Vikubyrjun 16. mars 2026
Við spáum því að peningastefnunefnd hækki vexti á miðvikudaginn. Verðbólguhorfur hafa versnað upp á síðkastið sem sést meðal annars í niðurstöðum úr könnun á verðbólguvæntingum heimila og fyrirtækja sem Seðlabankinn birti í síðustu viku. Við hækkuðum einnig verðbólguspá okkar í síðustu viku.
16. mars 2026
Vikan framundan
- Á morgun birtir HMS vísitölu íbúðaverðs og Seðlabankinn birtir greiðslumiðlun.
- Á miðvikudag er vaxtaákvörðun hjá Seðlabanka Íslands og við spáum 0,25 prósentustiga hækkun. Sama dag birtir HMS vísitölu leiguverðs. Þá birtir Alvotech uppgjör og einnig er vaxtaákvörðun í Bandaríkjunum.
- Á fimmtudag birtir HMS mánaðarskýrslu. Þá er einnig vaxtaákvörðun í Bretlandi og á evrusvæðinu.
Mynd vikunnar
Væntingar heimila og fyrirtækja um verðbólgu geta hæglega haft áhrif á það hvernig verðbólga þróast í framtíðinni þar sem heimili og fyrirtæki taka ákvarðanir byggt á því hvað þau telja að verðbólgan eigi eftir að vera. Það er því sérstök ástæða til að fylgjast með verðbólguvæntingum. Óhætt er að segja að staðan hafi versnað að þessu leyti síðustu mánuði. Væntingar bæði fyrirtækja og heimila samkvæmt könnun sem Gallup framkvæmir á þriggja mánaða fresti hækkuðu á milli síðustu tveggja kannana, hvort sem horft er til næstu tólf mánaða, tveggja ára eða að meðaltali næstu fimm ár. Athygli vekur að miðgildi svara er við eða yfir 4%, efri vikmörkum verðbólgumarkmiðs Seðlabankans, fyrir öll þrjú tímabilin sem spurt er um fyrir bæði fyrirtæki og heimili.
Það helsta frá vikunni sem leið
- Við eigum von á að verðbólgan hækki úr 5,2% í 5,4% í mars. Þetta er aðeins meiri verðbólga en gert var ráð fyrir í síðustu spá sem við birtum í lok febrúar.
- 147 þúsund erlendir ferðamenn fóru um Keflavíkurflugvöll í febrúar, sem er 0,9% fækkun á milli ára. Utanlandsferðir Íslendinga voru 35 þúsund og fækkaði um 11% á milli ára.
- Skráð atvinnuleysi var 4,9% í febrúar. Það var óbreytt á milli mánaða en hækkaði um 0,6 prósentustig á milli ára.
- Fjöldi starfandi samkvæmt skrá stóð í stað á milli ára í janúar.
- Kauptaxtar kjarasamninga hækka um 0,06% frá og með 1. apríl.
- Afkoma hins opinbera var neikvæð um 137 ma.kr. í fyrra, eða sem nemur 2,8% af VLF. Árið í fyrra var sjötta árið í röð þar sem afkoma hins opinbera var neikvæð, en afkoman var seinast jákvæð árið 2018.
- Alma íbúðafélag, Félagsbústaðir og Eik fasteignafélag birtu uppgjör. Síminn og Sýn undirrituðu skilmálaskjal um kaup Símans á vef- og útvarpsmiðlum Sýnar.
- Landsbankinn, Lánasjóður sveitarfélaga, Reykjarstræti og Síminn gafu út skuldabréf. Lánamál ríkisins tilkynntu um niðurstöðu viðbótarútgáfu.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
22. apríl 2026
Velta samkvæmt virðisaukaskattsskýrslum dróst saman um 5% að raunvirði í janúar og febrúar, samkvæmt nýbirtum gögnum Hagstofunnar. Þá sýna nýleg gögn um fjölda starfandi að verulega hefur dregið úr fjölgun starfa sem stóð í stað á milli ára í febrúar.
20. apríl 2026
Kortavelta jókst um 0,8% á milli ára í mars að raunvirði. Eins og síðustu mánuði jókst kortavelta erlendis talsvert en þetta var annar mánuðurinn í röð þar sem kortavelta innanlands dregst saman. Við spáum hægari vexti í einkaneyslu ásamt hóflegum launahækkunum á næstu árum.
20. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð, samkvæmt hagspá sem við birtum fyrir helgi. Við eigum von á hægfara hjöðnun verðbólgu og að stýrivextir haldi áfram að hækka á árinu.
17. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð. Við sjáum merki um slaka á vinnumarkaði með auknu atvinnuleysi og minni eftirspurn fyrirtækja eftir starfsfólki. Hærri stýrivextir munu valda því að sú staða vari lengur en ella.
16. apríl 2026
Við spáum því að vísitala neysluverðs hækki um 1,05% á milli mánaða í apríl. Gangi spáin eftir mun verðbólga hækka úr 5,4% í 5,5%. Hærra eldsneytisverð og hækkun flugfargjalda hafa mest áhrif á hækkun á milli mánaða samkvæmt spánni. Lægri virðisaukaskattur á eldsneyti mun skila tímabundinni lækkun á eldsneytisverði, en áfram er töluverð óvissa um þróun olíuverðs og heildaráhrifa á verðbólgu hér á landi.
13. apríl 2026
Erlendum ferðamönnum fjölgaði um 1,6% á milli ára í mars. Utanlandsferðum Íslendinga hefur fækkað á milli ára alla mánuði ársins. Skráð atvinnuleysi minnkaði um 0,1 prósentustig á milli mánaða og mælist nú 4,8% í mars. Verðbólga í Bandaríkjunum jókst úr 2,4% í 3,3% í mars.
1. apríl 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. mars 2026
Verðbólga jókst úr 5,2% í 5,4% í mars, svo há hefur verðbólga ekki mælst síðan í september 2024. Vísitala launa lækkaði um 0,1% á milli mánaða í febrúar. Í síðustu viku birti Seðlabankinn yfirlýsingu fjármálastöðugleikanefndar ásamt ritinu Fjármálastöðugleiki og fjármálaráðherra lagði fram fjármálaáætlun.
26. mars 2026
Vísitala neysluverðs hækkaði um 0,55% eins og við spáðum og mælist nú 5,4%. Svo mikil hefur verðbólga ekki mælst síðan í september 2024. Hækkun á verðbólgu á milli mánaða skýrist að langmestu leyti af hækkun á eldsneytisverði sem rekja má til átakanna við Persaflóa.
23. mars 2026
Peningastefnunefnd hækkaði vexti um 0,25 prósentustig í síðustu viku. Mun harðari tónn var í yfirlýsingu nefndarinnar en við síðustu ákvörðun í febrúar. Heildarkortavelta heimilanna jókst um 1,5% á milli ára, en kortavelta innanlands dróst saman. Vísitala íbúðaverðs hækkaði lítillega eftir mikla hækkun í janúar.