30. ágúst 2021 - Hagfræðideild
Vikan framundan
- Í dag birtir Hagstofan ágústmælingu vísitölu neysluverðs.
- Á þriðjudag birtir Hagstofan þjóðhagsreikninga. Síminn birtir árshlutauppgjör.
- Á miðvikudag birtir Sýn uppgjör.
- Á fimmtudag birtir Seðlabankinn greiðslujöfnuð.
Mynd vikunnar
Í nýjasta hefti Peningamála Seðlabankans kemur fram að útlán til fyrirtækja hafi nánast staðið í stað á síðasta ári. Á öðrum ársfjórðungi 2021 hafa þau dregist saman um 2% en um 0,7% að teknu tilliti til áhrifa gengisbreytinga á fyrirtækjalán í erlendum gjaldmiðlum. Útlán til heimila hafa hins vegar aukist það sem af er ári og mældist um 11,3% aukning á öðrum fjórðungi ársins. Aukin útlán til heimila eru nær einvörðungu tilkomin vegna aukinna íbúðalána.
Efnahagsmál
- Peningastefnunefnd Seðlabanka Íslands hækkaði vexti bankans um 0,25 prósentustig. Meginvextir bankans (7 daga bundin innlán) verða því 1,25%. Þetta kom okkur á óvart, en við höfðum spáð óbreyttum vöxtum.
- Samhliða vaxtaákvörðuninni birti SÍ ágústhefti Peningamála með uppfærðri verðbólgu- og þjóðhagsspá. SÍ hækkaði spá sína um verðbólgu á öðrum helmingi þessa árs og fyrri helmingi næsta árs, en gerir áfram ráð fyrir því að verðbólgumarkmið náist á seinni helmingi næsta árs. SÍ hækkaði hagvaxtarspá sína frá því í maí úr 3,1% í 4,0%. Að einhverju leyti er þetta tilfærsla frá 2022, en SÍ lækkaði spá sína um hagvöxt 2022 úr 5,2% í 3,9%.
- Hallinn á vöru- og þjónustujöfnuði nam 30,5 mö. kr. á 2. ársfjórðungi og jókst um 13,3 ma. kr. milli ára. Aukinn halli skýrist af mikilli aukningu í vöruinnflutningi. Á móti jókst útflutningsverðmæti sjávarafurða vegna loðnuvertíðar. Útflutningsverðmæti áls og álafurða jókst vegna hækkana á álverði, og útfluttrar ferðaþjónustu vegna fjölgunar erlendra ferðamanna.
- Launavísitalan lækkaði um 0,1% milli mánaða í júlí. Tólf mánaða hækkun launavísitölunnar er 7,8%. Vísitala neysluverðs hefur hækkað um 4,3% á sama tímabili, sem þýðir að kaupmáttaraukningin á milli ára er 3,4%. Opinberi markaðurinn er að hækka meiri en almenni markaðurinn.
- Samkvæmt vinnumarkaðsrannsókn Hagstofu Íslands var árstíðaleiðrétt atvinnuleysi 5,2% af vinnuafli í júlí og árstíðaleiðrétt atvinnuþátttaka 78,7%. Árstíðaleiðrétt atvinnuleysi hefur lækkað um 0,4 prósentustig á milli mánaða og 2,5 prósentustig milli ára.
- Hagstofan birti skammtímavísa ferðaþjónustu, tilraunatölfræði um eldsneytissölu á 2. ársfjórðungi, aflaverðmæti 2020 og veltu skv. virðisaukaskattskýrslum fyrir maí-júní.
- Fjársýsla ríkisins birti hálfsársuppgjör. Afkoma ríkissjóðs var nokkuð betri en áætlanir gerðu ráð fyrir, aðalega vegna meiri tekjuvöxt en búist var við.
- Seðlabankinn birti talnaefni um bankakerfið m.v. lok júlí.
- Þjóðskrá birti vísitölu leiguverðs í júlí og upplýsingar um fyrstu kaupendur á fasteignamarkaði.
Fjármálamarkaðir
- Brim, Eik, Iceland Seafood, Kvika banki, Origo, Reitir og Síldarvinnslan birtu hálfsársuppgjör.
- Eftirfarandi útgefendur skráðra skuldabréfa birtu hálfsársuppgjör: Byggðastofnun, Íslandshótel, Lánasjóður sveitarfélaga, Orkuveita Reykjavíkur og Reykjavíkurborg.
