Góð­ar við­tök­ur við fyrstu A2A-greiðslu­lausn­inni

Fyrr í sumar opnaði Landsbankinn fyrir aðgang að svokallaðri A2A-greiðslulausn, fyrstur íslenskra banka, og óhætt er að segja að áhuginn hafi verið mikill.
9. ágúst 2019

Frá því lausnin var sett í loftið hafa rúmlega 50 aðilar í fjártæknigeiranum nýtt sér prófunarumhverfi fyrir A2A-greiðslulausnina og verið er að vinna úr fyrstu umsóknunum fyrir aðgang að raunumhverfi. Með þessu var stigið stórt skref í átt að opnu bankakerfi á Íslandi og það verður sannarlega spennandi að sjá hvernig íslensk fjártæknifyrirtæki ætla að nýta sér þennan aðgang.

Þegar rætt er um opið bankakerfi er m.a. átt við að bankar geri öðrum á fjártæknimarkaði kleift að útbúa forrit (öpp og fleira) sem geta „talað við“ tölvukerfi bankanna. Þannig geti aðrir boðið upp á ýmsa þætti fjármálaþjónustu sem áður var eingöngu í höndum bankanna.

Bankakerfið opnað

Sú tækni sem opið bankaumhverfi byggir á nefnist forritaskil (e. „application programming interface“ eða API). Landsbankinn og fleiri íslenskir bankar hafa áður opnað fyrir aðgang að ýmsum upplýsingum, s.s. um verðskrá, vexti, gengi gjaldmiðla og þennan aðgang geta fjártæknifyrirtæki nýtt sér, m.a. til að gera samanburð á kjörum. A2A-greiðslulausnin sem Landsbankinn setti í loftið í sumar gengur lengra, því með henni geta fjártæknifyrirtæki gert viðskiptavinum kleift að greiða fjármuni beint út af reikningum sínum, án þess að nota aðrar lausnir bankans, s.s. Landsbankaappið, netbankann eða greiðslukort. Landsbankinn er því sannarlega búinn að opna bankakerfið, a.m.k. að hluta.

Millifæra beint út af bankareikningum

A2A-greiðslulausnin stendur fyrir af-bankareikningi-á-bankareikning (e. account-to-account). Þegar fjártæknifyrirtæki hafa fengið aðgang að raunumhverfi fyrir greiðslulausnina geta þau útbúið forrit sem gerir viðskiptavinum kleift að millifæra íslenskar krónur af bankareikningi hjá Landsbankanum inn á bankareikninga hjá innlendum bönkum.

Með sömu aðferð má greiða beint út af bankareikningi með því að bera símann að posa úti í búð. Fjártæknifyrirtæki geta t.d. smíðað app sem nýtir síma til að skanna strikamerki á vörum úti í búð og þegar neytandinn smellir á kaupa-hnapp í appinu, skuldfærist sjálfkrafa af forskráðum bankareikningi og hann getur gengið út úr búðinni án frekari málalenginga. Þjónusta sem þessi er byrjuð að ryðja sér til rúms erlendis og ýmsar nýjungar hafa þegar litið dagsins ljós. Rétt er að taka fram að fyrirtæki fá ekki aðgang að greiðslureikningum viðskiptavina nema að fengnu sérstöku samþykki þeirra.

Markaðstorg fyrir bankaþjónustu framtíðar

A2A-greiðslulausn Landsbankans er aðgengileg á API-markaðstorgi bankans (developers.landsbankinn.is) sem opnaði í byrjun þessa árs. Aðgangur að markaðstorginu er tvíþættur, annars vegar að prófunarumhverfi og hins vegar að raunumhverfi. Þegar fyrirtæki hefur nýtt sér prófunarumhverfið og er tilbúið til að halda þróun áfram þarf að sækja um aðgang að raunumhverfi.

Aðgangur að raunumhverfi fyrir A2A-greiðslulausnina er aðeins veittur fyrirtækjum sem uppfylla skilyrði bankans, s.s. um fjárhagslegt heilbrigði, öryggi hugbúnaðarlausnar og orðsporsáhættu.

A2A-greiðslulausnin er ætluð fyrirtækjum sem hyggjast verða greiðsluvirkjendur samkvæmt nýrri tilskipun Evrópusambandsins um greiðsluþjónustu, PSD2, en tilskipuninni er ætlað að stuðla að nýsköpun og aukinni samkeppni í greiðsluþjónustu. Greiðslulausnin er sérstaklega ætluð fyrirtækjum á fjártæknimarkaði sem hafa einsett sér að sækja fram á þessum vettvangi. Landsbankinn lítur svo á að um langtímasamband sé að ræða og vill aðstoða fyrirtæki sem hafa nú þegar greiðslumiðlunarleyfi eða hyggjast fá sér slíkt leyfi eftir gildistöku PSD2.

