Óvenju lít­il hækk­un íbúða­verðs í janú­ar

Íbúðaverð hækkaði nokkuð minna milli mánaða í janúar en á fyrri mánuðum, eða aðeins um 0,1%. Of snemmt er að segja til um hvort almennt sé að hægja á verðhækkunum. Spenna virðist nokkur á markaði þar sem íbúðir seljast hraðar en áður og oft yfir ásettu verði. Þrátt fyrir það þróast íbúðaverð nokkuð hægt og í ágætu samræmi við verðlag annarra vara.
Fjölbýlishús
17. febrúar 2021 - Hagfræðideild

Samkvæmt nýbirtum tölum Þjóðskrár Íslands hækkaði íbúðaverð á höfuðborgarsvæðinu að meðaltali um 0,1% milli desember og janúar. Verð á fjölbýli hækkaði um 0,1% og verð á sérbýli lækkaði um 0,2%. 12 mánaða hækkun íbúðaverðs mælist nú 7,3% og lækkar frá því í desember. Þetta er minnsta hækkun sem hefur sést milli mánaða frá því í apríl í fyrra, eða frá því að áhrifa heimsfaraldursins fór að gæta verulega hér á landi.

Íbúðaverð tók að hækka nokkuð hratt milli mánaða upp úr miðju síðasta ári í kjölfar vaxtalækkana og voru hækkanir að jafnaði um 0,9% milli mánaða á seinni hluta ársins. Það má því segja að hækkunin nú sé óvenju lítil miðað við þá þróun og þær vísbendingar sem hafa borist um vaxandi spennu út frá styttri sölutíma og háu hlutfalli sem selst yfir ásettu verði. Ef til vill er markaðurinn að nálgast nýtt jafnvægi og mestu áhrif vaxtalækkana að fjara út.

Líkt og margoft hefur komið fram jukust viðskipti með íbúðarhúsnæði verulega þegar leið á síðasta ár og voru hátt í 900 kaupsamningar undirritaðir í hverjum mánuði á seinni hluta ársins. Þjóðskrá birti á dögunum upplýsingar um hlutfall fyrstu kaupenda í íbúðaviðskiptum. Í ljós kom að 33% íbúðaviðskipta á höfuðborgarsvæðinu á fjórða ársfjórðungi í fyrra voru vegna fyrstu kaupa og hefur hlutfallið ekki mælst hærra frá upphafi gagnasöfnunar. Hlutfallið var til samanburðar 29% á sama tíma árið 2019 og 25% árið 2018.

Spenna virðist því vera nokkur á fasteignamarkaði þó hækkunin hafi verið afar hófleg í janúar. Vaxandi spenna síðasta árs virðist þó ekki hafa komið í veg fyrir tækifæri fyrstu kaupenda, enda fást hagstæðari lánskjör nú en oft áður. Ef hækkanir verða áfram hóflegar má gera ráð fyrir því að markaðurinn sé að ná nýju jafnvægi þar sem framboð er í takt við eftirspurn, aðgengi fólks að lánsfé tryggt og hækkanir því hóflegar.

Lesa Hagsjána í heild

Hagsjá: Óvenju lítil hækkun íbúðaverðs í janúar

Þú gætir einnig haft áhuga á
Fasteignir
25. feb. 2021

4,1% verðbólga í febrúar – áfram yfir markmiði Seðlabankans

Vísitala neysluverðs (VNV) hækkaði um 0,69% milli mánaða í febrúar og mælist verðbólga nú 4,1% samanborið við 4,3% í janúar. Verðbólga er því enn yfir efri vikmörkum Seðlabankans um verðbólgumarkmið.
Smiður
24. feb. 2021

Launavísitalan hækkaði um 3,7% í janúar - kaupmáttur jókst um 5,8% milli ára

Launavísitalan hækkaði um 3,7% milli desember og janúar. Síðustu 12 mánuði hefur launavísitalan hækkað um 10,3%. Þetta er mesta hækkun launavísitölunnar í einum mánuði síðan í júní 2011 og mesta árshækkun frá því í október 2016. Kaupmáttaraukningin á milli ára var 5,8% og hefur kaupmáttur launa aldrei verið hærri en nú í janúar.
Kauphöll
22. feb. 2021

