11. apríl 2022 - Greiningardeild
Vikan framundan
- Í dag birtir Ferðamálastofa talningu á ferðamönnum sem fóru um Leifsstöð í mars.
- Á þriðjudag lýkur verðkönnunarvikunni fyrir aprílmælingu vísitölu neysluverðs.
- Á miðvikudag birtir Seðlabankinn veltu greiðslukorta í mars.
Mynd vikunnar
Allt bendir til þess að hið opinbera muni fara betur í gegnum faraldurinn en búist var við fyrst eftir að hann skall á. Þannig gerði fjármálaáætlun fyrir 2021-2025 sem var birt í upphafi faraldursins ráð fyrir að skuldir hins opinbera sem hlutfall af landsframleiðslu myndu rúmlega tvöfaldast og fara úr 27% árið 2019 í 60% í lok áætlunarinnar. En nýjasta áætlun frá því í síðustu viku gerir ráð fyrir að þetta hlutfall muni fara í hæst í 44%.
Efnahagsmál
- Skráð atvinnuleysi var 4,9% í mars og lækkaði um 0,3 prósentustig milli mánaða.
- Ríkisstjórnin kynnti fjármálaáætlun fyrir árin 2023-2027.
- Seðlabankinn birti fundargerð fjármálastöðugleikanefndar 14. - 15. mars 2022.
- Ferðamálastofa birti skiptingu brottfararfarþega eftir þjóðerni í mars.
- Hagstofan birti tilraunatölfræði um launasummu, uppfærðar tölur um vöruskipti og bráðabirgðatölur um gistinætur í mars. Auk þess birti Hagstofan talnaefni um fiskeldi, búferlaflutninga og vinnumarkaðinn á síðasta ári.
- Seðlabankinn birti talnaefni um lífeyrissjóði, raungengi, efnahag Seðlabankans, gjaldeyrismarkaðinn, krónumarkaðinn og erlenda stöðu Seðlabankans.
Fjármálamarkaðir
- Við birtum í vikunni mánaðarleg yfirlit yfir hlutabréfamarkaðinn, sértryggð skuldabréf og gjaldeyrismarkaðinn.
- Icelandair birti flutningstölur fyrir mars.
- Eimskip birti afkomuviðvörun.
- Nokkuð mörg skuldabréfaútboð voru í síðustu viku. Alma íbúðarfélag lauk skuldabréfaútboði, Arion banki lauk útboði á grænum skuldabréfum, Reykjavíkurborg lauk skuldabréfaútboði, Landsbankinn lauk útboði sértryggðra skuldabréfa og Lánamál ríkisins luku útboði ríkisbréfa.
Hagtölur og markaðsupplýsingar
Þú gætir einnig haft áhuga á
29. maí 2026
Landsframleiðsla jókst um 2,7% á milli ára að raunvirði á fyrsta fjórðungi ársins. Mest var framlag utanríkisviðskipta til hagvaxtar sem skýrist að mestu af auknum umsvifum gagnavera. Einkaneysla jókst einnig á fjórðungnum þó hægt hafi á vexti hennar.
28. maí 2026
Vísitala neysluverðs hækkaði um 0,07% á milli mánaða og verðbólga lækkar því úr 5,2% í 5,1%. Við höfðum spáð því að verðbólga myndi lækka í 4,9%. Hækkun á flugfargjöldum hafði mest áhrif til hækkunar á ársverðbólgu í mánuðinum en lækkun á virðisaukaskatti á eldsneyti hafði mest áhrif til lækkunar. Án lækkunarinnar á virðisaukaskatti hefði verðbólga mælst 5,5%. Athygli vekur að verð á mat og drykk lækkaði á milli mánaða, annan mánuðinn í röð.
27. maí 2026
Þrátt fyrir minna flugframboð um Keflavíkurflugvöll hafa jafn margir erlendir ferðamenn farið um flugvöllinn fyrstu fjóra mánuði ársins í ár og í fyrra. Á móti fara færri tengifarþegar um flugvöllinn og utanlandsferðir Íslendinga hafa dregist verulega saman. Þó sumarið líti ágætlega út er meiri óvissa um haustið.
26. maí 2026
Peningastefnunefnd hækkaði vexti bankans um 0,25 prósentustig í síðustu viku, líkt og við höfðum spáð. Nú í vikunni koma verðbólgutölur og þjóðhagsreikningar.
20. maí 2026
Peningastefnunefnd hækkaði stýrivexti um 0,25 prósentustig annað skiptið í röð og segist tilbúin til að hækka vexti enn frekar. Efnahagshorfur hafa þó versnað verulega að mati bankans, en verðbólguspá var hækkuð í nýútgefnum Peningamálum og hagvaxtaspá lækkuð auk þess sem gert er ráð fyrir auknu atvinnuleysi. Kólnunin í hagkerfinu mun þó gera það að verkum að hættan á aukinni verðbólgu fram á við er minni.
19. maí 2026
Kortavelta íslenskra heimila dróst verulega saman á milli ára í apríl, eða um alls 5,8% að teknu tilliti til verðlags og gengis. Svo mikill samdráttur hefur ekki mælst síðan í febrúar 2021. Peningastefnunefnd fundar í dag vegna vaxtaákvörðunar á morgun, en við gerum áfram ráð fyrir 0,25 prósentustiga hækkun vaxta.
18. maí 2026
Í vikunni fram undan er vaxtaákvörðun hjá Seðlabanka Íslands og við spáum 0,25 prósentustiga hækkun. Fjöldi ferðamanna á fyrstu fjórum mánuðum ársins var svipaður og á sama tímabil í fyrra samkvæmt tölum sem birtust í síðustu viku. Utanlandsferðum Íslendinga hefur aftur á móti fækkað töluvert. Atvinnuleysi heldur áfram að aukast á milli ára.
13. maí 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga er enn yfir markmiði og verðbólguvæntingar hafa reynst þrálátar. Að okkar mati mun það ráða mestu um að nefndin haldi áfram vaxtahækkunarferlinu sem hófst í mars.
12. maí 2026
Við spáum því að vísitala neysluverðs lækki um 0,13% á milli mánaða í maí. Gangi spáin eftir mun verðbólga lækka úr 5,2% í 4,9%. Lægra eldsneytisverð vegna lækkunar á virðisaukaskatti og lækkun flugfargjalda hafa mest áhrif til lækkunar á milli mánaða samkvæmt spánni. Við spáum að verðbólga mælist 4,9% í ágúst og kjarasamningar því mögulega í húfi.
11. maí 2026
Starfandi samkvæmt skrám fækkaði á milli ára. Frjósemi á Íslandi síðastliðin tvö ár hefur ekki mælst minni síðan mælingar hófust. Í þessari viku fáum við m.a. ferðamannatölur og atvinnuleysi ásamt uppgjörum frá félögum.