13. maí 2024
Vikan framundan
- Á þriðjudag birtir Amaroq uppgjör.
- Á miðvikudag birta Reitir uppgjör.
- Á fimmtudag birtir Seðlabanki greiðslukortaveltu í apríl og Iceland Seafood birtir uppgjör.
- Í vikunni fara fram verðmælingar vegna maímælingu vísitölu neysluverðs.
Mynd vikunnar
Eftir því sem vextir hafa hækkað hefur hvati til sparnaðar aukist sem endurspeglast í auknum innlánum heimilanna og þar með auknum vaxtatekjum þeirra. Ef vextir hefðu ekki hækkað má reikna með því að þessu fé hefði líklega verið varið í neyslu með tilsvarandi þrýstingi á hagkerfið. Þessi áhrif eru þannig hluti af virkni peningastefnunnar, þ.e. eftir því sem vextir hækka verður minni hvati til neyslu og meiri hvati til sparnaðar. Þetta hefur skilað sér í stórauknum vaxtatekjum heimilanna sem eru nú orðnar meiri en vaxtagjöld. Á næstunni kemur til vaxtaendurskoðunar á stórum hluta lána sem eru á föstum vöxtum og er því ekki ólíklegt að vaxtagjöld heimilanna aukist á næstunni umfram vaxtatekjur.
Það helsta frá vikunni sem leið
- Peningastefnunefnd Seðlabanka Íslands (SÍ) ákvað að halda vöxtum óbreyttum. Meginvextir bankans, vextir á sjö daga bundnum innlánum, verða því áfram 9,25%. Ákvörðunin var í samræmi við væntingar, en við höfðum spáð óbreyttum vöxtum. Í yfirlýsingu nefndarinnar kemur fram að hún telur auknar líkur á að núverandi aðhaldsstig sé hæfilegt til þess að koma verðbólgu í markmið innan ásættanlegs tíma. Þetta gefur til kynna forsendur séu til staðar til þess að lækka vexti þegar verðbólga og verðbólguvæntingar hjaðna. Þessi setning var ekki í síðustu yfirlýsingu nefndarinnar og teljum við þetta merki um ögn mildari tón. Við eigum von á nær óbreyttri verðbólgu yfir sumarmánuðina og gerum því ekki ráð fyrir fyrstu vaxtalækkuninni fyrr en í október.
- Samhliða vaxtaákvörðuninni birti SÍ Peningamál með nýrri hagspá. Verðbólguspá SÍ fyrir árið í ár er mjög svipuð okkar spá. Við spáum bæði 6,0% verðbólgu á öðrum ársfjórðungi og 5,8% á þriðja fjórðungi. Það er smávægilegur munur á spám okkar fyrir lokafjórðung ársins þar sem Seðlabankinn spáir 5,3% verðbólgu en við spáum 5,5%. Hagvaxtarspá Seðlabankans er svipuð okkar spá, þó að samsetning hagvaxtar sé ólík. Seðlabankinn spáir 1,1% hagvexti í ár og 2,3% 2025 meðan við spáum 0,9% í ár og 2,2% 2025.
- Í apríl voru brottfarir erlendra farþega um Leifsstöð 137 þúsund, sem er um 5 þúsund færri en í apríl í fyrra. Þrátt fyrir að brottfarir í apríl væru aðeins færri en í fyrra eru heildarbrottfarir á fyrstu fjórum mánuðum ársins tæplega 6% fleiri en í fyrra.
- Skráð atvinnuleysi var 3,6% í apríl sem er 0,3 prósentustigum meira en í apríl í fyrra. Atvinnuleysi lækkaði aðeins á milli mánaða, eða úr 3,8%. Lækkunin á milli mánaða skýrist af árstíðarbundinni breytingu, en atvinnuleysi er að jafnaði lægst yfir sumarmánuðina.
- S&P staðfesti A+ lánshæfismat ríkissjóðs með stöðugum horfum.
- Englandsbanki hélt vöxtum óbreyttum í 5,25%. Tveir nefndarmenn peningastefnunefndar af níu greiddu atkvæði gegn því að halda vöxtum óbreytum og vildu hefja vaxtalækkunarferlið strax.
- Eimskip, Marel (fjárfestakynning), Nova, Sýn og Reginn birtu uppgjör. Arion banki ákvað áframhald endurkaupaáætlunar, Icelandair og Play birtu flutningstölur.
- Reitir héldu skuldabréfaútboð.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.
21. sept. 2026
Þrátt fyrir minna flugframboð til og frá landinu hefur ferðamönnum aðeins fækkað um 1%, það sem af er ári. Tengifarþegum hefur aftur á móti fækkað og Íslendingar hafa farið í færri utanlandsferðir í ár en í fyrra. Nýlegar kortaveltutölur benda til þess að neysla ferðamanna hafi tekið við sér yfir sumarið og að áhrif sólmyrkvans hafi fremur birst í aukinni neyslu en fjölgun gesta.
21. sept. 2026
Greiðslukortavelta heimilanna dróst saman um 1,2% á milli ára í ágúst, að teknu tilliti til verðlags og gengis. Íbúðaverð hækkaði lítillega í ágúst, en leiguverð lækkaði eftir að hafa hækkað sex mánuði í röð.