Peningastefnunefnd Seðlabanka Íslands hækkaði vexti í maí um 0,25 prósentustig sem var í takt við væntingar. Þetta var önnur hækkunin í röð og samhliða vaxtaákvörðuninni birti bankinn nýja spá sem sýnir verulega versnandi verðbólguhorfur og verri hagvaxtarhorfur. Við sjáum víða merki um að hagkerfið fari kólnandi. Mikill samdráttur sást í kortaveltu heimilanna í apríl og atvinnuleysi mælist talsvert hærra en á sama tíma í fyrra. Kólnun í hagkerfinu dregur úr verðbólguþrýstingi, en verðbólga er engu að síður nokkuð þrálát þessa stundina og má reikna með því að svo verði á meðan olíuverð mælist hátt.
Verðbólga í maí mældist 5,1% og var meiri en við höfðum spáð. Spáskekkjan lá aðallega í hækkun á verði á flugfargjöldum til útlanda. Það eru tveir liðir sem hafa mest áhrif á verðbólguþróunina nú, eldsneyti og flugfargjöld. Eldsneytisverð lækkaði vegna tímabundinnar lækkunar á virðisaukaskatti en flugfargjöld hafa hækkað verulega. Ef ekki hefði komið til lækkunar á virðisaukaskatti hefði verðbólga mælst 5,5%. Það er því ljóst að olíuverðshækkanir hafa mikil áhrif á verðþróun þessa stundina. Aðrir liðir verka þó flestir til lækkunar á ársverðbólgu og má þar m.a. nefna verð á mat og drykk sem hefur nú lækkað tvo mánuði í röð. Við teljum þetta því vera merki um að verðbólguþrýstingur almennt sé að minnka þrátt fyrir aukna verðbólgu sem rekja má til utanaðkomandi áhrifa.
Lesa fréttabréfið í heild:
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
