18. janúar 2021 - Greiningardeild
Vikan framundan
- Á fimmtudag birtir Þjóðskrá vísitölu íbúðaverðs á höfuðborgarsvæðinu.
- Á föstudag birtir Hagstofan launavísitölu og Þjóðskrá vísitölu leiguverðs..
Mynd vikunnar
Heildarvelta innlendra greiðslukorta dróst saman milli áranna 2019 og 2020. Ef við skoðum samsetningu má sjá ýmislegt fróðlegt um breytta neysluhegðun í Covid-19-faraldrinum. Veltan jókst í stórmörkuðum og dagvöruverslunum (+15%) og í raf- og heimilistækjaverslunum (+36%), en dróst saman á veitingastöðum (-11%),í eldsneyti (-13%) og í snyrti- og heilsutengdri þjónustu (-8%). Það ætti ekki að koma á óvart að erlend velta dróst saman um næstum helming (-45%).
Það helsta frá vikunni sem leið
- Við spáðum því að vísitala neysluverðs lækki um 0,42% milli mánaða í janúar og verðbólgan hækki úr 3,6% í 3,9%.
- Þrátt fyrir samkomutakmarkanir og breyttar jólahefðir jókst neysla Íslendinga innanlands milli ára í desember.
- Erlendum ferðamönnum fækkaði um 76% milli ára í fyrra.
- Fjárlög ársins 2021 voru samþykkt með 326 ma.kr. halla.
- Rúmur þriðjungur halla ríkissjóðs á síðasta ári kemur til vegna beinna mótvægisaðgerða vegna Covid-19-faraldursins.
- Fjármála- og efnahagsráðuneytið birti yfirlit yfir stöðu helstu efnahagsaðgerða vegna Covid-19-faraldursins.
- Vinnumálastofnun birti tölur um skráð atvinnuleysi í desember.
- Hagstofan birti tölur um fjölda lausra starf á 4F.
- Á síðustu mánuðum hafa þó nokkrar breytingar átt sér stað á leigumarkaði.
- Hagdeild HMS birti mánaðarskýrslu.
- Seðlabankinn birti yfirlit yfir gjaldeyrismarkaðinn, gengisþróun og gjaldeyrisforðann á síðasta ári.
- Seðlabankinn birti skýrslu peningastefnunefndar til Alþingis um störf nefndarinnar á 2H 2020.
- Seðlabankinn birti yfirlýsingu fjármálaeftirlitsnefndar.
- Hagar birtu uppgjör fyrir 3F (uppgjör, fjárfestakynning), þ.e. tímabilið 1. september - 30. nóvember 2020.
- Sjóvá og VÍS birtu afkomutilkynningu.
- S&P Global Ratings birti lánshæfismat fyrir sértryggð skuldabréf Landsbankans.
- Lánamál ríkisins birtu Markaðsupplýsingar.
- Íslandsbanki birti útgáfuáætlun fyrir árið 2021.
Hagtölur og markaðsupplýsingar
Hagtölur 18. janúar 2021 (PDF)
Innlendar markaðsupplýsingar 18. janúar 2021 (PDF)
Þú gætir einnig haft áhuga á
14. nóv. 2025
Við spáum því að peningastefnunefnd haldi stýrivöxtum óbreyttum í næstu viku. Verðbólga jókst umfram væntingar í október og verðbólgumælingin bar þess merki að undirliggjandi verðþrýstingur hefði aukist. Í ljósi breytts lánaframboðs og óviðbúinna áfalla í útflutningsgeirunum má líkast til búast við mildari tón frá peningastefnunefnd.
13. nóv. 2025
Við spáum því að verðbólga standi óbreytt á milli mánaða og mælist 4,3% í nóvember. Flugfargjöld til útlanda verða til lækkunar á vísitölunni, en reiknuð húsaleiga og matarkarfan verða til hækkunar. Við búumst við aukinni verðbólgu á næstu mánuðum.
10. nóv. 2025
Raungengi krónunnar er mjög hátt í sögulegu samhengi en hefur gefið lítillega eftir á allra síðustu dögum. Horfur í álútflutningi eru dræmar eftir bilun hjá Norðuráli og aflaheimildir gefa fyrirheit um samdrátt í útflutningi sjávarafurða. Ferðaþjónusta hefur vaxið umfram væntingar það sem af er ári og telja má horfur á vexti í nýjustu útflutningsstoðum Íslands. Velta samkvæmt VSK-skýrslum hefur þróast með svipuðum hætti í útflutningsgeiranum og í innlenda hagkerfinu, en ávöxtun hlutabréfa félaga í kauphöllinni með tekjur í erlendri mynt er mun lakari en fyrirtækja með tekjur í íslenskum krónum.
10. nóv. 2025
Fáar áhugaverðar hagtölur voru birtar í síðustu viku, en í þessari viku birtir Vinnumálastofnun skráð atvinnuleysi og Ferðamálastofa birtir ferðamannatölur. Uppgjörstímabilið fyrir þriðja ársfjórðung er í fullum gangi.
6. nóv. 2025
Hátt vaxtastig og ströng lánþegaskilyrði hafa slegið verulega á verðhækkanir á íbúðamarkaði. Á sama tíma hefur fjöldinn allur af nýjum íbúðum risið og sölutími þeirra lengst til muna. Eftir að dómur Hæstaréttar í vaxtamálinu féll hafa viðskiptabankarnir tekið lánaframboð til endurskoðunar og það sama má segja um suma lífeyrissjóðina. Seðlabankinn ákvað í síðustu viku að slaka lítillega á lánþegaskilyrðum.
3. nóv. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. nóv. 2025
Verðbólga jókst umfram væntingar í október og mældist 4,3%. Svo mikil hefur verðbólga ekki verið síðan í febrúar síðastliðnum. Telja má áhyggjuefni að aukin verðbólga skýrist ekki af tilfallandi sveiflukenndum liðum heldur virðist undirliggjandi verðþrýstingur hafa aukist. Í þessari viku halda félög áfram að birta uppgjör og hugsanlega má búast við fleiri púslum í breytta mynd af framboði íbúðalána í kjölfar vaxtamálsins.
31. okt. 2025
Eftirspurn eftir vinnuafli hefur minnkað og dregið hefur úr hækkun launa. Atvinnuleysi hefur aukist smám saman og rólegri taktur í atvinnulífinu hefur endurspeglast í hægari fólksfjölgun. Kaupmáttur hefur aukist jafnt og þétt og við teljum að þótt hægi á launahækkunum komi kaupmáttur til með að aukast áfram á næstu árum. Mikill kraftur er í neyslu landsmanna, kortavelta eykst sífellt og Íslendingar hafa aldrei farið í fleiri utanlandsferðir.
30. okt. 2025
Vísitala neysluverðs hækkaði um 0,47% á milli mánaða í október og verðbólga jókst úr 4,1% í 4,3%. Vísitala neysluverðs hækkaði meira en við bjuggumst við, ekki síst reiknuð húsaleiga og verð á mat og drykk. Skammtímaspá okkar gerir nú ráð fyrir að verðbólga haldist í 4,3% út árið, en aukist svo í janúar og mælist 4,5%.
27. okt. 2025
Íslenska hagkerfið verður í hægum vaxtartakti á næstu árum gangi hagspá sem við birtum í síðustu viku eftir. Á fimmtudag koma verðbólgutölur fyrir október og við eigum von á að verðbólga hækki úr 4,1% í 4,2%.