At­vinnu­leysi minnk­ar enn og að­flutt vinnu­afl sí­fellt mik­il­væg­ara

Atvinnuleysi dróst saman um 0,1 prósentustig milli mánaða í ágúst og var 3,1%. Atvinnuleysi minnkaði mest í ferðatengdum greinum milli mánaða, enda fjölgaði erlendum ferðamönnum eftir því sem leið á sumarið. Sífellt fleiri stjórnendur fyrirtækja á Íslandi telja vanta vinnuafl og eftir því sem störfum fjölgar verður erlent vinnuafl mikilvægara á íslenskum vinnumarkaði.
Fólk við Geysi
20. september 2022 - Hagfræðideild

Skráð atvinnuleysi var 3,1% í ágúst, samkvæmt tölum Vinnumálastofnunar. Það minnkaði úr 3,2% í júlí og að meðaltali fækkaði atvinnulausum um 270. Alls voru 6.118 á atvinnuleysisskrá í lok ágúst. Atvinnuleysið hefur ekki verið jafn lítið síðan í febrúar árið 2019 og Vinnumálastofnun spáir því að það haldist nokkuð stöðugt í september og verði á bilinu 2,9-3,2%.

Langtímaatvinnulausum, þeim sem hafa leitað að vinnu lengur en í eitt ár, fjölgaði engu að síður örlítið milli mánaða. Nú eru 2.395 í þeim hópi, þó rúmlega helmingi færri en í ágúst í fyrra.

Atvinnuleysi áfram mest á Suðurnesjum

Atvinnuleysi hefur minnkað eða staðið í stað í öllum landshlutum, að undanskildum Vestfjörðum, þar sem það jókst um 0,1 prósentustig milli mánaða. Það er áfram mest á Suðurnesjum, eða 5,3%, en þar fór það hæst upp í 24,5% þegar þrengdi sem mest að ferðaþjónustunni í faraldrinum. Næstmest er atvinnuleysi á höfuðborgarsvæðinu, 3,4%. Atvinnuleysi er minnst á Norðurlandi vestra, aðeins 0,7%, og næstminnst á Austurlandi, 1,3%.

Ferðafólki fjölgar og atvinnuleysi í ferðagreinum minnkar mest

Atvinnulausum fækkaði í öllum atvinnugreinum í ágúst, mest í ferðatengdum greinum, um 18% milli mánaða, enda hefur erlendum ferðamönnum haldið áfram að fjölga eftir því sem liðið hefur á sumarið. Í ágúst ferðuðust 241 þúsund erlendir ferðamenn frá Keflavíkurflugvelli, 9 þúsundum fleiri en í júlí. Í ágúst 2018, þegar fjöldi ferðamanna var í sögulegu hámarki, flugu héðan 287 þúsund erlendir ferðamenn. Uppgang ferðaþjónustunnar má líka lesa úr tölum Hagstofunnar um gistinætur á hótelum. Tölur yfir ágústmánuð eru ekki komnar, en gistinætur hafa aldrei verið fleiri en í júlí, rúm ein og hálf milljón.

Einnig dró úr atvinnuleysi í ýmiss konar opinberri þjónustu, um 17%, og í upplýsingatækni og útgáfu minnkaði það um 16%.

Aðflutt starfsfólk mætir þörf á vinnuafli

Frá árinu 2007 hafa aldrei fleiri fyrirtæki talið vanta starfsfólk og ljóst er að aðflutt starfsfólk er nauðsynlegt til að mæta aukinni eftirspurn eftir vinnuafli á Íslandi.  

Því er ekki furða að erlendum ríkisborgurum fjölgi ört, en fjöldinn stóð nokkurn veginn í stað yfir Covid-mánuðina. Greint var frá því í ágúst að aldrei hefðu fleiri flutt til landsins á einum ársfjórðungi en á öðrum ársfjórðungi þessa árs. Í lok júní bjuggu hér á landi 59.460 erlendir ríkisborgarar, samkvæmt nýjustu tölum Hagstofu Íslands, sjö þúsund fleiri en á sama tíma á síðasta ári. Starfandi innflytjendur hér á landi eru 48 þúsund talsins.

Langstærstur hluti innflytjenda á Íslandi starfar í greinum tengdum ferðaþjónustu en nokkur fjöldi einnig í byggingariðnaði, þar sem umsvif hafa snaraukist á síðustu mánuðum og þeim fjölgað sem starfa í greininni.

Fyrirvari
Innihald og form þessarar greiningar er unnið af starfsfólki Hagfræðideildar Landsbankans hf. (hagfraedideild@landsbankinn.is) og byggist á aðgengilegum opinberum upplýsingum á þeim tíma sem greiningin var unnin. Mat á þeim upplýsingum endurspeglar skoðanir starfsfólks Hagfræðideildar Landsbankans á þeim degi þegar greiningin er dagsett, en þær geta breyst án fyrirvara. Landsbankinn hf. og starfsfólk hans taka ekki ábyrgð á viðskiptum sem byggð eru á þeim upplýsingum og skoðunum sem hér eru settar fram, enda eru þær ekki veittar sem persónuleg ráðgjöf fyrir einstök viðskipti. Bent skal á að Landsbankinn hf. getur á hverjum tíma haft beinna eða óbeinna hagsmuna að gæta, ýmist sjálfur, dótturfélög hans eða fyrir hönd viðskiptavina, s.s. sem fjárfestir, lánardrottinn eða þjónustuaðili. Greiningar eru engu að síður unnar sjálfstætt af Hagfræðideild Landsbankans og innan Landsbankans eru í gildi reglur um aðskilnað starfssviða sem eru aðgengilegar á vef bankans.
Þú gætir einnig haft áhuga á
Kauphöll
6. des. 2022

