta erlendis talsvert en þetta var annar mánuðurinn í röð þar sem kortavelta innanlands dregst saman. Við spáum hægari vexti í einkaneyslu ásamt hóflegum launahækkunum á næstu árum.
20. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð, samkvæmt hagspá sem við birtum fyrir helgi. Við eigum von á hægfara hjöðnun verðbólgu og að stýrivextir haldi áfram að hækka á árinu.
17. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð. Við sjáum merki um slaka á vinnumarkaði með auknu atvinnuleysi og minni eftirspurn fyrirtækja eftir starfsfólki. Hærri stýrivextir munu valda því að sú staða vari lengur en ella.
16. apríl 2026
Við spáum því að vísitala neysluverðs hækki um 1,05% á milli mánaða í apríl. Gangi spáin eftir mun verðbólga hækka úr 5,4% í 5,5%. Hærra eldsneytisverð og hækkun flugfargjalda hafa mest áhrif á hækkun á milli mánaða samkvæmt spánni. Lægri virðisaukaskattur á eldsneyti mun skila tímabundinni lækkun á eldsneytisverði, en áfram er töluverð óvissa um þróun olíuverðs og heildaráhrifa á verðbólgu hér á landi.
13. apríl 2026
Erlendum ferðamönnum fjölgaði um 1,6% á milli ára í mars. Utanlandsferðum Íslendinga hefur fækkað á milli ára alla mánuði ársins. Skráð atvinnuleysi minnkaði um 0,1 prósentustig á milli mánaða og mælist nú 4,8% í mars. Verðbólga í Bandaríkjunum jókst úr 2,4% í 3,3% í mars.
1. apríl 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.