8. nóvember 2021 - Hagfræðideild
Vikan framundan
- Á þriðjudag birtir Eimskip uppgjör.
- Á miðvikudag birtir Seðlabankinn niðurstöður úr væntingakönnun markaðsaðila, Ferðamálastofa birtir talningu á fjölda ferðamanna um Leifsstöð, Vinnumálastofnun birtir skráð atvinnuleysi og Kvika banki birtir uppgjör.
- Í vikunni fara fram verðmælingar vegna nóvembermælingar vísitölu neysluverðs, en Hagstofan birtir hana fimmtudaginn 25. nóvember.
Mynd vikunnar
Fjöldi unninna vinnustunda jókst milli ára á 3. ársfjórðungi. Þetta er annar fjórðungurinn í röð sem fjöldi vinnustunda eykst milli ára, en þar áður hafði fjöldi vinnustunda dregist saman milli ára samfellt í fimm fjórðunga, eða frá 1. ársfjórðungi 2020 til og með 1. ársfjórðungs 2021. Fjöldi starfanda jókst milli ára, en meðalfjöldi vinnustunda dróst saman. Meðalfjöldi vinnustunda hefur dregist saman milli ára samfellt síðan á 1. ársfjórðungi 2020.
Efnahagsmál
- Niðurstöður úr vinnumarkaðsrannsókn Hagstofu Íslands fyrir 3. ársfjórðung benda til þess að vinnumarkaðurinn sé að taka við sér, en hlutfall starfanda jókst milli ára og atvinnuleysi minnkaði.
- Þriðjungur kaupenda á íbúðamarkaði á 3. ársfjórðungi var að kaupa sína fyrstu íbúð. Að meðaltali keyptu fyrstu kaupendur íbúð sem er 97 fermetrar á stærð og greiddu 45,4 m. kr. fyrir.
- Fjöldi fluga frá Leifsstöð í október var um 70% af fjöldanum í október 2019. 72% farþega um Leifsstöð í október voru erlendir. Sem fyrr voru Bandaríkjamenn fjölmennastir (32% erlendra farþega), þar á eftir Bretar (10%), Þjóðverjar (10%) og Danir (5%). Ferðamálastofa birtir síðan talningu á fjölda ferðamanna um Leifsstöð fyrir októbermánuð á miðvikudaginn.
- Enginn tilkynning um hópuppsögn barst Vinnumálastofnun í október.
- Hagstofan birti bráðabirgðatölur um vöruviðskipti í október og tilraunatölfræði um launasummu í ágúst.
- Seðlabankinn birti talnaefni um lífeyrissjóði og efnahag Seðlabankans.
Fjármálamarkaðir
- Sýn og Reginn birtu uppgjör í síðustu viku.
- Arion banki lauk útboði sértryggðra skuldabréfa og Lánamál ríkisins luku útboði ríkisbréfa.
Hagtölur og markaðsupplýsingar
Þú gætir einnig haft áhuga á
23. sept. 2024
Í vikunni birtir Seðlabankinn yfirlýsingu fjármálastöðugleikanefndar og fjármálastöðugleikaskýrslu. Þá gefur Hagstofan út verðbólgumælingu fyrir septembermánuð á föstudag. Í síðustu viku gaf HMS út vísitölu íbúðaverðs sem hækkaði talsvert á milli mánaða og vísitölu leiguverðs sem lækkaði á milli mánaða. Kortaveltugögn sem Seðlabankinn birti í síðustu viku benda til þess að þó nokkur kraftur sé í innlendri eftirspurn eftir vörum og þjónustu.
16. sept. 2024
Í vikunni birtist meðal annars vísitala íbúðaverðs, vísitala leiguverðs og tölur um veltu greiðslukorta í ágúst. Í síðustu viku birtust tölur um fjölda ferðamanna sem hingað komu í ágúst, en þeir voru svipað margir og í ágúst í fyrra. Atvinnuleysi jókst lítillega á milli mánaða í ágúst. Fjárlög fyrir 2025 voru kynnt.
12. sept. 2024
Við spáum því að vísitala neysluverðs hækki um 0,08% á milli mánaða í september og að verðbólga lækki úr 6,0% niður í 5,7%. Við eigum von á áframhaldandi lækkun næstu mánuði og að ársverðbólga verði komin niður í 4,9% í lok árs.
9. sept. 2024
Í þessari viku ber hæst útgáfa á tölum um fjölda ferðamanna í ágúst og skráð atvinnuleysi á morgun. Í síðustu viku birtist fundargerð peningastefnunefndar þar sem fram kom að allir nefndarmenn voru sammála um að halda vöxtum óbreyttum á síðasta fundi, ólíkt því sem var síðustu þrjá fundi þar áður þar sem einn nefndarmaður vildi lækka vexti um 0,25 prósentustig.
6. sept. 2024
Meðfylgjandi er mánaðarlegt yfirlit sértryggðra skuldabréfa.
5. sept. 2024
Halli mældist á viðskiptum við útlönd á öðrum fjórðungi þessa árs, ólíkt öðrum ársfjórðungi í fyrra, þegar lítils háttar afgangur mældist. Það var afgangur af þjónustujöfnuði og frumþáttatekjum, en halli á vöruskiptum og rekstrarframlögum. Hrein staða þjóðarbúsins versnaði lítillega á fjórðungnum.
3. sept. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
2. sept. 2024
Verðbólga lækkaði óvænt á milli mánaða í ágúst. Hagkerfið dróst örlítið saman á milli ára á öðrum ársfjórðungi, en á sama tíma er nú ljóst að hagvöxtur í fyrra var meiri en áður var talið og einnig að samdráttur var minni á fyrsta ársfjórðungi. Í þessari viku birtir Seðlabankinn gögn um greiðslujöfnuð við útlönd og fundargerð peningastefnunefndar.
30. ágúst 2024
Hagkerfið dróst örlítið saman á milli ára á öðrum ársfjórðungi, samkvæmt nýbirtum þjóðhagsreikningum Hagstofunnar. Á sama tíma er nú ljóst að hagvöxtur var meiri í fyrra en áður var talið og samdráttur einnig minni á fyrsta ársfjórðungi. Umsvif í hagkerfinu eru því meiri en áður var talið þótt landsframleiðsla dragist saman.
29. ágúst 2024
Vísitala neysluverðs hækkaði um 0,09% á milli mánaða í ágúst, samkvæmt nýbirtum tölum Hagstofu Ísland. Ársverðbólga lækkar því úr 6,3% í 6,0%, um 0,3 prósentustig. Vísitalan hækkaði nokkuð minna en við gerðum ráð fyrir, en við spáðum óbreyttri verðbólgu. Það sem kom okkur mest á óvart var lækkun á menntunarliðnum, sem skýrist af niðurfellingu á skólagjöldum einstaka háskóla. Verð á matarkörfunni lækkaði í fyrsta skiptið í þrjú ár.