10. júní 2024
Vikan framundan
- Í dag birtir Ferðamálastofa fjölda ferðmanna um Leifsstöð og Vinnumálastofnun birtir skráð atvinnuleysi.
- Á miðvikudaginn er vaxtaákvörðun hjá Seðlabanka Bandaríkjanna og verðbólgutölur verða birtar fyrir Bandaríkin.
- Í vikunni fara fram verðmælingar fyrir júnímælingu vísitölu neysluverðs hér á landi.
Mynd vikunnar
Flestir seðlabankar þróaðra ríkja hækkuðu vexti til þess að berjast við aukna verðbólgu í kjölfar heimsfaraldursins. Í síðustu viku reið Seðlabanki Evrópu á vaðið og lækkaði vexti um 0,25 prósentustig. Þar sem danska krónan er föst við gengi evru lækkaði danski seðlabankinn vexti strax í kjölfarið. Síðar í mánuðinum eru vaxtaákvarðanir hjá bandaríska seðlabankanum og Englandsbanka, en það er talið ólíklegt að þeir lækki vexti að svo stöddu.
Það helsta frá vikunni sem leið
- Alls var 41 ma.kr. halli á viðskiptum við útlönd á fyrsta ársfjórðungi. Hallinn á viðskiptum við útlönd rúmlega tvöfaldaðist á milli ára. Venju samkvæmt var afgangur af þjónustujöfnuði og halli á vöruskiptajöfnuði. Afgangurinn af þjónustujöfnuði dróst saman á milli ára vegna meiri innflutnings á þjónustu, aðallega á fjármálaþjónustu og á rannsókna- og þróunarþjónustu. Hallinn á vöruskiptajöfnuði jókst vegna minni útflutnings á sjávarafurðum og áli. Óveruleg breyting varð á frumþáttatekjum og rekstrarframlögum. Hrein staða þjóðarbúsins var 1.800 ma. kr. í lok fjórðungsins og batnaði um 200 ma. kr., aðallega vegna hækkana á erlendum fjármálamörkuðum.
- Seðlabankinn birti yfirlýsingu fjármálastöðugleikanefndar. Að mati nefndarinnar stendur fjármálakerfið hér á landi traustum fótum, eiginfjár- og lausafjárstaða bankanna er sterk og lítið ber á auknum vanskilum þrátt fyrir hátt vaxtastig. Nefndin ákvað að halda gildi sveiflujöfnunaraukans óbreyttu í 2,5%.
- Hagstofan breytti áður birtar tölur um fjölda gistinótta árið 2023 niður á við. Gistinætur 2023 voru oftaldar í fyrri tölum og því er fækkunin á yfirstandandi ári ekki jafnmikil og áður var talið. Eftir uppfærsluna virðist gistinóttum hafa fækkað um 0,5% á milli ára á fyrstu fjórum mánuðum ársins, en ekki 6,5% eins og áður leit út fyrir.
- Seðlabanka Evrópu lækkaði vexti um 0,25 prósentustig.
- Starfandi í Bandaríkjunum fjölgaði um 272 þúsund í maí og atvinnuleysi vestanhafs var óbreytt í 4,0%. Þessi gögn um vinnumarkaðinn eru talin merki um meiri umsvif en búist var við og líkur á stýrivaxtalækkun í september eru taldar hafa minnkað. Talið er að vextir verði óbreyttir fram á haust.
- Reginn breytti um nafn og heitir nú Heimar, Icelandair og Fly Play birtu flutningstölur, Íslandsbanki tilkynnti um kaup á eigin bréfum og Alvotech gekk frá samningi um endurfjármögnun skulda.
- Iceland Seafood, Hagar og Alma íbúðafélag héldu útboð á víxlum. ÍL-sjóður hélt útboð á skuldabréfum í eigu sjóðsins, Lánamál ríkisins felldu niður þau útboð sem eru eftir á 2. ársfjórðungi og Lánasjóður sveitarfélaga frestaði útboði.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
27. maí 2026
Þrátt fyrir minna flugframboð um Keflavíkurflugvöll hafa jafn margir erlendir ferðamenn farið um flugvöllinn fyrstu fjóra mánuði ársins í ár og í fyrra. Á móti fara færri tengifarþegar um flugvöllinn og utanlandsferðir Íslendinga hafa dregist verulega saman. Þó sumarið líti ágætlega út er meiri óvissa um haustið.
26. maí 2026
Peningastefnunefnd hækkaði vexti bankans um 0,25 prósentustig í síðustu viku, líkt og við höfðum spáð. Nú í vikunni koma verðbólgutölur og þjóðhagsreikningar.
20. maí 2026
Peningastefnunefnd hækkaði stýrivexti um 0,25 prósentustig annað skiptið í röð og segist tilbúin til að hækka vexti enn frekar. Efnahagshorfur hafa þó versnað verulega að mati bankans, en verðbólguspá var hækkuð í nýútgefnum Peningamálum og hagvaxtaspá lækkuð auk þess sem gert er ráð fyrir auknu atvinnuleysi. Kólnunin í hagkerfinu mun þó gera það að verkum að hættan á aukinni verðbólgu fram á við er minni.
19. maí 2026
Kortavelta íslenskra heimila dróst verulega saman á milli ára í apríl, eða um alls 5,8% að teknu tilliti til verðlags og gengis. Svo mikill samdráttur hefur ekki mælst síðan í febrúar 2021. Peningastefnunefnd fundar í dag vegna vaxtaákvörðunar á morgun, en við gerum áfram ráð fyrir 0,25 prósentustiga hækkun vaxta.
18. maí 2026
Í vikunni fram undan er vaxtaákvörðun hjá Seðlabanka Íslands og við spáum 0,25 prósentustiga hækkun. Fjöldi ferðamanna á fyrstu fjórum mánuðum ársins var svipaður og á sama tímabil í fyrra samkvæmt tölum sem birtust í síðustu viku. Utanlandsferðum Íslendinga hefur aftur á móti fækkað töluvert. Atvinnuleysi heldur áfram að aukast á milli ára.
13. maí 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga er enn yfir markmiði og verðbólguvæntingar hafa reynst þrálátar. Að okkar mati mun það ráða mestu um að nefndin haldi áfram vaxtahækkunarferlinu sem hófst í mars.
12. maí 2026
Við spáum því að vísitala neysluverðs lækki um 0,13% á milli mánaða í maí. Gangi spáin eftir mun verðbólga lækka úr 5,2% í 4,9%. Lægra eldsneytisverð vegna lækkunar á virðisaukaskatti og lækkun flugfargjalda hafa mest áhrif til lækkunar á milli mánaða samkvæmt spánni. Við spáum að verðbólga mælist 4,9% í ágúst og kjarasamningar því mögulega í húfi.
11. maí 2026
Starfandi samkvæmt skrám fækkaði á milli ára. Frjósemi á Íslandi síðastliðin tvö ár hefur ekki mælst minni síðan mælingar hófust. Í þessari viku fáum við m.a. ferðamannatölur og atvinnuleysi ásamt uppgjörum frá félögum.
8. maí 2026
Það sem af er ári hefur krónan styrkst og evran stendur núna í 144 krónum. Nokkuð gott jafnvægi hefur verið á milli innflæðis og útflæðis á gjaldeyrismarkaði. Raungengi er mjög hátt og við eigum von á að krónan veikist næstu ár.
4. maí 2026
Almyrkvi á sólu verður sýnilegur á vesturhluta landsins þann 12. ágúst næstkomandi. Gríðarleg eftirspurn er eftir flugi til landsins, gistingu, veitingaþjónustu og bílaleigubílum á þeim tíma og mikið er uppbókað nú þegar. Aukin velta og verðþrýstingur á ýmissi þjónustu verður líklega töluverð á þeim svæðum sem sólmyrkvinn sést.