Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur
Fréttir

Arð­greiðsl­ur Lands­bank­ans árið 2018 verða sam­tals 24,8 millj­arð­ar króna

Aðalfundur Landsbankans samþykkti í dag, 21. mars, að bankinn greiði samtals út arð að fjárhæð 24,8 milljarðar króna á árinu 2018. Annars vegar er um að ræða 15.366 milljóna króna arð vegna rekstrarársins 2017 og hins vegar sérstakan arð til hluthafa að fjárhæð 9.456 milljónir króna. Alls munu arðgreiðslur bankans á árunum 2013-2018 því nema um 131,7 milljörðum króna.
21. mars 2018

Aðalfundurinn fór fram í útibúi Landsbankans í Austurstræti 11. Á dagskrá fundarins voru hefðbundin aðalfundarstörf. Í tengslum við fundinn var samfélagsskýrsla Landsbankans fyrir árið 2017 gefin út. Ársskýrsla Landsbankans fyrir árið 2017 kom út samhliða ársuppgjöri þann 15. febrúar sl.

Skýrsla stjórnar

Helga Björk Eiríksdóttir, formaður bankaráðs, sagði í ræðu sinni á aðalfundi að Landsbankinn hefði notið vaxandi meðbyrs á árinu 2017. Það væri í senn mikilvægt og ánægjulegt að kannanir sýndu að traust til bankans hefði aukist og aukna ánægju viðskiptavina með þjónustu hans. Bankanum hefði tekist að halda kostnaði í skefjum og rekstur bankans á árinu 2017 hefði verið í samræmi við áætlanir. Arðsemi eiginfjár eftir skatta hefði þó verið undir langtímamarkmiði og því ljóst að bankinn þyrfti að bæta grunnreksturinn enn frekar. Á árinu 2018 yrði megináhersla lögð á þróun og nýjungar á sviði stafrænnar þjónustu.

Helga Björk sagði að góður rekstur bankans og traustur efnahagur hefði gert honum kleift að greiða út verulegan arð til hluthafa. Miðað við framlagða arðgreiðslutillögu sem fundurinn samþykkti mun bankinn hafa greitt alls um 132 milljarða króna í arð á tímabilinu 2013-2018. Nánast allar arðgreiðslurnar renna í ríkissjóð sem á 98,2% hlutafjár í bankanum.

Helga Björk ræddi einnig um sérstaka skatta sem lagðir eru á stóru bankana þrjá og hvernig skattheimtan skekkti samkeppnisstöðu þeirra, m.a. gagnvart erlendum bönkum.

Helga Björk sagði að einn liður í að bregðast við vaxandi samkeppni, örum breytingum á bankaþjónustu og vaxandi kröfum um hagræðingu í rekstri, væri að sameina alla miðlæga starfsemi bankans í nýjum húsakynnum. Við Austurhöfn í Reykjavík myndi bankinn reisa hagkvæmt hús sem mætir þörfum nútímafjármálafyrirtækis og auðveldar samvinnu milli ólíkra deilda bankans.

Skýrsla stjórnar

Uppgjör Landsbankans 2017

Á aðalfundinum kynnti Lilja Björk Einarsdóttir, bankastjóri Landsbankans, uppgjör bankans fyrir árið 2017. Hún sagði að margt hefði gengið bankanum í vil á árinu. Markaðshlutdeild bankans á fyrirtækjamarkaði og á einstaklingsmarkaði hefði til að mynda haldið áfram að aukast og hefði bankinn nú verið með hæstu markaðshlutdeild á einstaklingsmarkaði fjögur ár í röð. Landsbankinn legði mikla áherslu á að veita góða þjónustu og samkeppnishæf kjör og því væri afar ánægjulegt að fleiri einstaklingar og fyrirtæki velji að eiga viðskipti við bankann.