Hagsjá: Miklar hækkanir á hlutabréfamarkaði

Mikið líf hefur verið á íslenskum hlutabréfamarkaði á síðustu mánuðum og verðhækkanir verið miklar. Frá áramótum hefur OMXI10 vísitalan hækkað um rúmlega 18% en það er mikil hækkun á svo skömmum tíma. Frá því að markaðurinn náði lágmarki í mars á síðasta ári hefur hann hækkað um tæplega 91%. Viðskipti á markaðnum hafa einnig aukist mikið á síðustu misserum og var desembermánuður metmánuður í fjölda viðskipta en þá voru hlutabréfaviðskipti tæplega 9.500.
Landsspítalinn
22. feb. 2021

Vikubyrjun 22. febrúar 2021

Það gengur mishratt að bólusetja gegn Covid-19 í helstu viðskiptalöndum okkar. Bólusetning gengur hraðast fyrir sig í Bretlandi og Bandaríkjunum, en mun hægar í Evrópusambandinu, Danmörku, Noregi og Svíþjóð.
Litríkir bolir á fataslá
19. feb. 2021

Neysla landsmanna innanlands meiri í janúar í ár en í fyrra

Neysla Íslendinga jókst um 2,5% innanlands miðað við fast verðlag í janúar og dróst saman um 46% erlendis miðað við fast gengi. Daglegt líf innanlands virðist smám saman vera að komast í eðlilegra horf eftir því sem slakað hefur verið á samkomutakmörkunum og má gera ráð fyrir því að neysla litist af því næstu mánuði.
Ferðamenn á jökli
18. feb. 2021

Atvinnuleysi mest á Íslandi af Norðurlöndunum

Vorið 2020 jókst atvinnuleysi á öllum Norðurlöndunum. Tímabundið var aukningin mest á Íslandi og í Noregi þar sem hlutabætur komu meira til sögunnar en í hinum löndunum. Sé hins vegar litið á stöðuna í lok ársins, þegar hlutabæturnar voru farnar að skipta mun minna máli, má sjá að þróunin hér á landi er mjög frábrugðin hinum löndunum. Hér hefur atvinnuleysi haldið áfram að aukast og var komið yfir 10% í lok ársins. Frá miðju síðasta ári hefur atvinnuleysi verið óbreytt í Finnlandi en minnkað í Svíþjóð, Danmörku og Noregi.
Háþrýstiþvottur
16. feb. 2021

Atvinnuleysi jókst minna í janúar en reikna mátti með

Á árinu 2000 voru konur með grunnskólapróf 67% atvinnulausra kvenna og konur með háskólapróf 7%. Á síðustu 20 árum hafa þessir tveir hópar þróast með algerlega gagnstæðum hætti. Hlutfall kvenna með grunnskólapróf af atvinnulausum konum hefur farið sífellt minnkandi og hlutfall háskólamenntaðra kvenna sífellt aukist. Í fyrra voru atvinnulausar konur með grunnskólamenntun 37% atvinnulausra kvenna og konur með háskólamenntun 33%.
Siglufjörður
15. feb. 2021

Mikil verðlækkun á gistingu hér á landi

Ein af afleiðingum minnkandi ferðalaga í heiminum eru almennar verðlækkanir á þjónustu hótela og gistiheimila. Verðlækkanirnar hafa þó verið mismiklar eftir löndum og skýrist það m.a. af því að farsóttin hefur haft mismikil áhrif á ferðaþjónustu hvers lands. Verðlækkun á gistingu hér á landi á síðasta ári var til að mynda mun meiri en að jafnaði í evrulöndunum.
Kranar á byggingarsvæði
15. feb. 2021

Vikubyrjun 15. febrúar 2021

Frá aldamótum hefur að jafnaði verið hafin bygging á fleiri íbúðum á hverja 100.000 íbúa hér á landi en á hinum Norðurlöndunum. Hér hefur verið hafin bygging á tæplega 670 íbúðum að meðaltali á hverja 100.000 íbúa á ári frá aldamótum, meðan fjöldinn er á bilinu 350-580 í Svíþjóð, Danmörku og Noregi.
11. feb. 2021

Meiri sveiflur á íbúðamarkaði hér á landi en hjá nágrannaþjóðum

Raunverð íbúðarhúsnæðis hefur hækkað nokkuð hraðar hér á landi en meðal nágrannaþjóða á síðustu árum. Covid-19-faraldurinn virðist þó hafa meiri áhrif til hækkunar víða í kringum okkur en reyndin er hér. Mikil uppbygging síðustu ára hér á landi gæti hafa mildað verðhækkanir, en mikil og sveiflukennd uppbygging hefur einkennt íslenskan byggingarmarkað í samanburði við önnur lönd.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur