Vikubyrjun 10. júní 2025
Viðskiptahalli Íslands hefur aldrei verið jafnmikill og á síðustu tveimur fjórðungum. Þá hefur halli á vöruviðskiptum aldrei verið meiri en í maí og hið sama má segja um innflutningsverðmæti, samkvæmt Hagstofu Íslands. Í næstu viku verða birtar atvinnuleysistölur og brottfarir um Keflavíkurflugvöll í maí.
10. júní 2025
Vikan framundan
- Í dag birtir Vinnumálastofnun skráð atvinnuleysi í maí.
- Á morgun birtir Ferðmálastofa brottfarir um Keflavíkurflugvöll í maí auk þess sem birtar verða verðbólgutölur í Bandaríkjunum.
- Á fimmtudag birtir Hagstofan tölur um fjármál hins opinbera á fyrsta ársfjórðungi.
Mynd vikunnar: Miðgildi heildarlauna karla 14% hærra en kvenna
Miðgildi heildarlauna karla í fullu starfi var 938 þúsund á mánuði en miðgildi heildarlauna kvenna í fullu starfi var 826 þúsund. Heildarlaun eru öll laun einstaklings með launum fyrir tilfallandi yfirvinnu, eingreiðslum, uppbótargreiðslum o.fl. Því hefur hér áhrif að karlar vinna að meðaltali fleiri greiddar stundir en konur (að meðaltali 177,9 klukkustundir á mánuði, en konur að meðaltali 172 klukkustundir). Um 38% starfandi kvenna starfa hjá hinu opinbera en aðeins 14% starfandi karla.
Það helsta frá vikunni sem leið
- Alls var 59,5 ma.kr. halli á viðskiptum við útlönd á fyrsta fjórðungi ársins. Halli á viðskiptum við útlönd hefur aldrei verið jafnmikill og á síðustu tveimur fjórðungum. Hann skýrist að miklu leyti af stórfelldum innflutningi á tölvubúnaði vegna byggingar á tölvuverum.
- Hagstofan birti bráðabirgðatölur um vöruviðskipti í maí. Halli á vöruviðskiptum í maí var 63,4 ma.kr. og hefur aldrei mælst meiri í einum mánuði. Innflutningsverðmæti voru 143,2 ma.kr. og hafa heldur aldrei verið meiri í einum mánuði. Útflutningsverðmæti voru 79,8 ma.kr. í mánuðinum. Útflutningsverðmæti minnkuðu á milli ára í öllum útflutningsgreinum, að álútflutningi undanskildum.
- Samkvæmt fundargerð peningastefnunefndar, sem var birt í síðustu viku, lét einn nefndarmaður peningastefnunefndar bóka að hann hefði frekar kosið að halda stýrivöxtum óbreyttum þann 21. maí.
- Alþingi samþykkti í vikunni fjáraukalög fyrir yfirstandandi ár vegna uppgjörs á ÍL-sjóði.
- Verðbólga á evrusvæðinu dróst saman um 0,3 prósentustig á milli mánaða í maí og mældist 1,9%, sem er undir væntingum. Verðbólgan er því komin undir markmið Seðlabanka Evrópu, sem er 2,0%. Seðlabanki Evrópu lækkaði stýrivexti um 0,25 prósentustig og vextir bankans standa nú í 2,0%. Ákvörðunin var í takt við væntingar.
- Atvinnuleysi í Bandaríkjunum hélst óbreytt á milli mánaða í maí og mældist 4,2%. Á sama tíma fjölgaði störfum um 139.000.
- Alvotech lauk útboði á sænskum heimildarskírteinum og hlutabréfum. Icelandair birti flutningstölur fyrir maí.
- Garðabær, Lánamál ríkisins og Síminn héldu skuldabréfaútboð. Alma íbúðafélag og Lánamál ríkisins héldu útboð á víxlum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
13. nóv. 2025
Við spáum því að verðbólga standi óbreytt á milli mánaða og mælist 4,3% í nóvember. Flugfargjöld til útlanda verða til lækkunar á vísitölunni, en reiknuð húsaleiga og matarkarfan verða til hækkunar. Við búumst við aukinni verðbólgu á næstu mánuðum.
