Vikubyrjun 18. maí 2026
Í vikunni fram undan er vaxtaákvörðun hjá Seðlabanka Íslands og við spáum 0,25 prósentustiga hækkun. Fjöldi ferðamanna á fyrstu fjórum mánuðum ársins var svipaður og á sama tímabil í fyrra samkvæmt tölum sem birtust í síðustu viku. Utanlandsferðum Íslendinga hefur aftur á móti fækkað töluvert. Atvinnuleysi heldur áfram að aukast á milli ára.
18. maí 2026
Vikan framundan
- Í dag birtir Kaldalón uppgjör.
- Á morgun birtir HMS vísitölu íbúðaverðs og Seðlabankinn birtir tölur um greiðslumiðlun í apríl.
- Á miðvikudag er vaxtaákvörðun hjá Seðlabanka Íslands og við spáum 0,25 prósentustiga hækkun. Samhliða vaxtaákvörðuninni birtir SÍ Peningamál. HMS birtir vísitölu leiguverðs.
- Á fimmtudag birtir HMS mánaðarskýrslu og Síldarvinnslan birtir uppgjör.
- Á föstudag birtir Hagstofan vísitölu launa.
Mynd vikunnar
Seðlabanki Íslands framkvæmir ársfjórðungslega könnun á væntingum markaðsaðila, þar sem meðal annars er spurt um álit á taumhaldi peningastefnunnar. Á milli síðustu tveggja kannanna fjölgaði þeim markaðsaðilum sem telja að taumhald peningastefnunnar sé of laust, þ.e. að núverandi aðhaldsstig dugi ekki til að koma verðbólgu í markmið innan ásættanlegs tíma. Meirihluti svarenda telur taumhaldið áfram of þétt, þó þeim fari fækkandi.
Það helsta frá vikunni sem leið
- Um 149 þúsund erlendir ferðamenn fóru um Keflavíkurflugvöll í apríl, nokkurn veginn jafn margir og í sama mánuði í fyrra. Frá ársbyrjun er fjöldi erlendra ferðamanna einnig nánast sá sami og á sama tímabili í fyrra. Minna flugframboð um Keflavíkurflugvöll virðist því áfram hafa lítil áhrif á komur ferðamanna til landsins, en kemur frekar fram sem samdráttur í tengifarþegum og færri utanlandsferðum Íslendinga. Ferðamálastofa birti einnig samantekt úr landamærakönnun 2025.
- Skráð atvinnuleysi var 4,6% í apríl, 0,7 prósentustigum meira en í apríl 2025.
- Í fyrri hluta vikunnar fóru fram verðmælingar vegna vísitölu neysluverðs í maí. Við spáum því að vísitalan lækki um 0,13% á milli mánaða og að verðbólga lækki niður í 4,9%.
- Verðbólga í Bandaríkjunum hækkaði upp í 3,8% í apríl og hefur ekki mælst meiri í þrjú ár. Um helming hækkunar verðlags á milli mánaða í apríl má rekja til hækkana á eldsneyti vegna stríðsátakanna við Persaflóa. Ársverðbólga mældist 2,4% í febrúar áður en stríðið hófst og 3,3% í mars.
- Amaroq, Heimar, Kvika, Oculis og Reitir birtu uppgjör. Matvæla- og lyfjaeftirlit Bandaríkjanna lauk reglubundinni úttekt á framleiðsluaðstöðu Alvotech í Reykjavík.
- Landsbankinn hélt úboð á sértryggðum skuldabréfum. Lánamál ríkisins birtu niðurstöðu úr viðbótarútgáfu og Markaðsupplýsingar. Lánasjóður sveitarfélaga hélt skuldabréfaútboð. Reykjastræti stækkaði áður útgefinn skuldabréfaflokk.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
26. júní 2026
Vísitala neysluverðs hækkaði um 0,94% á milli mánaða og verðbólga hækkar því úr 5,1% í 5,2%. Við spáðum því að verðbólga myndi standa í stað. Hækkun á flugfargjöldum hafði mest áhrif til hækkunar á milli mánaða og skýrir sífellt stærri hluta ársverðbólgunnar. Vísbendingar um kólnun í hagkerfinu og minni eftirspurn verða sífellt skýrari.
22. júní 2026
Í vikunni fáum við verðbólgutölur fyrir júnímánuð, en við spáum því að verðbólga mælist 5,1% og standi í stað á milli mánaða. Í liðinni viku komu nýjar kortaveltutölur frá Seðlabankanum sem sýna að það hægir á vexti neyslunnar, en þó eru ekki merki um snöggkólnun líkt og fyrri gögn, sem nú hafa verið leiðrétt, höfðu bent til.
18. júní 2026
Vísitala íbúðaverðs lækkaði um 0,4% á milli mánaða í maí. Árshækkun vísitölunnar mælist nú 2,2% og er talsvert lægri en hækkanir á almennu verðlagi. Raunverð íbúða hefur því lækkað um 2,4% á milli ára og maí er sjötti mánuðurinn í röð þar sem raunverð lækkar á þann mælikvarða. Velta á íbúðamarkaði hefur jafnframt verið talsvert minni það sem af er ári en á sama tímabili í fyrra.
16. júní 2026
Kortavelta íslenskra heimila stóð nokkurn veginn í stað á milli ára í maí, að teknu tillit til verðlags og gengis. Tölur fyrir apríl voru jafnframt leiðréttar upp á við en þær höfðu sýnt töluverðan samdrátt. Gömlu apríltölurnar voru birtar daginn fyrir ákvörðun peningastefnunefndar og hafa mögulega haft áhrif á ákvörðunina. Uppfærðar tölur benda til þess að áfram hægi á vexti einkaneyslu, en ekki til snöggkólnunar eins og apríltölurnar gáfu til kynna.
15. júní 2026
Erlendum ferðamönnum fjölgaði í maí þrátt fyrir minna flugframboð en utanlandsferðir Íslendinga eru færri. Skráð atvinnuleysi mældist 4,2% í maí.
12. júní 2026
Fjölgun sumarhúsa hér á landi hefur haldist nokkuð stöðug síðasta áratug, en rúmlega helmingur sumarhúsa landsins er staðsettur á Suðurlandi. Kaupsamningum hefur fækkað lítillega frá því í fyrra og verðhækkanir hafa verið hóflegar.
11. júní 2026
Við spáum því að verðbólga standi í stað í júní og mælist aftur 5,1%. Ferðaþjónustutengdir liðir hækka alla jafna í júní og mun verð á flugfargjöldum til útlanda hafa mest áhrif til hækkunar, gangi spáin eftir. Við gerum einnig ráð fyrir hækkun á hótelum og veitingastöðum í júnímælingunni. Við gerum ráð fyrir að verðbólga aukist næstu mánuði og teljum nánast öruggt að forsendur kjarasamninga bresti í ágúst.
8. júní 2026
Á fyrsta ársfjórðungi mældist minni halli á viðskiptum við útlönd en á sama tíma í fyrra. Í síðustu viku birti HMS fasteignamat fyrir 2027, en fasteignamat lækkaði að raunvirði á milli ára.
1. júní 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. júní 2026
Samkvæmt fyrsta mati Hagstofunnar mældist 2,7% hagvöxtur á fyrsta ársfjórðungi. Vísitala neysluverðs hækkaði um 0,07% á milli mánaða og verðbólga lækkaði því úr 5,2% í 5,1%.