16. október 2023
Uppgjörstímabilið er byrjað í Kauphöllinni, en Ölgerðin birti í síðustu viku og Hagar, Icelandair og VÍS birta í þessari viku.
Við minnum á kynningu á nýrri hagspá Hagfræðideildar 2023-2026 í Hörpu á þriðjudagsmorgun. Skráning á fundinn er í fullum gangi.
Vikan fram undan
- Í dag birtir Seðlabankinn tölur um greiðslumiðlun.
- Á þriðjudag gefum við út nýja hagspá til ársins 2026. Spáin verður kynnt á opnum fundi í Hörpu á þriðjudagsmorgun kl. 08.30. Á þriðjudag birtir HMS svo vísitölu íbúðaverðs á höfuðborgarsvæðinu.
- Á miðvikudag birtir Seðlabankinn fundargerð peningastefnunefndar og Hagar birta árshlutauppgjör.
- Á fimmtudag birta Icelandair og VÍS uppgjör.
Mynd vikunnar
Í síðustu viku birti AGS efnahagsspá fyrir heimshagkerfið. Sjóðurinn spáir því að hagvöxtur í ár verði 3% en að aðeins dragi úr vextinum á næsta ári og að hann verði 2,9% árið 2024. Sjóðurinn spáir því að nýmarkaðsríki leiði hagvöxt næstu ár með að jafnaði í kringum 4% hagvöxt á ári á meðan hagvöxtur í þróuðum ríkjum verði innan við 2%.
Það helsta frá vikunni sem leið
- 222 þúsund erlendir ferðamenn fóru um Keflavíkurflugvöll í september, 25% fleiri en í sama mánuði í fyrra. Þetta er næstfjölmennasti septembermánuður í ferðaþjónustu frá upphafi. Uppsafnaður fjöldi það sem af er ári eru 1.730 þúsund ferðamenn, sem er á pari við fjöldann á sama tíma árið 2017, en aðeins færri en á metferðamannaárinu 2018, þegar 1.830 þúsund ferðamenn höfðu farið um Keflavíkurflugvöll á sama tímabili. Brottfarir Íslendinga í september voru aftur á móti töluvert færri en fyrir ári, eða um 47 þúsund. Þær voru rúmlega 60 þúsund í sama mánuði í fyrra. Brottfarir Íslendinga eru því um 22% færri en fyrir ári.
- Skráð atvinnuleysi var 3,0% í september og hækkaði um 0,1 prósentustig milli mánaða. Atvinnuleysi er að jafnaði minnst á sumrin og þessi örlitla aukning því eðlileg árstíðasveifla.
- Á hlutabréfamarkaði birti Ölgerðin uppgjör (fjárfestakynning), Fly Play birti flutningstölur og Alvotech birti upplýsingar um stöðu umsóknar um markaðsleyfi fyrir AVT04 í Bandaríkjunum.
- Tvö skuldabréfaútboð voru í síðustu viku, Landsbankinn lauk útboði á sértryggðum skuldabréfum og Lánasjóður sveitarfélaga lauk skuldabréfaútboði. Lánamál ríkisins birtu Markaðsupplýsingar.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
14. nóv. 2024
Verðbólga hefur hjaðnað nokkuð kröftuglega á síðustu mánuðum og við spáum því að hún mælist 4,5% í nóvember. Loks má greina merki um hægari gang í neyslu heimilanna og íbúðaverð virðist vera á minna flugi en áður. Þá virðist eftirspurn eftir vinnuafli hafa minnkað auk þess sem hægt hefur á launahækkunum. Peningalegt aðhald hefur aukist statt og stöðugt og landsframleiðsla gæti orðið lítillega minni á þessu ári en því síðasta.
14. nóv. 2024
Við spáum því að vísitala neysluverðs lækki um 0,13% á milli mánaða í nóvember og að verðbólga hjaðni úr 5,1% í 4,5%. Flugfargjöld til útlanda og reiknuð húsaleiga koma til lækkunar að þessu sinni, en húsnæði án reiknaðrar húsaleigu til hækkunar. Við eigum von á áframhaldandi hjöðnun næstu mánuði og að ársverðbólga verði komin niður í 3,5% í febrúar á næsta ári.
11. nóv. 2024
Skráð atvinnuleysi hækkaði lítillega á milli ára í október og halli á vöruskiptajöfnuði jókst aðeins. Hagstofan birti þjóðhagsspá og bæði Seðlabanki Bandaríkjanna og Englandsbanki lækkuðu vexti. Í vikunni fáum við gögn um fjölda ferðamanna um Keflavíkurflugvöll, niðurstöður úr væntingakönnun markaðsaðila og tölur um veltu greiðslukorta. Uppgjörstímabilið í Kauphöllinni heldur áfram.
8. nóv. 2024
Halli á vöruviðskiptum jókst lítillega á milli ára í október og mældist 49,4 ma.kr, en var 47,5 ma.kr. í október í fyrra. Uppsafnaður halli á vöruskiptum hefur aukist frá fyrra ári, en þó hægar í ár en síðustu ár, og var 330 ma.kr. í október, sem er einungis lítillega meira en mældist á sama tíma í fyrra þegar hann var 320 ma.kr.
6. nóv. 2024
Staðan á vinnumarkaði hefur haldist merkilega stöðug í gegnum hraðar breytingar í hagkerfinu og þrátt fyrir vaxtahækkanir síðustu ára hefur atvinnuleysi lítið aukist. Þó eru vísbendingar um að eftirspurn eftir launafólki hafi minnkað og laun hækka ekki jafn hratt og áður. Óvissa hefur aukist lítillega síðustu daga vegna átaka á opinberum vinnumarkaði.
5. nóv. 2024
Meðfylgjandi er mánaðarlegt yfirlit sértryggðra skuldabréfa.
5. nóv. 2024
Ferðamönnum fjölgaði um tæplega prósent á þriðja ársfjórðungi, stærsta ferðaþjónustutímabili ársins, frá fyrra ári. Gistinóttum ferðamanna fækkaði hins vegar um tæpt prósent, en kortavelta á föstu verðlagi jókst um 2% á milli ára.
4. nóv. 2024
Íbúðafjárfesting hefur færst í aukana, starfsfólki fjölgar sífellt í byggingarstarfsemi, velta í greininni hefur aukist síðustu árin og innflutningur á byggingarefni er í hæstu hæðum. Íbúðauppbygging virðist nokkuð kröftug, enda er þörfin brýn - kjarnafjölskyldum hefur fjölgað mun hraðar en íbúðum síðustu ár.
4. nóv. 2024
Verðbólga lækkaði úr 5,4% niður í 5,1% í október, í samræmi við væntingar. Samhliða birtingu VNV tilkynnti Hagstofan að fyrirhugað kílómetragjald yrði tekið inn í vísitöluna. Í þessari viku birtir Vinnumálastofnum skráð atvinnuleysi í október, kosið verður um nýjan forseta í Bandaríkjunum, Seðlabanki Bandaríkjanna og Englandsbanki tilkynna um vaxtaákvarðanir og uppgjörstímabilið í Kauphöllinni er áfram í fullum gangi.
1. nóv. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.