Lilja sagði að rekstrarniðurstaða ársins 2017 hefði verið afar góð en hagnaður bankans nam 19,8 milljörðum króna eftir skatta, miðað við 16,6 milljarða króna árið 2016. Arðsemi eigin fjár nam 8,2% og eiginfjárhlutfallið var 26,7%. Kostnaðarhlutfall bankans nam 46,1% og lækkaði á milli ára. Markmið bankans væri að viðhalda a.m.k. 10% arðsemi eigin fjár, kostnaðarhlutfalli undir 45% og a.m.k. 23% eiginfjárhlutfalli. Lilja sagði að lægri rekstrarkostnaður myndi skila ávinningi fyrir bæði viðskiptavini og eigendur. Þá stefndi bankinn að því að auka enn frekar hagkvæmni í fjármagnsskipan sinni, m.a. með áframhaldandi reglulegum og sérstökum arðgreiðslum til hluthafa. Bankinn myndi ekki ná öllum arðsemismarkmiðum sínum á árinum 2018 en stefnt sé að því að ná þeim á árinu 2020.

Lilja sagði að Landsbankinn hefði náð góðum árangri á ýmsum sviðum á árinu 2017. Lánshæfiseinkunn bankans hefði verið hækkuð í BBB+ með stöðugum horfum. Þá hefði bankinn látið til sín taka á vettvangi netöryggis og samfélagsábyrgðar fyrirtækja en bankinn átti ríkan þátt í stofnun nýrra samtaka um ábyrgar fjárfestingar, IcelandSIF. Eitt stærsta rekstrarverkefni ársins, innleiðing á nýju innlána- og greiðslukerfi, hefði gengið vel og bankinn gæti því byggt framþróun og breytingar á stafrænni þjónustu á traustum grunni. Landsbankinn ætli sér að bæta og efla stafræna þjónustu og treysta um leið persónuleg langtímasambönd við einstaklinga og fyrirtæki.

Á fundinum ræddi Hreiðar Bjarnason, framkvæmdastjóri Fjármála Landsbankans, um breytingar á fjármögnun bankans á árinu 2017. Bankinn hefði í auknum mæli nýtt sér hagstæð kjör sem honum standa til boða á erlendum lánsfjármörkuðum og þannig lokið á árinu 2017 endurfjármögnun skuldar bankans við forvera sinn, gamla Landsbanka Íslands hf. Hreiðar benti á að á aðeins rúmlega tveimur árum, frá október 2015 til nóvember 2017, hefði vaxtaálag á skuldabréfaútgáfu Landsbankans í evrum lækkað úr 295 punktum ofan á millibankavexti í 85 punkta.

Kynning á ársuppgjöri 2017

Arðgreiðslur ársins 2018 nemi 24,8 milljörðum króna

Á aðalfundinum var samþykkt tillaga bankaráðs um að greiddur verði arður til hluthafa vegna reikningsársins 2017 sem nemur 0,65 krónu á hlut, eða samtals 15.366 milljónum króna. Gjalddagi greiðslunnar er 28. mars 2018. Einnig var samþykkt tillaga bankaráðs um sérstaka arðgreiðslu til hluthafa sem nemur 0,40 krónu á hlut, eða 9.456 milljónum króna. Gjalddagi sérstöku arðgreiðslunnar skal vera 19. september 2018.

Arðgreiðslurnar eru í samræmi við arðgreiðslustefnu bankans en þar er gert ráð fyrir að reglulegar arðgreiðslur verði að jafnaði 60-80% af hagnaði fyrra árs og að einnig skuli stefnt að sérstökum arðgreiðslum til þess að auka hagkvæmni í fjármagnsskipan bankans. Við ákvörðun um arðgreiðslur verði tryggt að bankinn uppfylli lögbundnar kröfur á hverjum tíma og viðhaldi sterkri fjárhagsstöðu.

Eftirtalin voru kjörin aðalmenn í bankaráð Landsbankans:

  • Helga Björk Eiríksdóttir (formaður)
  • Berglind Svavarsdóttir
  • Einar Þór Bjarnason
  • Hersir Sigurgeirsson
  • Jón Guðmann Pétursson
  • Samúel Guðmundsson
  • Sigríður Benediktsdóttir

Eftirtalin voru kjörin varamenn í bankaráð Landsbankans:

  • Guðrún Ó. Blöndal
  • Þorvaldur Jacobsen

Aðalfundur samþykkti óbreytta starfskjarastefnu fyrir Landsbankann en í stefnunni er m.a. kveðið á um að launakjör starfsmanna bankans séu samkeppnishæf en ekki leiðandi. Á fundinum var samþykkt um 5% hækkun á þóknun til bankaráðsmanna.

