13. desember 2021 - Greiningardeild
Vikan framundan
- Á miðvikudag birtir Seðlabankinn talnaefni um veltu greiðslukorta í nóvember.
Mynd vikunnar
Alls fóru 75.500 erlendir ferðamenn og 33.700 Íslendingar um Leifsstöð í nóvember. Erlendum ferðamönnum fækkaði um 42% miðað við nóvember 2019, en Íslendingum sem fóru um Leifsstöð fækkaði einungis um 26% miðað við nóvember 2019. Í báðum tilfellum er fjöldinn svipaður og í nóvember 2015.
Efnahagsmál
- Alls fóru 75.500 erlendir ferðamenn og 33.700 Íslendingar um Leifsstöð í nóvember. Fjölmennastir meðal erlendra ferðamanna voru Bandaríkjamenn (19%), Bretar (15%), Þjóðverjar (10%) og Frakkar (9%).
- Seðlabankinn birti yfirlýsingu fjármálastöðuleikanefndar. Að mati nefndarinnar er staða fjármálastöðugleika góð þegar á heildina er litið. Þrátt fyrir það ákvað nefndin að halda sveiflujöfnunaraukanum óbreyttum. Að lokum tók nefndin fram að hún teldi brýnt að „áfram verði unnið að innleiðingu á óháðri innlendri smágreiðslulausn án tengingar við alþjóðlega kortainnviði“.
- Skráð atvinnuleysi var 4,9% í nóvember og stóð óbreytt milli mánaða. Þetta er fyrsti mánuðurinn síðan janúar á þessu ári sem atvinnuleysi lækkar ekki milli mánaða, en í þeim mánuði var almennt atvinnuleysi 11,6%. Alls hefur atvinnuleysi því lækkað um 6,7 prósentustig síðan í janúar.
- Seðlabankinn birti talnaefni um efnahagsreikning lífeyrissjóðanna í október, fjármálareikninga fjármálafyrirtækja á 3. ársf., raungengi í nóvember, efnahag Seðlabankans í nóvember og erlenda stöðu Seðlabankans í nóvember.
- Hagstofan birti afkomu hins opinbera á 3. ársfjórðungi, tilraunatölfræði um gistinætur í nóvember, vöruviðskipti í nóvember og ráðstöfunartekjur heimilanna á 3. ársfjórðungi.
Fjármálamarkaðir
- Nóvember var fyrsti mánuðurinn síðan fyrir faraldur sem Seðlabankinn greip ekki inn á millibankamarkað með gjaldeyri.
- Icelandair birti flutningstölur fyrir nóvember.
- Marel hélt fjárfestadag.
- Landsbankinn lauk útboði sértryggðra skuldabréfa, Alma íbúðafélag gaf út skuldarbréf, Reitir hélt skuldabréfaútboð og Kvika gaf út græn skuldabréf.
- Lánamál ríkisins birtu Markaðsupplýsingar.
- Landsvirkjun greiddi upp skuldabréf í evrum.
Hagtölur og markaðsupplýsingar
Þú gætir einnig haft áhuga á
13. jan. 2026
Atvinnuástandið hefur versnað smám saman og eftirspurn eftir vinnuafli er minni en áður. Atvinnuleysi hefur aukist hratt og mældist 4,4% í desember, en svo mikið hefur atvinnuleysi ekki mælst í rúmlega þrjú og hálft ár. Þessi þróun styður við markmið Seðlabankans um að draga úr þenslu í hagkerfinu og vinna bug á verðbólgu. Á sama tíma heldur neysla landsmanna áfram að aukast með hverjum mánuðinum, en heildarkortavelta hefur aukist um 6% á fyrstu ellefu mánuðum síðasta árs frá sama tímabili árið áður.
12. jan. 2026
Breytingar á gjaldtöku hins opinbera af rekstri og kaupum ökutækja gætu aukið verðbólgu um 0,7 prósentustig. Óvíst er hvort áhrifin komi fram að öllu leyti í janúar eða dreifist yfir næstu mánuði, en telja má að það velti ekki síst á eftirspurn eftir bílum í byrjun árs.
12. jan. 2026
Skráð atvinnuleysi hélt áfram að aukast í desember og var 0,6 prósentustigum meira en á sama tíma árið áður. Álíka margir erlendir ferðamenn heimsóttu Ísland í fyrra og síðustu tvö ár á undan en utanlandsferðir Íslendinga voru 18% fleiri í fyrra en árið á undan. Þó nokkur óvissa ríkir um verðbólgumælingu janúarmánaðar, ekki síst í tengslum við breytta gjaldtöku á innflutningi og rekstri bíla. Við gefum út verðbólguspá næsta fimmtudag.
5. jan. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
5. jan. 2026
Verðbólgan kom aftan að landsmönnum stuttu fyrir jól og fór úr 3,7% í 4,5%. Verðbólga í desember var aðeins 0,3 prósentustigum minni en í upphafi síðasta árs þegar hún mældist 4,8%. Á sama tímabili lækkuðu stýrivextir um 1,25 prósentustig, úr 8,50% í 7,25%.
22. des. 2025
Verðbólga rauk upp í 4,5% í desember eftir að hafa hjaðnað verulega í nóvember og mælst 3,7%. Rífleg hækkun á flugfargjöldum til útlanda skýrir stóran hluta hækkunarinnar, en einnig töluverð gjaldskrárhækkun á hitaveitu í desember. Aukin verðbólga skýrist þannig af afmörkuðum, sveiflukenndum liðum og ekki er að greina merki um að undirliggjandi verðbólguþrýstingur hafi aukist að ráði.
22. des. 2025
Fasteignamarkaðurinn fer enn kólnandi, ef marka má skýrslu sem HMS gaf út í síðustu viku. Gistinóttum á hótelum fækkaði um 6,6% á milli ára í nóvember. Kaupmáttur ráðstöfunartekna jókst um 1,9% á milli ára á þriðja ársfjórðungi, samkvæmt Hagstofunni. Í dag birtir Hagstofan verðbólgutölur.
15. des. 2025
Færri erlendir ferðamenn heimsóttu Ísland í nóvember í ár en í nóvember í fyrra en utanlandsferðum Íslendinga hélt áfram að fjölga. Skráð atvinnuleysi hefur aukist þó nokkuð á síðustu mánuðum og var 4,3% í nóvember.
11. des. 2025
Við spáum því að vísitala neysluverðs hækki um 0,56% á milli mánaða í desember. Gangi spáin eftir mun verðbólga hækka úr 3,7% í 3,9% í desember. Flugfargjöld til útlanda, reiknuð húsaleiga og lok tilboðsdaga í nóvember verða til hækkunar en bensínverð til lækkunar. Við gerum ráð fyrir að verðbólga verði á bilinu 3,9% til 4,0% næstu mánuði.
8. des. 2025
Talsvert minni afgangur mældist af viðskiptum við útlönd á þriðja ársfjórðungi þessa árs en þess síðasta. Í síðustu viku gaf Seðlabankinn út yfirlýsingu fjármálastöðugleikanefndar og fundargerð peningastefnunefndar. Í þessari viku verða birtar ferðamannatölur og skráð atvinnuleysi fyrir nóvembermánuð.