Vikubyrjun 4. nóvember
Í nýbirtri hagspá okkar fyrir árin 2019-2022 er gert ráð fyrir að landsframleiðsla dragist saman á þessu ári og að hagvöxtur verði neikvæður um 0,4%. Horfur eru á hóflegum efnahagsbata á næstu árum og við búumst við að hagvöxtur á Íslandi verði jákvæður um 2% árið 2020 og heldur meiri á árunum 2021 og 2022. Verðbólga verður nálægt verðbólgumarkmiði Seðlabankans og vextir lágir, samkvæmt spá okkar.
1. nóvember 2019
Vikan framundan
- Á miðvikudag birtir Seðlabanki Íslands vaxtaákvörðun. Við teljum að peningastefnunefnd Seðlabankans muni halda vöxtum óbreyttum. Samhliða ákvörðuninni verða Peningamál 2019/4 birt. Festi, Heimavellir og Sýn birta árshlutauppgjör. Ferðamálastofa birtir talningu á ferðamönnum um Leifsstöð.
- Á fimmtudaginn birtir Reginn árshlutauppgjör.
Mynd vikunnar
Í nýbirtri þjóðhags- og verðbólguspá okkar fyrir árin 2019-2022 er gert ráð fyrir að landsframleiðsla dragist saman á þessu ári og að hagvöxtur verði neikvæður um 0,4%. Horfur eru á hóflegum efnahagsbata á næstu árum og við búumst við að hagvöxtur á Íslandi verði jákvæður um 2% árið 2020 og heldur meiri á árunum 2021 og 2022. Verðbólga verður nálægt verðbólgumarkmiði Seðlabankans og vextir lágir, samkvæmt spá okkar.
Það helsta frá vikunni sem leið
- Við birtum nýja verðbólgu- og þjóðhagsspá.
- Vísitala neysluverðs hækkaði um 0,36% milli mánaða.
- Hagar (uppgjör, fjárfestakynning), Síminn (uppgjör), Arion banki (uppgjör), Íslandsbanki (uppgjör), Icelandair (uppgjör, fjárfestakynning), Eik (uppgjör), Origo (uppgjör) og Sjóvá (uppgjör, fjárfestakynning) birtu árshlutauppgjör.
- Hagstofa Íslands birti einnig þjóðhagsspá.
- Seðlabankinn birti niðurstöður úr könnun á væntingum markaðsaðila.
- Svo virðist sem framboð íbúða í miðborg sé of mikið.
- Seðlabankinn birti glærur frá erindi seðlabankastjóra á hádegisfundi Kviku banka.
- Heildarfjöldi gistinátta dróst saman um 3% milli ára í september.
- Hagstofan birti uppfærðar tölur um vöruviðskipti við útlönd á fyrstu níu mánuðum ársins.
- Þjóðskrá birti samantekt um hverjir áttu viðskipti með íbúðarhúsnæði á 3. ársfjórðungi.
- Lánamál ríkisins luku útboði ríkisvíxla.
Hagtölur og markaðsupplýsingar
Hagtölur 4. nóvember 2019 (PDF)
Þú gætir einnig haft áhuga á
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.
21. sept. 2026
Þrátt fyrir minna flugframboð til og frá landinu hefur ferðamönnum aðeins fækkað um 1%, það sem af er ári. Tengifarþegum hefur aftur á móti fækkað og Íslendingar hafa farið í færri utanlandsferðir í ár en í fyrra. Nýlegar kortaveltutölur benda til þess að neysla ferðamanna hafi tekið við sér yfir sumarið og að áhrif sólmyrkvans hafi fremur birst í aukinni neyslu en fjölgun gesta.
21. sept. 2026
Greiðslukortavelta heimilanna dróst saman um 1,2% á milli ára í ágúst, að teknu tilliti til verðlags og gengis. Íbúðaverð hækkaði lítillega í ágúst, en leiguverð lækkaði eftir að hafa hækkað sex mánuði í röð.