10. nóv. 2025
Raungengi krónunnar er mjög hátt í sögulegu samhengi en hefur gefið lítillega eftir á allra síðustu dögum. Horfur í álútflutningi eru dræmar eftir bilun hjá Norðuráli og aflaheimildir gefa fyrirheit um samdrátt í útflutningi sjávarafurða. Ferðaþjónusta hefur vaxið umfram væntingar það sem af er ári og telja má horfur á vexti í nýjustu útflutningsstoðum Íslands. Velta samkvæmt VSK-skýrslum hefur þróast með svipuðum hætti í útflutningsgeiranum og í innlenda hagkerfinu, en ávöxtun hlutabréfa félaga í kauphöllinni með tekjur í erlendri mynt er mun lakari en fyrirtækja með tekjur í íslenskum krónum.
10. nóv. 2025
Fáar áhugaverðar hagtölur voru birtar í síðustu viku, en í þessari viku birtir Vinnumálastofnun skráð atvinnuleysi og Ferðamálastofa birtir ferðamannatölur. Uppgjörstímabilið fyrir þriðja ársfjórðung er í fullum gangi.
6. nóv. 2025
Hátt vaxtastig og ströng lánþegaskilyrði hafa slegið verulega á verðhækkanir á íbúðamarkaði. Á sama tíma hefur fjöldinn allur af nýjum íbúðum risið og sölutími þeirra lengst til muna. Eftir að dómur Hæstaréttar í vaxtamálinu féll hafa viðskiptabankarnir tekið lánaframboð til endurskoðunar og það sama má segja um suma lífeyrissjóðina. Seðlabankinn ákvað í síðustu viku að slaka lítillega á lánþegaskilyrðum.
3. nóv. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. nóv. 2025
Verðbólga jókst umfram væntingar í október og mældist 4,3%. Svo mikil hefur verðbólga ekki verið síðan í febrúar síðastliðnum. Telja má áhyggjuefni að aukin verðbólga skýrist ekki af tilfallandi sveiflukenndum liðum heldur virðist undirliggjandi verðþrýstingur hafa aukist. Í þessari viku halda félög áfram að birta uppgjör og hugsanlega má búast við fleiri púslum í breytta mynd af framboði íbúðalána í kjölfar vaxtamálsins.
31. okt. 2025
Eftirspurn eftir vinnuafli hefur minnkað og dregið hefur úr hækkun launa. Atvinnuleysi hefur aukist smám saman og rólegri taktur í atvinnulífinu hefur endurspeglast í hægari fólksfjölgun. Kaupmáttur hefur aukist jafnt og þétt og við teljum að þótt hægi á launahækkunum komi kaupmáttur til með að aukast áfram á næstu árum. Mikill kraftur er í neyslu landsmanna, kortavelta eykst sífellt og Íslendingar hafa aldrei farið í fleiri utanlandsferðir.
30. okt. 2025
Vísitala neysluverðs hækkaði um 0,47% á milli mánaða í október og verðbólga jókst úr 4,1% í 4,3%. Vísitala neysluverðs hækkaði meira en við bjuggumst við, ekki síst reiknuð húsaleiga og verð á mat og drykk. Skammtímaspá okkar gerir nú ráð fyrir að verðbólga haldist í 4,3% út árið, en aukist svo í janúar og mælist 4,5%.
27. okt. 2025
Íslenska hagkerfið verður í hægum vaxtartakti á næstu árum gangi hagspá sem við birtum í síðustu viku eftir. Á fimmtudag koma verðbólgutölur fyrir október og við eigum von á að verðbólga hækki úr 4,1% í 4,2%.
22. okt. 2025
Hagvöxtur verður 1,5% á þessu ári og 1,7% á því næsta, samkvæmt nýrri hagspá Landsbankans. Hagvöxtur verður ekki síst drifinn áfram af neyslu innanlands en á sama tíma er útlit fyrir smám saman minnkandi spennu í atvinnulífinu. Verðbólga reynist áfram þrálát næstu misseri og ekki eru horfur á að hún komist niður í markmið Seðlabankans á spátímabilinu. Því má áfram búast við háum raunstýrivöxtum.