Nánari upplýsingar um aðalfund Landsbankans

Þú gætir einnig haft áhuga á
Eystra horn
25. ágúst 2025
Landsbréf skila góðum árangri á fyrri hluta ársins
Landsbréf hf. hafa birt árshlutareikning fyrir fyrri hluta ársins 2025.
Listaverk kvenna í eigu Landsbankans
25. ágúst 2025
Listakonur í Landsbankanum - sýning og fleiri verk eftir konur á listaverkavefnum
Á nýrri sýningu sem opnaði í Reykjastræti 6 á Menningarnótt er sjónum beint að listaverkum í eigu bankans sem eru eftir konur. Við opnuðum einnig nýjan hluta á listaverkavef bankans þar sem birt eru um 90 verk eftir konur.
18. ágúst 2025
Dagskrá Landsbankans, Hörpu og Hafnartorgs á Menningarnótt
Menningarnótt verður haldin hátíðleg í miðborg Reykjavíkur laugardaginn 23. ágúst næstkomandi. Landsbankinn hefur verið máttarstólpi Menningarnætur frá upphafi og býður að venju upp á fjölbreytta dagskrá, bæði í Reykjastræti og við Hörputorg í samstarfi við Hafnartorg og Hörpu.
Listaverk kvenna í eigu Landsbankans
14. ágúst 2025
Listakonur í Landsbankanum: Leiðsögn á Menningarnótt um nýja sýningu
Í tilefni Kvennaárs 2025 opnar ný myndlistarsýning í Reykjastræti 6 þar sem sjónum verður beint að listaverkum í eigu bankans sem eru eftir konur. Sýningin opnar á Menningarnótt og um leið uppfærum við listaverkavef Landsbankans með sérstakri umfjöllun um listaverk eftir konur.
Austurstræti 11
25. júlí 2025
Tilboði tekið í Austurstræti 11 og hús bankans í Hafnarstræti
Landsbankinn hefur tekið tilboði Landsbyggðar ehf. í Landsbankahúsið við Austurstræti 11 og Hafnarstræti 10, 12 og 14.
Gleðiganga
15. júlí 2025
Úthlutað úr Gleðigöngupotti Hinsegin daga og Landsbankans
Tíu atriði hlutu styrk úr Gleðigöngupotti Hinsegin daga og Landsbankans vegna Gleðigöngunnar 2025. Gleðigangan, sem gengin verður laugardaginn 9. ágúst nk., er hápunktur Hinsegin daga og verður hún nú gengin í 23. skipti.
4. júlí 2025
Frábær þátttaka í Aukakrónuhlaupi Ármanns
Aukakrónuhlaup Ármanns og Meistaramót Íslands í 10 km götuhlaupi voru ræst fyrir utan Landsbankann, Reykjastræti 6, miðvikudaginn 2. júlí. Veðrið var með besta móti og tóku tæplega 500 hlauparar þátt að þessu sinni, enda njóta götuhlaupin mikilla vinsælda hér á landi. Andrea Kolbeinsdóttir og Stefán Pálsson stóðu uppi sem sigurvegarar og eru Íslandsmeistarar í 10 km götuhlaupi árið 2025.
1. júlí 2025
Útibú TM og Landsbankans á Selfossi sameinast
Útibú TM og Landsbankans á Selfossi sameinast í dag, þriðjudaginn 1. júlí 2025, undir einu þaki í Landsbankahúsinu við Austurveg 20. Þar með geta viðskiptavinir sótt sér trygginga- og bankaþjónustu á einum og sama staðnum.
Reykjastræti
19. júní 2025
Útibú TM er flutt í Reykjastræti 6
Útibú TM á höfuðborgarsvæðinu flutti í dag, 19. júní 2025, í útibú Landsbankans í Reykjastræti 6 í miðborg Reykjavíkur. Þar tekur starfsfólk TM og bankans vel á móti viðskiptavinum.
Yayland
4. júní 2025
YAY og Landsbankinn stofna nýtt félag – Yayland
Fjártæknifyrirtækið YAY og Landsbankinn hafa stofnað nýtt félag, Yayland ehf., sem mun sérhæfa sig í þróun, sölu, útgáfu og rekstri á stafrænum og hefðbundnum inneignarkortum, gjafabréfum og vildarkortum. Yayland mun taka yfir alla gjafakortastarfsemi YAY á Íslandi og jafnframt alla útgáfu og rekstur á inneignarkortum Landsbankans.