Hægt að lækka eða kom­ast hjá þjón­ustu­gjöld­um

Þú borgar ekkert fyrir grunnþjónustu í appinu og netbankanum og þú getur komist hjá því að greiða þjónustugjöld eða lækkað þau með því að velja ódýrari eða gjaldfrjálsar þjónustuleiðir sem eru í boði hjá Landsbankanum.
Netbanki
15. september 2023

Hægt er að sinna nánast öllum bankaerindum í appinu og netbankanum. Í þeim tilfellum sem gjöld eru innheimt er í nánast öllum tilvikum ódýrara að nota sjálfsafgreiðslu í Landsbankaappinu eða netbanka einstaklinga.

Dæmi um gjaldfrjálsa þjónustu fyrir viðskiptavini Landsbankans:

  • Nota hraðbanka til að taka út reiðufé af reikningi hjá bankanum
  • Koma í viðskipti
  • Millifæra
  • Stofna reikninga
  • Greiða reikninga
  • Leggja inn reiðufé í hraðbanka
  • Nota hraðbanka til að greiða reikninga

Við erum með hraðbanka á yfir 60 stöðum á landinu og rekum 35 útibú og afgreiðslur um allt land þar sem vel er tekið á móti þér.

Þá má líka lækka gjöld með því að láta skuldfæra afborganir lána beint af reikningi og fá yfirlit send í netbankann í stað þess að fá þau í pósti.

Lægra gjald ef þú þarft minni tryggingar

Við bjóðum töluvert úrval af kreditkortum og bera þau mismunandi árgjöld. Munurinn á kortunum felst aðallega í því að þeim fylgja mismiklar tryggingar og úttektarheimildin er mishá. Þau sem ferðast mikið geta haft meiri þörf fyrir góðar tryggingar og eru því tilbúin til að greiða hærra árgjald fyrir kreditkort en þau sem ferðast minna. Það er líka misjafnt hversu há úttektarheimildin þarf að vera.

Viltu safna fríðindum með kreditkortinu?

Munurinn á kreditkortum felst líka í að sumum kortum fylgir fríðindasöfnun. Aukakrónur eru fríðindakerfi Landsbankans þar sem kreditkorthafar fá Aukakrónur frá Landsbankanum af allri innlendri veltu og einnig afslátt í formi Aukakróna frá samstarfsaðilum. Þannig safnast Aukakrónusjóður sem hægt er að nýta hjá þessum sömu samstarfsaðilum.

Hvernig fæ ég árgjaldið til baka með Aukakrónum?

  • Árgjaldið á ódýrasta Aukakrónukortinu er 3.300 krónur. Með því fylgir grunnferðatrygging.
  • Með þessu korti færðu 2 Aukakrónur frá Landsbankanum fyrir hverjar 1.000 krónur sem þú veltir í gegnum kortið.
  • Ef þú notar greiðslukortið til að greiða fyrir neyslu að meðaltali 137.500 kr. á mánuði safnar þú Aukakrónum frá bankanum sem jafngilda árgjaldi kortsins, þ.e. 3.300 Aukakrónum. Þær getur þú notað til að kaupa nánast hvað sem er hjá samstarfsaðilum Aukakróna.
  • Til viðbótar færðu afslátt frá samstarfsaðilum í formi Aukakróna. Algengast er að afslátturinn sé 5% sem þýðir að ef þú kaupir eitthvað fyrir 1.000 krónur færðu 5 Aukakrónur inn á Aukakrónukortið þitt. Kaupir þú vörur fyrir 20.000 krónur færðu 1.000 Aukakrónur inn á kortið þitt.
  • Þú getur síðan notað Aukakrónukortið til að greiða fyrir næstum hvað sem er hjá samstarfsaðilum okkar.
  • Einnig eru ýmis tilboð í boði hjá samstarfsaðilum.

Yngri en 24 ára fá 150 fríar færslur á ári

Engin færslugjöld eru á kreditkortum, hvort sem þau eru fyrirframgreidd eða með heimild. Debetkort eru með færslugjöldum (18 kr. hver færsla) og árgjald fyrir ódýrasta debetkortið er 790 krónur. Allir undir 24 ára aldri fá 150 fríar færslur á ári eða að meðaltali rúmlega 12 fríar færslur í mánuði og greiða ekkert árgjald.

Betri vextir ef þú sparar í appi

Ef þú sparar í appinu færðu mun hagstæðari vexti en þegar þú geymir peningana inni á veltureikningi debetkortsins. Það er mjög einfalt að stofna sparnaðarreikning í appinu, geyma peningana þar og millifæra síðan eftir þörfum inn á veltureikninginn.

Innheimtugjöld ekki endilega frá okkur

Mikilvægt er að hafa í huga að munur er á þjónustugjöldum banka og gjöldum sem bankar innheimta fyrir önnur fyrirtæki, s.s. vegna innheimtuþjónustu. Í einhverjum tilfellum bæta rekstraraðilar þessum kostnaði við reikninginn sem verið er að innheimta og bæta stundum ofan á upphæðina sem þeir þurfa að greiða bankanum. Þess misskilnings gætir oft að allur innheimtukostnaðurinn renni til bankans en í mörgum tilfellum á það ekki við.

Hægt er að sjá upplýsingar um öll okkar þjónustugjöld í verðskránni sem birt er á vef bankans.

Greinin birtist fyrst í janúar 2016 en var síðast uppfærð í september 2023.

Þú gætir einnig haft áhuga á
Fjölskylda við rafmagnsbíl
20. maí 2024
Ertu að hugsa um að kaupa rafbíl?
Kaupverð og rekstrarkostnaður vega þungt í ákvarðanatöku um bílakaup en umhverfis- og samfélagsábyrgð skipta okkur flest æ meira máli. Til viðbótar við gerð, lit og stærð þarf að velja á milli orkugjafa, en rafbílar eru að hasla sér völl í öllum stærðarflokkum fólksbíla. Þannig eru nú til fjölmargar rafbílategundir í öllum flokkum sem mætt get fjölbreyttum þörfum neytenda. Allir ættu því að geta fundið eitthvað við sitt hæfi.
Íbúðir
8. maí 2024
Getur borgað sig að festa vexti þegar þeir eru svona háir?
Þau sem festu vexti á óverðtryggðum íbúðalánum þegar vextir voru sem lægstir, sjá nú fram á að greiðslubyrðin af lánunum muni hækka verulega þegar vextirnir losna. Margar leiðir eru færar til að lækka greiðslubyrði af íbúðalánum og ein þeirra er að festa vextina. En getur það borgað sig þegar vextir eru svona háir og fara vonandi lækkandi?
Lyftari í vöruhúsi
8. maí 2024
Verðbólgan á allra vörum - nokkur lykilatriði til að hafa á hreinu
Verðbólga, stýrivextir, verðbólguvæntingar og gengi. Hvað þýða þessi hugtök og af hverju skipta þau máli?
Ungt fólk
5. apríl 2024
Hvað breytist við að verða fjárráða?
Þegar þú verður fjárráða berð þú ábyrgð á peningunum þínum og viðskiptasögu. Við þessi tímamót er gott að staldra við, kynna sér mikilvæg atriði um fjármálin sín og fá sem besta yfirsýn yfir hlutina.
Stúlkur á hlaupahjólum
15. mars 2024
Hvað á að gera við fermingarpeninginn?
Áður voru fermingargjafir oft eigulegir gripir sem hjálpuðu fermingarbarninu inn í nýtt tímabil ævinnar – skatthol, pennar, orðabækur, merkileg skáldverk, hljómtæki, tjöld, armbandsúr eða ferðatöskur.
Hjón úti í náttúru
12. mars 2024
Það gæti borgað sig að spara í sjóðum ef þú færð greiðslur frá TR
Þau sem fá greiðslur frá Tryggingastofnun ríkisins hafa mörg hver rekið sig á að fjármagnstekjur umfram ákveðna fjárhæð geta skert greiðslurnar. Það er eðlilegt að spyrja sig hvaða leiðir séu bestar fyrir sparnaðinn, sérstaklega eftir að vextir tóku að hækka, og hvernig best er að haga sparnaði með tilliti til fjármagnstekna.
Verðbréfasíða í netbanka
24. jan. 2024
Viltu ná árangri með eignadreifingu?
Okkur er oft ráðlagt að dreifa eignum okkar til þess að draga úr sveiflum. Viðkvæðið „ekki setja öll eggin í sömu körfuna“ stendur fyrir sínu, en með því að dreifa áhættunni getum við varið okkur gegn ófyrirséðu tapi af stökum fjárfestingum.
18. jan. 2024
Hvernig er fjármálaheilsan?
Við upphaf nýs árs er mjög algengt að fólk byrji í heilsuátaki, enda oft ekki vanþörf á eftir margra vikna sykurát og óhóflega neyslu á mat og drykk. Það er upplagt að nota tækifærið til að velta líka fyrir sér fjármálaheilsunni og setja sér markmið um að bæta fjármálin.
16. jan. 2024
Hægt að spara stórfé með því að leggja bílnum
Svigrúmið til að skera niður föst útgjöld heimilisins þannig að virkilega muni um er oft lítið. Eitt liggur þó betur við höggi en flest annað, nefnilega hinn rándýri einkabíll!
Verðbréf í appi
4. jan. 2024
Þetta er gott að vita áður en þú kaupir í sjóði
Fjárfesting í verðbréfa- og fjárfestingarsjóðum er vinsæl leið til að ávaxta sparifé. Ef þú ert að velta fyrir þér að setja sparnaðinn þinn, eða hluta af honum, í sjóð er gott að þekkja nokkur lykilhugtök.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur