Vikubyrjun 1. september 2025
Verðbólga hjaðnaði óvænt úr 4,0% í 3,8% í ágúst. Hagstofan áætlar að hagkerfið hafi dregist saman um 1,9% á öðrum ársfjórðungi. Gistinóttum fjölgaði alls um 16,5% á milli ára í júlí. Í vikunni birtir Seðlabankinn viðskiptajöfnuð við útlönd og fundargerð peningastefnunefndar.
1. september 2025
Vikan framundan
- Á morgun verða birtar verðbólgutölur á evrusvæðinu.
- Á miðvikudag birtir Seðlabankinn fundargerð peningastefnunefndar.
- Á fimmtudag birtir Seðlabankinn greiðslujöfnuð við útlönd og erlenda stöðu þjóðarbúsins á öðrum ársfjórðungi.
- Á föstudag verður birt atvinnuleysi í Bandaríkjunum.
Mynd vikunnar
Landsframleiðsla dróst saman um 1,9% á öðrum ársfjórðungi þessa árs, samkvæmt fyrsta mati Hagstofunnar. Áætlað er að á fyrri helmingi ársins hafi landsframleiðslan verið 0,3% meiri en á fyrri helmingi síðasta árs. Framlag utanríkisviðskipta var neikvætt um 5,8%, bæði vegna aukins innflutnings og örlítils samdráttar í útflutningi. Á móti kom aukin innlend eftirspurn. Fjármunamyndun jókst um 8,3%, sérstaklega atvinnuvegafjárfesting sem jókst um 13,6%. Einkaneysla hélt líka áfram að aukast, nú um 3,1% á milli ára. Athygli vekur þó að íbúðafjárfesting dróst saman, um 8,9%, í fyrsta sinn frá árinu 2023.
Það helsta frá vikunni sem leið
- Verðbólga mældist 3,8% í ágúst og er aftur komin niður fyrir efri vikmörk verðbólgumarkmiðs SÍ, eftir að hafa mælst 4,0% í júlí. Flugfargjöld til útlanda lækkuðu talsvert og höfðu mest áhrif til lækkunar. Framlag annarrar þjónustu dróst einnig töluvert saman. Framlag innlendra vara jókst á milli mánaða mestmegnis vegna hækkandi matvöruverðs.
- Landsframleiðsla dróst saman um 1,9% á öðrum ársfjórðungi þessa árs, samkvæmt fyrsta mati Hagstofunnar. Samdráttinn má að mestu rekja til utanríkisviðskipta, en halli á vöru- og þjónustuviðskiptum var mun meiri en á sama fjórðungi í fyrra.
- Halli á vöru- og þjónustujöfnuði nam 73,4 milljörðum króna á öðrum fjórðungi, samkvæmt bráðabirgðatölum Hagstofu Íslands. Hallinn var talsvert meiri en á sama tímabili í fyrra þegar hann nam 22,9 milljörðum. Þjónustujöfnuður var jákvæður um 61,8 milljarða en vöruviðskiptajöfnuður neikvæður um 135,2 milljarða.
- Velta skv. VSK- skýrslum ber þess merki að í flestum atvinnugreinum hafi veltan verið þó nokkuð minni í maí og júní á þessu ári en á sama tíma í fyrra.
- Gistinóttum á öllum tegundum skráðra gististaða fjölgaði um 16,5% á milli ára í júlí, þar af um 13,5% á hótelum.
- Sýn, Eimskip, Iceland Seafood, Brim, Hampiðjan, Síldarvinnslan, Landsbréf, Kópavogsbær, Félagsbústaðir, Byggðastofnun, Útgerðarfélag Reykjavíkur og Ísfélagið birtu uppgjör.
- Kaldalón hélt víxlaútboð og lauk sölu á skuldabréfum. Arion banki gaf út skuldabréf. Útgerðarfélag Reykjavíkur lauk sölu á víxlum. Orkuveitan lauk sölu á grænum skuldabréfum.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
23. sept. 2025
Greiðslukortavelta heimila heldur áfram að aukast samhliða aukinni einkaneyslu. Það sama má segja um utanlandsferðir Íslendinga en það sem af er ári hafa Íslendingar farið í rúmlega 20% fleiri utanlandsferðir en á sama tímabili í fyrra. Auk þess að fara meira til útlanda virðast landsmenn kaupa þó nokkuð fleiri bíla en í fyrra. Á fyrstu átta mánuðum þessa árs voru nýskráðir bílar um 28% fleiri en á sama tíma í fyrra.
22. sept. 2025
Raunverð íbúða lækkaði á milli ára í ágúst, í fyrsta skipti frá því í byrjun árs 2024. Nafnverð íbúða hefur aðeins hækkað um 2,2% á einu ári og sífellt lengri tíma tekur að selja íbúðir. Leiguvísitalan hækkaði þó í ágúst og hækkandi leiguverð hefur með tímanum áhrif á verðbólgumælingar. Hagstofan birtir vísitölu neysluverðs næsta fimmtudag.
15. sept. 2025
Ferðamönnum hélt áfram að fjölga af krafti í ágúst og Íslendingar slógu enn eitt metið í fjölda utanlandsferða. Atvinnuleysi hélst óbreytt á milli mánaða í 3,4% og er lítillega meira en á sama tíma í fyrra. Í þessari viku birtir HMS nýjustu gögn um íbúðamarkað og við fylgjumst með vaxtaákvörðunum í Bandaríkjunum og Bretlandi.
11. sept. 2025
Við spáum því að verðbólga aukist í september og mælist 4,1%. Aukin verðbólga skýrist aðallega af því að í september í fyrra voru máltíðir í grunnskólum gerðar ókeypis og lækkunaráhrifin af því detta nú út úr ársverðbólgunni. Verðhækkun á mjólkurafurðum leiðir til meiri hækkunar á matvöruverði en síðustu mánuði. Ró yfir húsnæðismarkaðnum heldur aftur af hækkunum á reiknaðri húsaleigu en útsölulok hafa áhrif til hækkunar í mánuðinum, gangi spáin eftir.
8. sept. 2025
Í þessari viku ber hæst útgáfu á tölum um fjölda ferðamanna í ágúst og skráð atvinnuleysi. Í síðustu viku birti Seðlabankinn fundargerð peningastefnunefndar þar sem fram kom að allir nefndarmenn hefðu verið sammála um að halda vöxtum óbreyttum í ágúst. Þá birti Seðlabankinn einnig tölur um greiðslujöfnuð við útlönd sem gáfu til kynna mun meiri halla á viðskiptum við útlönd á öðrum fjórðungi þessa árs en þess síðasta.
1. sept. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
28. ágúst 2025
Vísitala neysluverðs lækkaði um 0,15% á milli mánaða í ágúst og verðbólga hjaðnaði úr 4,0% í 3,8%. Hjöðnun á milli mánaða kemur ánægjulega á óvart en við spáðum 0,07% hækkun á vísitölunni og óbreyttri verðbólgu. Við gerum nú ráð fyrir að verðbólga verði 3,8% í árslok, að stærstum hluta vegna lægri mælingar nú en við spáðum áður.
25. ágúst 2025
Seðlabanki Íslands hélt stýrivöxtum óbreyttum í 7,50% í síðustu viku og allir nefndarmenn studdu ákvörðunina. Vísitala íbúðaverðs hefur hækkað um 4,2% á síðasta árinu, en í janúar var árshækkunin 10,4%. Í vikunni birtir Hagstofan verðbólgutölur fyrir ágústmánuð og þjóðhagsreikninga fyrir annan ársfjórðung.
22. ágúst 2025
Á síðustu misserum hefur dregið töluvert úr verðhækkunum á íbúðamarkaði. Vísitala íbúðaverðs hefur hækkað um 4,2% á síðustu 12 mánuðum, aðeins örlítið umfram almennt verðlag, og ársbreytingin hefur ekki verið minni frá því í byrjun árs 2024. Þótt kaupsamningar hafi verið færri á fyrstu sjö mánuðum þessa árs en á sama tíma í fyrra er enn talsverð velta á markaðnum.
19. ágúst 2025
Vöruútflutningur frá Íslandi hefur aukist frá því í fyrra en samt hefur vöruskiptahalli aldrei verið meiri en nú. Þetta skýrist af stórauknum vöruinnflutningi, einkum á tölvubúnaði í tengslum við uppbyggingu gagnavera. Ferðaþjónustan hefur skilað auknum tekjum í ár en á móti hefur utanlandsferðum Íslendinga fjölgað og uppsafnaður kortaveltujöfnuður við útlönd var enn neikvæður í lok júlí.