- Lánamál ríkisins birti niðurstöðu viðbótarútgáfu í tengslum við útboðið 20. ágúst.
Hagtölur og markaðsupplýsingar
Þú gætir einnig haft áhuga á
25. sept. 2023
Vísitala íbúðaverðs á höfuðborgarsvæðinu hækkaði um 0,7% milli mánaða í ágúst, samkvæmt gögnum sem HMS birti í síðustu viku. Vísitalan lækkaði þó nokkuð í júní og júlí og hækkunin kom því nokkuð á óvart. Í næstu viku ber hæst birting Hagstofunnar á vísitölu neysluverðs á fimmtudag.
20. sept. 2023
Vísitala íbúðaverðs hækkaði um 0,7% milli mánaða í ágúst. Árshækkun vísitölunnar fór úr 0,8% í 2,0%. Undirritaðir kaupsamningar á höfuðborgarsvæðinu voru 9,6% færri í júlí en í sama mánuði í fyrra. Vísitalan er hærri en við gerðum ráð fyrir við gerð verðbólguspár fyrir septembermánuð og því færum við hana upp og spáum 7,8% ársverðbólgu í stað 7,7%.
18. sept. 2023
Um 282 þúsund erlendir ferðamenn fóru um Keflavíkurflugvöll í ágúst. Ef sumarmánuðirnir eru teknir saman hafa aðeins einu sinni komið fleiri ferðamenn að sumri, árið 2018. Samkvæmt nýjustu þjóðhagsreikningum Hagstofunnar jókst þjónustuútflutningur á fyrstu tveimur fjórðungum ársins um 21%, og má rekja allan þann vöxt til ferðaþjónustunnar.
18. sept. 2023
Í síðustu viku komu tölur um brottfarir frá Leifsstöð, skráð atvinnuleysi og veltu greiðslukorta. Í þessari viku ber hæst vísitala íbúðaverðs, sem kemur á þriðjudag, og yfirlýsing fjármálastöðugleikanefndar Seðlabanka Íslands, sem gefin verður út á miðvikudaginn.
15. sept. 2023
Nýjar kortaveltutölur bera með sér frekari vísbendingar um að verulega sé að hægja á innlendri eftirspurn. Heildarkortavelta íslenskra heimila dróst saman um 3,4% milli ára í ágúst. Kortavelta Íslendinga innanlands var 4,3% minni en í ágúst í fyrra á föstu verðlagi og hefur nú dregist saman sex mánuði í röð. Erlendis jókst kortavelta Íslendinga um 0,7% á milli ára og kortaveltujöfnuður er jákvæður um 19,2 milljarða.
14. sept. 2023
Við spáum því að vísitala neysluverðs hækki um 0,07% milli mánaða í september og að ársverðbólga standi í stað og verði áfram 7,7%. Útsölulok hafa aftur mest áhrif til hækkunar milli mánaða í september samkvæmt spánni. Það sem helst dregur spána niður er árstíðabundin lækkun á flugfargjöldum til útlanda. Við gerum ráð fyrir að verðbólga lækki áfram næstu mánuði og verði 6,6% í desember.
11. sept. 2023
Í síðustu viku birti Seðlabankinn fundargerð peningastefnunefndar. Samkvæmt henni greiddi einn nefndarmaður atkvæði gegn tillögu seðlabankastjóra um að hækka vexti um 0,50 prósentustig á síðasta fundi nefndarinnar og hefði heldur kosið að hækka þá um 0,25 prósentustig. Í þessari viku berast gögn yfir fjölda brottfara um Leifsstöð, skráð atvinnuleysi og kortaveltu.
4. sept. 2023
Meðfylgjandi er mánaðarlegt yfirlit um sértryggð skuldabréf.
4. sept. 2023
Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.
31. ágúst 2023
Hagvöxtur mældist 4,5% á öðrum ársfjórðungi, samkvæmt fyrsta mati Hagstofunnar. Eins og við var að búast benda tölurnar til þess að hægt hafi á hagkerfinu, en hagvöxtur mældist 7,1% á fyrsta ársfjórðungi. Vaxtahækkanir hafa tekið að tempra innlenda eftirspurn á sama tíma og hægt hefur á vexti kaupmáttar á síðustu misserum. Einkaneysla jókst örlítið en vegna hraðrar fólksfjölgunar dróst hún saman á mann.