Erlendir markaðir upp en sá íslenski niður í nóvember

Nokkuð kröftugar hækkanir voru á hlutabréfamörkuðum helstu viðskiptalanda Íslands í nóvember og lá hækkunin á bilinu 3,1-8,9% en meðalhækkunin var 6,4%. Þróunin hér heima skar sig verulega frá en íslenski hlutabréfamarkaðurinn lækkaði um 0,4% í mánuðinum. Hagstæðar verðbólgutölur í Bandaríkjunum höfðu mikil jákvæð áhrif á verðþróun í Bandaríkjunum og komu þau áhrif einnig fram hér á landi, en þó ekki með jafn afgerandi hætti.
6. des. 2022

Sterk staða verslunar og þjónustu – ferðaþjónustan leikur lykilhlutverk í vextinum

Hagfræðideild Landsbankans hefur tekið saman skýrslu um stöðu verslunar og þjónustu á Íslandi. Áskoranir á borð við heimsfaraldur, verðhækkanir erlendis og miklar og mismunandi hækkanir launa hafa litað reksturinn síðustu misseri. Greinin hefur þó sýnt seiglu og aðlagast nýjum veruleika hverju sinni.
Bílar
5. des. 2022

Vikubyrjun 5. desember 2022

Síðan í júlí, þegar verðbólgan hér á landi mældist hæst 9,9%, hefur framlag bensíns, húsnæðis og þjónustu til 12 mánaða verðbólgu minnkað. Það veldur áhyggjum að framlag innfluttra vara (án bensíns) og innlendra vara heldur áfram að hækka.
Vöruhótel
5. des. 2022

Afgangur af viðskiptum við útlönd á 3. ársfjórðungi, en líklega halli á árinu í heild

23 ma.kr. afgangur mældist af viðskiptum við útlönd á þriðja ársfjórðungi sem má þakka erlendum ferðamönnum sem komu til landsins. Halli mældist þó á fyrstu 9 mánuðum árs og ólíklegt þykir að hann verði unnin upp á fjórða ársfjórðungi, m.a. vegna mikilla ferðalaga Íslendinga útlanda og eyðslu erlendis.
2. des. 2022

Mánaðaryfirlit yfir sértryggð skuldabréf

Tvö útboð sértryggðra skuldabréfa voru haldin í nóvember.
Krani með stiga
1. des. 2022

Óljós merki um rólegri vinnumarkað

Á allra síðustu mánuðum hefur mátt greina merki um að dregið hafi úr spennu á vinnumarkaði sem tók að þenjast hratt út eftir faraldurinn. Hlutfall fyrirtækja sem vilja fjölga starfsfólki hefur lækkað, vinnuaflsnotkun eykst hægar en áður og lausum störfum á hvern atvinnulausan hefur fækkað aftur. Þó sýnir mæling Hagstofunnar á slaka að spenna hafi aukist lítillega í haust eftir að dregið hafði úr henni í sumar. Aðflutningur fólks til landsins er í sögulegu hámarki sem ætla má að geti dregið úr spennu á vinnumarkaði.
Ferðamenn við Strokk
30. nóv. 2022

Ferðaþjónustan áfram megindrifkraftur kröftugs hagvaxtar

Hagvöxtur mældist 7,3% á þriðja ársfjórðungi borið saman við sama tímabil í fyrra samkvæmt fyrsta mati Hagstofu Íslands. Þetta er töluvert kröftugur hagvöxtur og 0,6 prósentustiga meiri vöxtur en að meðaltali eftir að hagkerfið tók að vaxa á ný eftir faraldur. Vöxturinn var nú, líkt og áður keyrður áfram af miklum vexti í ferðaþjónustu.
29. nóv. 2022

Verðbólgan í nóvember í samræmi við væntingar – óbreyttar horfur næstu mánuði

Vísitala neysluverðs hækkaði um 0,29% milli mánaða í nóvember. Ársverðbólgan dróst saman úr 9,4% í 9,3% og er nú sú sama og í september. Alls hefur verðbólgan minnkað um 0,6 prósentustig frá því hún náði hámarki í júlí.
Seðlabanki Íslands
28. nóv. 2022

Vikubyrjun 28. nóvember 2022

Það er ekki bara hér á landi sem Seðlabankinn hefur hækkað vexti til að reyna að slá á verðbólguna. Seðlabankar flest allra þróaðra ríkja, að Japan undanskildu, hafa hækkað vexti frá upphafi árs 2021.
Siglufjörður
23. nóv. 2022

Mjög mismunandi launahækkanir hópa á samningstímabilinu

Launavísitalan hækkaði um 0,3% milli september og október samkvæmt tölum Hagstofu Íslands. Síðustu 12 mánuði hefur launavísitalan hækkað um 7,9%. Launahækkanir halda ekki lengur í við verðbólguþróun og er kaupmáttur því á niðurleið.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur