Vikubyrjun 11. ágúst 2025
Í síðustu viku tóku gildi nýir tollar á innflutning til Bandaríkjanna. Nokkrar áhugaverðar hagtölur koma í þessari viku: brottfarir um Keflavíkurflugvöll, skráð atvinnuleysi, væntingakönnun markaðsaðila og greiðslumiðlun. Í vikunni fara fram verðmælingar vegna vísitölu neysluverðs og uppgjörstímabil í Kauphöllinni heldur áfram með sex uppgjörum.
11. ágúst 2025
Vikan framundan
- Í dag birtir Ferðamálastofa gögn um brottfarir um Keflavíkurflugvöll og Vinnumálastofnun birtir skráð atvinnuleysi í júlí.
- Á þriðjudag verða birtar verðbólgutölur í Bandaríkjunum.
- Á miðvikudag birta Alvotech, Eik og Kvika banki uppgjör.
- Á fimmtudag birta Amaroq, Nova og SKEL fjárfestingafélag uppgjör.
- Á föstudag birtir Seðlabankinn greiðslumiðlun og niðurstöður úr væntingarkönnun markaðsaðila.
- Verðmælingar vegna vísitölu neysluverðs í ágúst fara fram í vikunni, en talan verður birt fimmtudaginn 28. ágúst.
Mynd vikunnar
Þótt gjarnan sé talað um nafngengi dags daglega þá er það raungengið sem í raun skiptir máli. Raungengi er nafngengi að teknu tilliti til verðlags á viðskiptasvæðum þeirra gjaldmiðla sem um ræðir. Þannig endurspeglar raungengi krónunnar hversu dýrt það er fyrir erlenda ferðamenn að koma hingað til lands og hversu dýrar innfluttar vörur eru hér á landi. Raungengi íslensku krónunnar hefur hækkað mikið upp á síðkastið og er nú mjög hátt í sögulegu samhengi. Raungengið hefur einungis þrisvar sinnum mælst hærra frá síðustu aldamótum, en í hvert sinn hefur það lækkað nokkuð skarpt í kjölfarið. Ólíklegt er að þetta háa raungengi sé sjálfbært til lengri tíma, en ómögulegt er að segja til um hvenær eða hversu mikið það gefur eftir. Ef raungengið veikist í gegnum veikingu nafngengis er hætta á auknum verðbólguþrýstingi, en á móti myndi veikara gengi styrkja stöðu útflutningsgreinanna.
Það helsta frá vikunni sem leið
- Nýir innflutningstollar á innfluttar vörur tóku gildi í Bandaríkjunum í síðustu viku. Almennt er nú 15% tollur á íslenskan vöruútflutning til Bandaríkjanna en stór hluti varanna er undanþeginn tollum, að minnsta kosti enn sem komið er, svo sem lyf og ýmsar lækningarvörur. Við fjölluðum um undanþágurnar í hagsjá í maí.
- Hallinn á vöruskiptajöfnuði mældist 44,2 ma. kr. í júlí. Hallinn var um 10 ma. kr. meiri en í júlí í fyrra. Vöruinnflutningur var svipaður og í fyrra, en meiri halli á vöruskiptajöfnuði skýrist af minni vöruútflutningi. Útflutningur á áli og álafurðum dróst saman á milli ára og það sama gildir um útflutning á lyfjum og lækningarvörum. Breyting á innflutningi á milli ára skýrist aðallega af auknum innflutningi á fjárfestingarvörum.
- Matsfyrirtækið Fitch breytti horfur um lánshæfi ríkissjóðs úr stöðugum í jákvæðar.
- Peningastefnunefnd Englandsbanka lækkaði vexti um 0,25 prósentur. Það var ekki einhugur í nefndinni, en fjórir af níu nefndarmönnum greiddu atkvæðu með því að halda vöxtum óbreyttum.
- JBT Marel birti uppgjör fyrir 2F og ákvörðun um arðgreiðslu. Play birti uppgjör fyrir 2F og flutningstölur fyrir júlí. Icelandair birti flutningstölur fyrir júlí. Íslandsbanki gekk frá kaupréttaráætlun fyrir starfsfólk.
- Lánasjóður sveitarfélaga hélt skuldabréfaútboð. Lánamál ríkisins hélt útboð ríkisbréfa.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
28. ágúst 2025
Vísitala neysluverðs lækkaði um 0,15% á milli mánaða í ágúst og verðbólga hjaðnaði úr 4,0% í 3,8%. Hjöðnun á milli mánaða kemur ánægjulega á óvart en við spáðum 0,07% hækkun á vísitölunni og óbreyttri verðbólgu. Við gerum nú ráð fyrir að verðbólga verði 3,8% í árslok, að stærstum hluta vegna lægri mælingar nú en við spáðum áður.
25. ágúst 2025
Seðlabanki Íslands hélt stýrivöxtum óbreyttum í 7,50% í síðustu viku og allir nefndarmenn studdu ákvörðunina. Vísitala íbúðaverðs hefur hækkað um 4,2% á síðasta árinu, en í janúar var árshækkunin 10,4%. Í vikunni birtir Hagstofan verðbólgutölur fyrir ágústmánuð og þjóðhagsreikninga fyrir annan ársfjórðung.
22. ágúst 2025
Á síðustu misserum hefur dregið töluvert úr verðhækkunum á íbúðamarkaði. Vísitala íbúðaverðs hefur hækkað um 4,2% á síðustu 12 mánuðum, aðeins örlítið umfram almennt verðlag, og ársbreytingin hefur ekki verið minni frá því í byrjun árs 2024. Þótt kaupsamningar hafi verið færri á fyrstu sjö mánuðum þessa árs en á sama tíma í fyrra er enn talsverð velta á markaðnum.
19. ágúst 2025
Vöruútflutningur frá Íslandi hefur aukist frá því í fyrra en samt hefur vöruskiptahalli aldrei verið meiri en nú. Þetta skýrist af stórauknum vöruinnflutningi, einkum á tölvubúnaði í tengslum við uppbyggingu gagnavera. Ferðaþjónustan hefur skilað auknum tekjum í ár en á móti hefur utanlandsferðum Íslendinga fjölgað og uppsafnaður kortaveltujöfnuður við útlönd var enn neikvæður í lok júlí.
18. ágúst 2025
Við búumst við að peningastefnunefnd Seðlabankans haldi stýrivöxtum óbreyttum á miðvikudag. Auk vaxtaákvörðunarinnar fáum við vísitölu íbúðaverðs í vikunni og nokkur uppgjör. Metfjöldi erlendra ferðamanna fór frá landinu í júlí, atvinnuleysi var óbreytt á milli mánaða og áfram var nokkur kraftur í greiðslukortaveltu heimila.
15. ágúst 2025
Við spáum því að peningastefnunefnd geri hlé á vaxtalækkunarferlinu og haldi stýrivöxtum óbreyttum í næstu viku. Verðbólga jókst umfram væntingar í apríl og verðbólguvæntingar hafa haldist tiltölulega stöðugar. Þá virðist hagkerfið þola vaxtastigið vel, kortavelta hefur aukist sífellt síðustu mánuði og enn er þó nokkur velta á íbúðamarkaði. Peningalegt taumhald losnaði með aukinni verðbólgu í apríl og við teljum ólíklegt að peningastefnunefnd þyki tímabært að lækka raunstýrivexti enn frekar.
14. ágúst 2025
Við spáum því að verðbólga standi í stað í ágúst og mælist 4,0%. Eins og alla jafna í ágústmánuði má búast við að sumarútsölur gangi til baka að hluta. Einnig má gera ráð fyrir lækkandi flugfargjöldum. Næstu mánuði gerum við ráð fyrir að verðbólga aukist lítillega en hjaðni svo undir lok árs, og mælist 4,0% í desember.
13. ágúst 2025
Neysla landsmanna virðist halda áfram að aukast og utanlandsferðir hafa verið þó nokkuð fleiri á þessu ári en á sama tíma í fyrra. Launavísitalan hefur enda hækkað um 8,1% á síðustu tólf mánuðum og kaupmáttur haldið áfram að aukast. Atvinnuleysi hefur haldist nokkuð hóflegt. Það er þó lítillega meira en á sama tíma í fyrra og merki eru um að spenna á vinnumarkaði fari smám saman dvínandi.
5. ágúst 2025
Gistinóttum á landinu fjölgaði alls um 8,4% á milli ára í júní. Verðbólga á evrusvæðinu hélst óbreytt á milli mánaða og Seðlabanki Bandaríkjanna hélt stýrivöxtum óbreyttum.
1. ágúst 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.