10. október 2022 - Hagfræðideild
Vikan framundan
- Seinna í dag birtir Vinnumálastofnun tölur um skráð atvinnuleysi.
- Á fimmtudag birtir Seðlabankinn tölur um veltu greiðslukorta.
- Í vikunni fara fram verðmælingar vegna októbermælingar vísitölu neysluverðs, en Hagstofan birtir hana fimmtudaginn 27. október.
Mynd vikunnar
Væntingar um mikla verðbólgu í framtíðinni eiga það til að verða að veruleika. Það er því mikilvægt að ná verðbólguvæntingum niður ef hemja á verðbólguna. Í síðustu könnunum á verðbólguvæntingum fyrirtækja og heimila, sem fóru fram í ágúst og september, lækkuðu verðbólguvæntingar fyrirtækja til eins árs en væntingar annarra stóðu í stað. Þetta eru vísbendingar um að væntingar séu á niðurleið. Næstu kannanir fara fram í nóvember og desember og verður áhugavert að sjá hvort náist að hnika væntingum niður. Að öðrum kosti mun Seðlabankinn þurfa að halda vöxtum hærri en ella.
Helsta frá vikunni sem leið
- Peningastefnunefnd ákvað að hækka vexti um 0,25 prósentustig. Þetta var minni hækkun en við áttum von á, en við höfðum spáð 0,50 prósentustiga hækkun. Tónninn í yfirlýsingu nefndarinnar breyttist verulega milli vaxtaákvarðana, en í stað þess að taka fram að herða þurfi taumhald peningastefnunnar enn frekar eins og í fyrri yfirlýsingum telur nefndin nú að framvindan ráðist af þróun efnahagsumsvifa, verðbólgu og verðbólguvæntinga og að ákvarðanir í atvinnulífi, á vinnumarkaði og í ríkisfjármálum skipti þar miklu máli. Hagfræðideild Landsbankans tók upp hlaðvarp um ákvörðunina.
- Ferðamálastofa birti á föstudag talningu á fjölda brottfara um Leifsstöð , en samkvæmt birtingaráætlun áttu tölurnar að koma í dag. Alls fóru 177 þúsund erlendir farþegar um Leifsstöð í september. Þetta er aðeins minna en í september 2019, árið áður en heimsfaraldurinn skall á, en þá mældust brottfarir 184 þúsund. 60 þúsund Íslendingar fóru til útlanda í gegnum Leifsstöð, sem er mesti fjöldi í september frá upphafi mælinga.
- HMS birti greiningu á fjölda íbúða í byggingu. Samkvæmt HMS eru nú um 8.100 íbúðir í byggingu á landinu öllu. Stofnunin á von á að 3.100 íbúðir verði tilbúnar í ár og 3.200 á næsta ári. Þetta er mjög svipað og í fyrra, en nokkru minna en 2020 þegar 3.800 íbúðir urðu tilbúnar.
Icelandair og Play birtu flutningstölur fyrir september. - Tvö skuldabréfaútboð voru haldin í síðustu viku: Íslandsbanki seldi víkjandi skuldabréf sem teljast til eiginfjárþáttar 2 og Lánamál ríkisins luku útboði ríkisbréfa. Origo seldi hlut sinn í Tempo.
Hagtölur og markaðsupplýsingar
Þú gætir einnig haft áhuga á
25. sept. 2023
Vísitala íbúðaverðs á höfuðborgarsvæðinu hækkaði um 0,7% milli mánaða í ágúst, samkvæmt gögnum sem HMS birti í síðustu viku. Vísitalan lækkaði þó nokkuð í júní og júlí og hækkunin kom því nokkuð á óvart. Í næstu viku ber hæst birting Hagstofunnar á vísitölu neysluverðs á fimmtudag.
20. sept. 2023
Vísitala íbúðaverðs hækkaði um 0,7% milli mánaða í ágúst. Árshækkun vísitölunnar fór úr 0,8% í 2,0%. Undirritaðir kaupsamningar á höfuðborgarsvæðinu voru 9,6% færri í júlí en í sama mánuði í fyrra. Vísitalan er hærri en við gerðum ráð fyrir við gerð verðbólguspár fyrir septembermánuð og því færum við hana upp og spáum 7,8% ársverðbólgu í stað 7,7%.
18. sept. 2023
Um 282 þúsund erlendir ferðamenn fóru um Keflavíkurflugvöll í ágúst. Ef sumarmánuðirnir eru teknir saman hafa aðeins einu sinni komið fleiri ferðamenn að sumri, árið 2018. Samkvæmt nýjustu þjóðhagsreikningum Hagstofunnar jókst þjónustuútflutningur á fyrstu tveimur fjórðungum ársins um 21%, og má rekja allan þann vöxt til ferðaþjónustunnar.
18. sept. 2023
Í síðustu viku komu tölur um brottfarir frá Leifsstöð, skráð atvinnuleysi og veltu greiðslukorta. Í þessari viku ber hæst vísitala íbúðaverðs, sem kemur á þriðjudag, og yfirlýsing fjármálastöðugleikanefndar Seðlabanka Íslands, sem gefin verður út á miðvikudaginn.
15. sept. 2023
Nýjar kortaveltutölur bera með sér frekari vísbendingar um að verulega sé að hægja á innlendri eftirspurn. Heildarkortavelta íslenskra heimila dróst saman um 3,4% milli ára í ágúst. Kortavelta Íslendinga innanlands var 4,3% minni en í ágúst í fyrra á föstu verðlagi og hefur nú dregist saman sex mánuði í röð. Erlendis jókst kortavelta Íslendinga um 0,7% á milli ára og kortaveltujöfnuður er jákvæður um 19,2 milljarða.
14. sept. 2023
Við spáum því að vísitala neysluverðs hækki um 0,07% milli mánaða í september og að ársverðbólga standi í stað og verði áfram 7,7%. Útsölulok hafa aftur mest áhrif til hækkunar milli mánaða í september samkvæmt spánni. Það sem helst dregur spána niður er árstíðabundin lækkun á flugfargjöldum til útlanda. Við gerum ráð fyrir að verðbólga lækki áfram næstu mánuði og verði 6,6% í desember.
11. sept. 2023
Í síðustu viku birti Seðlabankinn fundargerð peningastefnunefndar. Samkvæmt henni greiddi einn nefndarmaður atkvæði gegn tillögu seðlabankastjóra um að hækka vexti um 0,50 prósentustig á síðasta fundi nefndarinnar og hefði heldur kosið að hækka þá um 0,25 prósentustig. Í þessari viku berast gögn yfir fjölda brottfara um Leifsstöð, skráð atvinnuleysi og kortaveltu.
4. sept. 2023
Meðfylgjandi er mánaðarlegt yfirlit um sértryggð skuldabréf.
4. sept. 2023
Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.
31. ágúst 2023
Hagvöxtur mældist 4,5% á öðrum ársfjórðungi, samkvæmt fyrsta mati Hagstofunnar. Eins og við var að búast benda tölurnar til þess að hægt hafi á hagkerfinu, en hagvöxtur mældist 7,1% á fyrsta ársfjórðungi. Vaxtahækkanir hafa tekið að tempra innlenda eftirspurn á sama tíma og hægt hefur á vexti kaupmáttar á síðustu misserum. Einkaneysla jókst örlítið en vegna hraðrar fólksfjölgunar dróst hún saman á mann.