Þótt PSD2-tilskipunin hafi ekki verið innleidd í lög hér á landi viljum við taka þetta skref núna og stuðla þannig að því að íslensk fjártæknifyrirtæki hafi sem bestan vettvang til að smíða nýjar lausnir. Vonin er sú að viðskiptavinir bankans njóti sem fyrst góðs af þeim breytingum sem eru að verða á fjármálaþjónustu.

Greinin birtist fyrst í Viðskiptablaðinu 8. ágúst 2019

Þú gætir einnig haft áhuga á
Landslag
29. nóv. 2022

Fjármálaheimurinn tók hressilega á móti UFS

Fjárfestingar sem byggja á tengslum við umhverfismál, félagslega þætti og stjórnarhætti (UFS, e. ESG) hafa aukist ótrúlega mikið á tiltölulega stuttum tíma. Helst sú þróun auðvitað í hendur við aukinn skilning á loftslagsvánni og brýna nauðsyn til þess að ná árangri þar.
Landslag
18. nóv. 2022

Það vantar betri gögn um tengsl sjálfbærni og fjármála

Með því að beina fjármagni í atvinnugreinar og fyrirtæki sem hafa jákvæð áhrif á loftslagsvandann eða a.m.k. síður neikvæð, getur fjármálageirinn stuðlað að miklum breytingum til hins betra. En er fjármálageirinn að standa sig?
Auðkenni
17. nóv. 2022

Leyninúmerin á útleið og sterk auðkenning kemur í staðinn

Fjögurra stafa leyninúmer bankareikninga hafa fylgt okkur áratugum saman en nú í nóvember hefst útleiðing þeirra hjá Landsbankanum þegar hætt verður að biðja um leyninúmer við staðfestingu greiðslna í appinu og netbanka einstaklinga.
10. nóv. 2022

Ísland langt frá loftslagsmarkmiðum

Ísland hefur ásamt Noregi og Evrópusambandinu sett sér markmið um 55% samdrátt heildarlosunar gróðurhúsalofttegunda fyrir árið 2030, miðað við árið 2005 sem upprunalega miðaðist við 1990. Auk þess skal kolefnishlutleysi náð árið 2040. En hvernig gengur? Og hvernig spilar kolefnisjöfnun þar inn í?
Sjálfbærnidagur 2022
22. sept. 2022

Sjálfbærnidagur Landsbankans – upptökur

Sjálfbærnidagur Landsbankans var haldinn í Grósku 22. september 2022. Aðalfyrirlesari fundarins var Tjeerd Krumpelman frá hollenska bankanum ABN AMRO.
Höfuðstöðvar Landsbankans
18. ágúst 2022

Bankinn í miðborginni: Úr Bakarabrekku í Austurstræti

Landsbankinn hóf starfsemi árið 1886 í Bankastræti, sem þá kallaðist reyndar Bakarabrekka en flutti í fyrsta bankahúsið í Austurstræti 11 árið 1898. Færri vita líklega að bankinn var um tíma með afgreiðslu í Austurstræti 16 sem seinna hýsti Reykjavíkurapótek.
Lady Zadude
3. ágúst 2022

Nú þarf einfaldlega að hleypa sorginni að

Vilhjálmur Ingi Vilhjálms á sér hliðarsjálf sem dragdrottningin Lady Zadude en hún hlaut titilinn dragdrottning Íslands fyrr í sumar. Lady Zadude hlaut þar styrk í verðlaun til að koma fram á Hinsegin dögum en hlaut jafnframt styrk úr Gleðigöngupotti Hinsegin daga og Landsbankans til að þróa og sýna atriði sitt í Gleðigöngunni.
15. júlí 2022

Öruggari greiðslur með sterkri auðkenningu

Nýjar reglur um það sem nefnist „sterk auðkenning“ hafa tekið gildi en í þeim eru gerðar stífari kröfur við innskráningu í bankaöpp og netbanka, um hvernig þú staðfestir netbankagreiðslur og við verslun á netinu. Tilgangurinn er að auka öryggi og stuðla að meiri samkeppni.
Edda Garðarsdóttir
8. júlí 2022

Einstök liðsheild kvennalandsliðsins

Fyrrverandi landsliðskonan og EM-farinn Edda Garðarsdóttir skrifar hér grein um hvað það er sem skapar góða liðsheild – og hvernig sú liðsheild sem ríkir innan kvennalandsliðsins er höfuðástæða fyrir árangri liðsins í gegnum árin.
6. júlí 2022

Hvernig kvennalandsliðið í fótbolta varð að þjóðargersemi

Sagnfræðingurinn og fótboltaáhugamaðurinn Stefán Pálsson lítur á sögu kvennaknattspyrnu á Íslandi, með stöðu knattspyrnu í Evrópu hverju sinni til hliðsjónar.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur